तिनख्यलय् थारू समुदायया राष्ट्रिय माघी महोत्सव तःजिक हःगु दु। थारुपिन्स थाकसया ग्वहालिइ स्वदँनिसे माघी महोत्सव हनिइगु याःगु खः।

महोत्सवया उउलेज्या प्रधानमन्त्री पुष्पकमल दाहाल प्रचण्डं यायेगु धाःसा प्राविधिक कारणवस उपस्थित मजुगु धका थाकसया सदस्य सचिव कानुन लाल चौधरीं धाःगु दु।

महोत्सवया उलेज्या यायेगु न्ह्यः थारू संस्कृति, वसः, बाजं, खलः पुचःया ब्यानरनाप वसन्तपुरं झाँकी ¥याली पिकाःगु खः।

पोखराय् यती एयरलाइन्स विमान दुर्घटनाय् पत्रकार त्रिभुवन पौडेल मदुगु दु।

नेपाल पत्रकार महासंघया केन्द्रीय सदस्य जुयादीम्ह पौडेल पोखराया नेपाल प्रेस सेन्टरया बैठक तयारी यानाच्वम्ह खः। उकिया निति पौडेल बैठकया तिथि क्वछिइत येँ वम्ह खः।

माओवादी केन्द्रकया अध्यक्ष नाप प्रधानमन्त्री पुष्पकमल दाहाल प्रचण्डया व्यस्त जुगुलि छन्हु निन्हु लिपा वये धका पौडेल यती एयरलायन्सया जहाजं पोखरा वःगु खः।

जहाजय् च्वपि ७२ म्ह मध्ये ६९ म्ह सी धुकुगु पुष्टि जुइ धुकुगु दु। उकि मध्ये पौडेलया शव सनाखत जुइ धुकुगु दु धका नेपाल पत्रकार महासंघ कास्की अध्यक्ष विमला भण्डारीं जानकारी बिःगु दु।

पौडेल मदुगुलि पत्रकार महासंघं १३ दिं तक केन्द्र, प्रदेश व दक्को शाखाय् शोक माने यायेगु निर्णय याःगु दु। १३ दिं तक शोकसभा बाहेक छु न ज्या मयायेगु निर्णय जुगु दु धका महासंघया महासचिव रोसन पुरीं जानकारी बिःगु दु।

पोखराय् यती एयरलाइन्सया विमान दुर्घटना जुगुलि ६८ म्ह सी धुकुगु दु धका पुष्टि याःगु दु।

आइतबाः सुथय् जुगु दुर्घटनाय् आःतक ६८ म्ह सी धुकुगु पुष्टि जूगु दु धका नेपाल नागरिक उड्डयन प्राधिकरणं जानकारी बिःगु दु।

उगु विमानय् प्यम्ह चालक दल नाप ७२ म्ह दुगु खः। उकिइ मध्ये २५ म्ह मिसा, ३७ म्ह मिजंपि व खुम्ह मचापि धका प्राधिकरणं जानकारी बिःगु दु।

पोखराय् यति एअरलाइन्सया विमान दुर्घटना जुगुलि बिचाः हायके कथं कन्ह्यः सरकारं सार्वजनिक बिदा बिइगु निर्णय याःगु दु।

थौं आइतवाः च्वंगु मन्त्रिपरिषदया आकस्मिक बैठकं विमान दुर्घटना जुपिनिु लुमन्तिइ सार्वजनिक बिदा बिइगु निर्णय जुगु दु धका उपप्रधान नाप अर्थमन्त्री विष्णु पौडेलं जानकारी बिःगु दु।

बैठकं आन्तरिक उडानया दक्को विमानया प्राविधिक परीक्षण यायेत दक्को वायु सेवा कम्पनीपिन्त निर्देशन बिइगु व थःथपिन्त जानकारी बिइगु निति कल सेन्टर स्थापना यायेगु निर्णय याःगु दु।

प्रधानमत्री पुष्पकमल दाहाल ‘प्रचण्ड’ पोखरा वनेगु ज्याझ्वः स्थगित जूगु दु।

विमान दुर्घटनास्थलया अवलोकन यायेगु लागि प्रचण्ड व गृहमन्त्री रवि लामिछाने पोखरा वनेगु तयारी याःगु खः।

गृहमन्त्री लामिछानें प्रधानमन्त्री वनिगु इलय् हुल नियन्त्रण यायेत झन् थाकूइफुगुलि ज्याझ्वः स्थगित यागु दु धका धाःगु दु।

प्रधानमन्त्रीयात यकेगु निति सेनाया हेलिकोप्टर तक बालुवाटारय् हये धुकुगु दु।