राष्ट्रिय सभा बैठक स्थगित जूगु दु। थौं न्हिनसिया १ बजे च्वनिइगु धका धाःगु बैठक शुक्रबाः तकया लागि स्थगित याःगु दु।

बैठक शुक्रबाः न्हिनसिया ४ बजे च्वनिइगु जुइ धका राष्ट्रिय सभा अध्यक्षया सचिवालयं धाःगु दु।

गण्डकी प्रदेश सरकार गठनया लागि बिःगु ई थौं क्वचाइगु जुगु दु।

प्रदेश प्रमुख पृथ्वीमान गुरुङं थौं मंगलबाः दलपिन्त सरकार गठनया लागि दाबी पेस यायेत आह्वान याःगु दु।

प्रदेश प्रमुख गुरुङं संविधानया धारा १६८ (२) कथं सरकार गठनया लागि थौं बिहीबाः न्हिनसिया ४ बजे तक ई बियातःगु खः।

लुम्बिनी प्रदेशय् बहुमतया सरकार गठन यायेगु निति बिःगु ई थौं क्वचाइगु जुगु दु ।

मंगलबाः प्रमुख अमिक शेरचनं संविधानया धारा १६८(२) कथं न्हुगु सरकार गठनया लागि आह्वान याःगु खः।

संविधानया धारा १६८ या उपधारा (२) कथं निगु वा निगु स्वया अप्पो दलपिनिगु समर्थनय् ल्हाःचि नाप स्पष्ट बहुमत खनेदुगु आधार ज्वना थौं बिहीबाः न्हिनय् ४ बजेतक दाबी पेस यायेत धाःगु खः।

लिला गिरीया नेतृत्वय् सरकार सोमबाः विश्वासया मत गुमे जुगुलि न्हुुगु सरकार गठनया लागि आह्वान याःगु खः ।

मनमोहन अधिकारीया २४ क्वःगु स्मृति दिवसया लसताय् नेकपा एमालेया अध्यक्ष केपी शर्मा ओलीं वयकःया झ्वाताय् स्वामा देछानादीगु दु।

२४ क्वःगु स्मृति दिवसया लसताय् थौं बुधवाः सानेपाय् मनमोहन स्मृति प्रष्ठिानय् वना स्वामा देछानादीगु खः। उगु ज्याझ्वलय् नेकपा एमालेया वरिष्ठ उपाध्यक्ष ईश्वर पोखरेल, महासचिव शंकर पोखरेल लगायतया नेतापि न उपस्थिति दुगु खः।

अधिकारी दक्षिण एशियाय् न्हापाम्ह कम्युनिष्ट प्रधानमन्त्री व नेकपा एमालेय् न न्हापाम्ह अध्यक्ष खः।

लुँ तोलां थौं न निसः थहावंगु दु। थौं लुँ तोलां निसः थहावना १ लाख ९ हजार ७ सय रुपैयाँ थ्यंगु दु धका नेपाल सुनचाँदी व्यवसायी महासंघं धाःगु दु।

अथेहे वहः तोलां थौं न्यातका कुहावःगु दु। वहः तोलां न्यातका कुहावःया थौं १ हजार ४ सय १५ रुपैया न कारोबार जुगु दु धका महासंघं धाःगु दु।