Display Style:
Column Style
बाजुराय् ५ दशमलव ९ रेक्टरया भुखाय् ब्बल
लहनान्युज | तछलाथ्व अष्टमी ११४३, बैसाख १५ शुक्रवाः
बाजुरा केन्द्रबिन्दु जूया वंगु चान्ह्यः ५ दशमलव ९ रेक्टर स्केलया भुखाय् ब्बःगु दु।
राष्ट्रिय भूकम्प मापन नाप अनुसन्धान केन्द्रया कथं वंगु चान्ह्यः १ बजे जूया ३० मिनेतय् ५ दशमलव ९ रेक्टर स्केलया भुखाय् ब्बःगु दु धका धाःगु दु।
अन ब्बःगु भुखाय् बाजुरानाप जःखः जिल्लाय् तक महसुस जूगु दु।
देयन्यक थप १११ म्ह कोरोना संक्रमण पुष्टि
लहनान्युज | तछलाथ्व सप्तमी ११४३, बैसाख १४ बिहीवाः
कोरोना संक्रमणं थौं छम्ह सीगु दु धका स्वास्थ्य मन्त्रालयं धाःगु दु। अथेह वंगु २४ घण्टाया दुने देयन्यक थप १११ म्ह कोरोना संक्रमण पुष्टि जूगु दु।
देयन्यक २ हजार ५१७ म्हेसिगु नमुना परिक्षण यागुलि १११ म्हेसित पुष्टि जुगु खः।
१ हजार ४० म्हेसित पीसीआर परीक्षण याःगुलि ७८ म्ह व १ हजार ४७७ म्हेसित एन्टीजेन परीक्षण यागुलि ३३ म्ह याना १११ म्ह कोरोना संक्रमण पुष्टि जूगु खः।
थ्व नाप आःतक कोरोना संक्रिय संक्रमितपि ३७८ म्ह थ्यःगु दु।
बालाजुया कोत धुकु पेट्रोलय् शिलबन्दी
लहनान्युज | तछलाथ्व सप्तमी ११४३, बैसाख १४ बिहीवाः
येँ महानगरपालिकां वडा नं. १६ बालाजइ च्वंगु कोतः धुकु आयल स्टोरय् शिलबन्दी याःगु दु।
बैशाख ६ गतेया प्रमुख स्तरीय निर्णयं थौं शिलबन्दी याःगु खः। नेपाल आयल निगमया साधारण विक्रेता जुयाच्वंम्ह आयल स्टोरया पेट्रोलियम पदार्थ विक्री यायेत मापदण्ड मगाः धका शिलबन्दी याःगु खः।
पम्पय् जाली व सिखः चिना उकिइ ताल्वं ग्वया शिल तयाबिःगु खः।
गण्डकी प्रदेशया मुख्यमन्त्रीइ सुरेन्द्रराज पाण्डे नियुक्त
लहनान्युज | तछलाथ्व सप्तमी ११४३, बैसाख १४ बिहीवाः
गण्डकी प्रदेशया मुख्यमन्त्री सुरेन्द्रराज पाण्डें आः गठबन्धन प्रदेशसभा जुतले याइगु जुइ धका धाःगु दु।
मुख्यमन्त्री नियुक्त जुइवं पत्रकारपि नाप खँ ल्हायेगु झ्वलय् वयकलं कांग्रेस–माओवादी नाप गठबन्धन जुतले जुइ धका धयादीगु खः।
‘थुगु गठबन्धन प्रदेशसभाया ई गुलितक ई दु, उलि तक जुइ’ पत्रकारपिन्स न्यंगु न्ह्यसःया लिसः बिइगु झ्वलय् अथे धयादीगु खः।
लुम्बिनी प्रदेशया मुख्यमन्त्रीइ कांग्रेसया डिल्लीबहादुर चौधरी दाबीयात
लहनान्युज | तछलाथ्व सप्तमी ११४३, बैसाख १४ बिहीवाः
नेपाली कांग्रेसया नेता डिल्लीबहादुर चौधरीं लुम्बिनी प्रदेशया मुख्यमन्त्रीइ दाबी पेस याःगु दु। प्रदेश प्रमुख अमिक शेरचनयात च्याःगु दलीय गठबन्धनयापाखे चौधरीं मुख्यमन्त्रीइ दाबी पेस याःगु खः।
दाङ क्षेत्र नम्बर ३ (१) प्रदेश सभा सदस्य चौधरीं नेपाली कांग्रेसनाप, माओवादी केन्द्र, जसपा, लोसपा, नागरिक उन्मुक्ति, जनमत, राष्ट्रिय जनमोर्चा, एकीकृत समाजवादी लगायतया समर्थनय् दाबी पेस याःगु खः।
चौधरीयात ५३ सांसदपिनिगु समर्थन दुगु ल्हाःचिं लःल्हाःगु दु। ८७ सदस्यीय लुम्बिनी प्रदेश सभाय् बहुमतया लागि ४४ सांसदपिनिगु समर्थन माः।
लुम्बिनीइ एमालेया २९, नेपाली कांग्रेसया २७, माओवादीका ११, राप्रपाका व नागरिक उन्मुक्ति पार्टीया प्यम्ह प्यम्ह, जनमत पार्टी, जनता समाजवादी पार्टी व लोकतान्त्रिक समाजवादी पार्टीया स्वम्ह स्वम्ह, राष्ट्रिय जनमोर्चा व नेकपा एकीकृत समाजवादीया छम्ह छम्ह व स्वतन्त्र छम्ह सांसद दु।
