गण्डकी प्रदेशया मुख्यमन्त्री सुरेन्द्रराज पाण्डें स्वम्हेसिगु मन्त्रिपरिषद गठन याःगु दु।

मन्त्रिपरिषदय् कांग्रेसया हे सरस्वती अर्याल व माओवादी केन्द्रया सुशीला सिम्खडापि खः।

निम्हेसित प्रदेश प्रमुख पृथ्वीमान गुरुङं पद व गोपनियताया शपथ याकगु खः।

गण्डकी प्रदेशया मुख्यमन्त्री सुरेन्द्रराज पाण्डें थौं शपथ काःगु दु।

प्रदेश प्रमुख पृथ्वीमान गुरुङं संविधानया धारा १६८ या उपधारा २ बमोजिम निगु वा निगु स्वया अप्पो दलया समर्थनय् बहुमतय् प्रदेश सभा सदस्यया हैसियतं पाण्डें म्हिगः मुख्यमन्त्री नियुक्त जूगु खः।

पाण्डेयात थौं शुक्रबाः प्रदेश प्रमुख गुरुङं पद व गोपनियताया शपथ बिःगु खः। पाण्डे कांग्रेसया २७, माओवादीया न्ह्यम्ह व छम्ह स्वतन्त्र समर्थनय् मुख्यमन्त्री नियुक्त जूगु खः।

लुँ तोलां थौं न्यासः कुहावंगु दु। लुँ तोलां थौं न्यासः कुहावया १ लाख ९ हजार १ सय रुपैयाँ तोके याःगु दु धका नेपाल सुनचाँदी व्यवसायी महासङ्घं धाःगु दु।

अथेहे, वहः तोलां न्यातका कुहावंगु दु। वहः तोलां न्यातका कुहावया १ हजार ४ सय १० रुपैयाँ न महासङ्घं धाःगु दु।

राष्ट्रिय आविष्कार केन्द्रया संस्थापक महावीर पुनं माइतीघर मण्डलाय् धर्ना सुरु याःगु दु। सरकारं खोज अनुसन्धान व आविष्कारय् ध्यान मतगु धासे थौं आन्दोलन कथं शुक्रबाः धर्ना सुरु याःगु दु।

महावीरनाप  धर्नाय् च्वनाच्वपिन्स ‘स्टार्टअप उद्यमीहरुलाई प्रोत्साहन गर’, ‘अनुसन्धान, नवप्रवर्तन र आविष्कार जगतमा युवा सहभागिता’ लगायतया नारा च्वयन प्लेकार्ड ज्वनातःगु खः।

धर्ना सुरु याये न्ह्यः पत्रकारपि नाप खँ ल्हायेगु झ्वलय् पुनं संघ, प्रदेश व स्थानीय सरकारं विकास बजेटय् छगु प्रतिशत बजेट छुटेयाना अनुसन्धान आविष्कारया लागि कोष दयका जम्मा यायेमाःगु माग प्रमुख मागयासे धका धयादीगु दु। उगु कोषं सञ्चालन यायेत अनुसन्धान याइपिन्त याउक ऐन कानुन दयकेमाःगु माग याःगु दु।

प्रतिनिधि सभा सदस्यय् रवि लामिछाने व स्वर्णिम वाग्लें थौं शपथ ग्रहण याःगु दु। अथेहे मेम्ह सांसद उपेन्द्र यादव धाःसा शपथ ग्रहणय् अनुपस्थित जुगु दु।

यादव थुगु इलय् स्वनिगःपिने जुगु शपथ कायेगु ज्याझ्वलय् मथ्यःगु दु।

वंगु वैशाख १० गते जूगु उपनिर्वाचनय् बारा २ पाखे जसपाया अध्यक्ष उपेन्द्र यादव, चितवन २ पाखे रास्वपा सभापति रवि लामिछाने व तनहुँ १ पाखे स्वर्णिम वाग्ले र्विाचित जूगु खः। लामिछाने व वाग्लेयात सभामुख देवराज घिमिरें पद व गोपनीयताया शपथ बिःगु खः।