नेपाली कांग्रेसया नेता बद्री पाण्डे न सभामुख व उपसभामुख सत्तापक्षं काये मज्यु धका धाःगु दु।

प्रतिनिधिसभाय् थौं शनिबाः उपसभामुखय् कांग्रेस नेतृ मुक्ताकुमारी यादवयात प्रस्ताव यासे सभामुख सत्तापक्ष जुइ धुकुगुलि आः उपसभामुख प्रतिपक्षयात बिइमाः धका धाःगु खः।

‘सत्तापक्षं प्रस्ताव याम्ह मनू सभामुख जुइ धका आः उपसभामुख प्रतिपक्षयात प्रस्ताव याम्ह मनू जुइमाः, अथे जुलकि जक सदनयात छप्प याना यकेत अपुइ’ वयकलं धाःगु खः।

संविधानय् सभामुख व उपसभामुख अलग अलग दलया मनू जुइमाः धका सांसद पाण्डे न धाःगु खः।

राष्ट्रिय स्वतन्त्र पार्टी (रास्वपा) या सांसद सोबिता गौतमं थःगु पार्टीया सांसद इन्दिरा रानामगरयात उपसभामुखय् प्रस्ताव याःगु दु ।

शनिबाः प्रतिनिधिसभा बैठकय् न्ववायेगु झ्वलय् वयकलं सांसद राना उपसभामुख जुलकि उगु पदया गरिमा अप्पो जुइगु धका धाःगु दु। ‘मानननीय इन्दिरा राना मगर उपसभामुखया मेचय् च्वनिइगु धइगु योग्यताया जक कदर मखु, बरु सम्मानित उपसभामुख पद न शोभायमान जुइ’ वयकलं धाःगु दु।

इन्दिरा राना मगर संसदय् न्हुगु ख्वापालं समाज रुपान्तरण यायेत हे राजनीतिइ वःगु खः धका सांसद गौतमं धाःगु दु। सांसद रानामगर उपसभामुख पदया जिम्मेवार कुशलतापूर्वक निर्वाह याइ धका धयादीगु खः।

चालु आर्थिक वर्ष २०७९÷८० या निक्वःगु त्रैमासतक सानिमा बैंकया नाफा अप्पोगु दु।

बैंकं शनिबाः सार्वजनिक यागुलि चालु आर्थिक वर्षया निक्वःगु त्रैमासतक अपरिस्कृत वित्तीय विवरण कथं १ अर्ब २८ करोड ५३ हजार रुपैयाँ नाफा आर्जन याःगु दु ।

वंगु दँय् बैंकं १ अर्ब ३ करोड ३० लाख रुपैयाँ नाफा याःगु खः। बैंकं खुलाया दुने ३ अर्ब २१ करोड ५ लाख रुपैयाँ ब्याज आम्दानी याःगु खः। वंगु दँय् बैंकं ब्याज आम्दानी बापत २ अर्ब १८ करोड रुपैयाँ आर्जन याःगु खः।

बैंकं सञ्चालन नाफापाखे १ अर्ब ८२ करोड २० लाख रुपैयाँ आर्जन याःगु खः। वंगु दँय् अथे मुनाफा १ अर्ब ५० करोड रुपैयाँ आर्जन याःगु खः। अथेहे बैंकया खराब कर्जा न अप्पोगु दु।

वंगु दँय् ०.३१ प्रतिशत दुगु खराब कर्जा चालु आर्थिक दँय् पुस मसान्ततक थहावना ०.७७ प्रतिशत कायम जूगु दु।

बैंकं पुस मसान्ततक १ खर्ब ५९ अर्ब २० करोड रुपैयाँ निक्षेप संकलन याःगु खःसा १ खर्ब ४३ अर्ब ३३ करोड रुपैयाँ ऋण लगानी याःगु दु।

बैंकया चुक्तापुँजी १२ अर्ब ४६ करोड ११ लाख रुपैयाँ कायम जूगु दु सा जगेडा कोषय् ४ अर्ब ६२ करोड ६६ लाख रुपैयाँ कायम जूगु दु ।

चालु आर्थिक वर्ष २०७९÷८० या निक्वःगु त्रैमासतक नबिल बैंकया नाफा ५६.६७ प्रतिशतं थहावःगु दु।

वंगु आर्थिक वर्षया निक्वःगु त्रैमासतक २ अर्ब १८ करोड १४ लाख रुपैयाँ नाफा आर्जन याःगु बैंकं चालु आर्थिक वर्षया थुगु इलय् ३ अर्ब ४१ करोड ७६ लाख रुपैयाँ नाफा याःगु दु। वंगु असार २७ गते नेपाल बङ्गलादेश नाप एकीकृत कारोबार सुरु जुगुलि थुगु दँय् वंगु दँय् स्वया अप्पो नाफा याःगु दु।

बैंकं खुलाया दुने ७ अर्ब ८३ करोड २९ लाख रुपैयाँ ब्याज आम्दानी याःगु खः। वंगु दँय् बैंकं ब्याज आम्दानी बापत ४ अर्ब २१ करोड रुपैयाँ ब्याज आम्दानी याःगु खः। बैंकं सञ्चालन नाफापाखे ४ अर्ब ६ करोड १७ लाख रुपैयाँ आर्जन याःगु दु। बैंकं वंगु ण्दँय् मुनाफा ३ अर्ब ११ करोड ५३ लाख रुपैयाँ आर्जन याःगु खः। अथेहे बैंकया खराब कर्जा अप्पोगु दु।

वंगु दँय् १.११ प्रतिशत  खराब कर्जा दुगु खःसा चालु आर्थिक दँय् पुस मसान्ततक २.९ कायम जूगु दु। बैंकया चुक्तापुँजी २७ अर्ब ६ करोड ६९ लाख रुपैयाँ कायम जुग दु। बैंकया जगेडा कोषय् २५ अर्ब ५७ करोड रुपैयाँ कायम जुगु दु।

बैंकं पुस मसान्ततक ३ खर्ब ४७ अर्ब ४६ करोड रुपैयाँ निक्षेप संकलन याःगु दु सा ३ खर्ब १५ अर्ब ६४ करोड रुपैयाँ ऋण लगानी याःगु दु।

येँ महानगरपालिकाया मेयर बालेन साह विरुद्ध जग्गाधनीया छेँजःपिनिपाखें थौं प्रदर्शन याःगु दु।

वंगु पुस २८ गते येँया ३१ वडास्थित शंखमुलय् लँ तब्या यायेगु नामय् निजी जग्गाय् डोजर चले यानाः कब्जाया कुतःयाःगुलिं थौं राष्ट्रिय सभागृह न्ह्यःने प्रदर्शन याःगु खः।

किपा सामाजिक संजालपाखे