प्रधानमत्री पुष्पकमल दाहाल ‘प्रचण्ड’ पोखरा वनेगु ज्याझ्वः स्थगित जूगु दु।

विमान दुर्घटनास्थलया अवलोकन यायेगु लागि प्रचण्ड व गृहमन्त्री रवि लामिछाने पोखरा वनेगु तयारी याःगु खः।

गृहमन्त्री लामिछानें प्रधानमन्त्री वनिगु इलय् हुल नियन्त्रण यायेत झन् थाकूइफुगुलि ज्याझ्वः स्थगित यागु दु धका धाःगु दु।

प्रधानमन्त्रीयात यकेगु निति सेनाया हेलिकोप्टर तक बालुवाटारय् हये धुकुगु दु।

सरकारं पोखराय् जूगु यती एयरया विमान दुर्घटना जुगुलि छानबिन नाप जाँच आयोग गठन याःगु दु।

बालुवाटारय् च्वंगु आकस्मिक मन्त्रिपरिषद् बैठकं पूर्वसचिव नागेन्द्र घिमिरेया संयोजकत्वय् न्याम्ह सदस्यीय समिति दयकूगु दु। उगु आयोगयात ४५ दिं ई बिःगु दु।

उपप्रधान नाप अर्थमन्त्री विष्णु पौडेलया कथं सदस्यपि हवाई विज्ञ अवकाश काये धुकुम्ह दीपक प्रकाश बाँस्तोला, हवाई विज्ञ सुनिल थापा, हवाई मर्मत सेक्टरया इन्जिनियर एकराजजंग थापापि खः।

सदस्य सचिवय् पर्यटन मन्त्रालयया बुद्धिसागर च्वंगु दु। दुर्घटनाया कारण म्हसिकेगु व वइगु दिं अपने यायेमाःगु विषय सुझावनाप प्रतिवेदन लःल्हायेत आयोगयात म्याण्डेट बिःगु दु धका मन्त्री पौडेलं धाःगु दु।

कर्णाली प्रदेशया सभामुखय् नेकपा एमालेया नन्दा गुरुङ निर्वाचित जूगु दु।

आइतबाः प्रदेशसभाय् जुगु निर्वाचनय् २४ मत नाप सभामुखय् निर्वाचित जूगु खः।

गुरुङयात नेकपा एमाले न १०, माओवादी केन्द्रं १३, राप्रपा व एकीकृत समाजवादीं छगु गुरुङ मत बःगु खः।

प्रदेश सभाय् ४० सम्ह सदस्यीय सभाय् ३८ म्हेसिगु उपस्थिति दुगु खः।

मन्त्रिपरिषदया आकस्मिक बैठक बालु्वाटारय् सुरु जुगु दु।

प्रधानमन्त्रीया सरकारी निवास बालुवाटारय् च्वंगु मन्त्रिपरिषदया मुख्य एजेण्डा हे पोखरा विमान दुर्घटना जुगु दु।

विमानस्थलया कन्ट्रोल रुम वना लिहावया प्रधानमन्त्रीं मन्त्रिपरिषद् बैठक सःतूगु खः।

पोखराय् थौं आइतबाः दुर्घटना जुगु ९एन–एएनसी जहाज पोखरा अन्तर्राष्ट्रिय विमानस्थलय् दकलय् न्हापागु पटक अवतरण जुगु जहाज खः ।

२२ डिसेम्बरया दिं पोखराया पुलागु विमानस्थलपाखे न्हुगु विमानस्थलय् डेमो उडान याःगु खः । उगु यतीया जहाज हे डेमो उडान याःगु खः।

थौं जहाज ब्बका च्वम्ह क्याप्टेन कमल केसी यक्को जुगु अनुभवी दुम्ह पाइलट खः। त्रिभुवन अन्तर्राष्ट्रिय विमानस्थलपाखे १०ः२५ बजेय् ब्बःगु उगु जहाज २५ मिनेटय् पोखरा अवतरण यायेमाःगु खः।

जहाज दुर्घटनाया कारण अय्न सिइदुगु मदुनि धका त्रिभुवन विमानस्थलस्थित उद्धार नाप राहत केन्द्रं धाःगु दु।