Display Style:
Column Style
शीर्ष नेतापिनिगु बैठक सुरु
लहनान्युज | तछलाथ्व चौथी ११४३, बैसाख ११ सोमवाः
सिंहदरबारय् शीर्ष नेतापिनिगु बैठक सुरु जूगु दु।
संसदीय समिति गठन लगायतया विषय छलफल यायेत्यःगु खः।
बैठक प्रधानमन्त्री नाप मन्त्रिपरिषदया कार्यालयय् जुयाच्वंगु दु।
देयन्यक थप ११३ म्ह कोरोना संक्रमण पुष्टि
तछलाथ्व चौथी ११४३, बैसाख ११ सोमवाः
वंगु २४ घण्टाया दुने देयन्यक थप ११३ म्हेसित कोरोना संक्रमण पुष्टि जूगु दु।
स्वास्थ्य मन्त्रालयया कथं १ हजार ८१० म्हेसिगु नमुनामध्ये ७६६ म्हेसिगु पीसीआर परीक्षण यागुलि ६४ म्ह व १ हजार ४४ म्हेसिगु एन्टीजेन परीक्षण यागुलि ४९ म्ह याना ११३ म्हेसित कोरोना खनेदुगु दु।
थ्व नाप आःतक कोरोना सक्रिय संक्रमितपि ३६२ म्ह थ्यःगु दु।
नेप्से २ दशमलव ७१ अङ्कं थहावंन
लहनान्युज | तछलाथ्व चौथी ११४३, बैसाख ११ सोमवाः
शेयर बजाः थौं भचाः थहावंगु दु। शेयर बजाः परिसूचक नेप्से थौं २ दशमलव ७१ अङ्कं थहावना १ हजार ८ सय ८८ दशमलव ३२ विन्दुइ थ्यःगु दु।
बैंक, होटल नाप पर्यटन, लगानी व निर्जीवन बीमा समूह बाहेकया समूह शेयर थहावंगु दु सा जीवन बीमा, उत्पादन व विकास बैंक समूहया शेयर दोहोरो अङ्कं थहावंगु दु।
बजाः सामान्य थहावंगु दु सा कारोबार रकम धाःसा म्हो जूगु दु। थौं २ सय ७० गु कम्पनीया २२ लाख ६० हजार कित्ता शेयर ७५ करोड १३ लाख रुपैयाँ कारोबार जूगु दु। म्हिगः आइतवाः ८२ करोड ८५ लाख रुपैयाँया कारोबार जूगु दु ।
दकलय् अप्पो थौं कालिञ्चोक दर्शन लिमिटेडया ८ करोड ८१ लाख रुपैयाँ बराबरया शेयर किनबेच जूगु दु। पिपुल्स पावर लिमिटेडया शेयर ८ प्रतिशत स्वया अप्पो थहावःगु दु। समग्र बजाः थहावंसा कालिञ्चोक दर्शन लिमिटेडया शेयर ९ प्रतिशत स्वया अप्पो कुहावंगु दु।
चितवनय् मतगणना सुरु
लहनान्युज | तछलाथ्व चौथी ११४३, बैसाख ११ सोमवाः
चितवन– २ या उपनिर्वाचन लिच्वः कथं राष्ट्रिय स्वतन्त्र पार्टीया सभापति रवि लामिछाने हे न्ह्यने लानाच्वंगु दु।
इच्छाकामना गाउँपालिका वडा नं १ व ३ य् ल्याखागुलि रविं ११५५ मत कायेधुकुगु दु। नेकपा एमालेया रामप्रसाद न्यौपाने न ६६५ व नेपाली कांग्रेसया जितनारायण श्रेष्ठं ५८८ मत काःगु दु धका निर्वाचन अधिकृतया कार्यालयं जानकारी बिःगु दु।
इच्छाकामना वडा नं १ य् ल्याखागुलि एमाले न्ह्यने लागु खःसा वडा नं ३ य् रवि लामिछाने न्ह्यने लागु खः।
बाराय् जनमत पार्टीया शिवचन्द्र कुशवाह न्ह्यने
लहनान्युज | तछलाथ्व चौथी ११४३, बैसाख ११ सोमवाः
बारा २ या उपनिर्वाचन लिच्वः कथं जनमत पार्टीया शिवचन्द्र कुशवाह न्ह्यने लागु दु। थ्व स्वया न्ह्यः यागु लिच्वः कथं उपेन्द्र यादव न्ह्यने लानाच्वंगु खः।
लिपागु पटक सार्वजनिक मत परिणाम कथं कुशवाहं ६०१ मत काःगु दु सा जनता समाजवादी पार्टीया उपेन्द्र यादवं ५७१ मत काःगु दु।
अथेहे नेकपा एमालेया पुरुषोत्तम पौडेलं ५१०, राष्ट्रिय स्वतन्त्र पार्टीया रमेश खरेलं २३६ मत व आम जनता पार्टीया अरुण ज्ञवालीं ७६ मत काःगु दु।
