लुँया भाः थौं तोला स्वद्धः थहावःगु दु। लुँ तोलां स्वद्धः थहावना ९६ हजार रुपैयाँ न कारोबार जूगु दु धका नेपाल सुनचाँदी व्यवसायी महासंघ धाःगु दु।

अथेहे वहः तोला न ११५ रुपैयाँ न थहावःगु दु। वहः तोलां ११५ थहावना १ हजार १ सय ७० रुपैयाँ न कारोबार जुगु दु धका महासंघ धाःगु दु।

माओवादी केन्द्रया अध्यक्ष पुष्पकमल दाहालं गोरखा २ पाखे मनोनयन दाखिला याइगु जुगु दु।

थ्व स्वया न्ह्यः उगु क्षेत्रं बाबुराम भट्टराई प्रतिनिधि सभया सदस्यय् निर्वाचित जूगु खः। भट्टराई न ट्वीट यासे च्वंगु दु, ‘गोरखा–२ पाखे क. प्रचण्डया उमेदवारी विधिवत प्रस्तुत यासे गोरखाय् वनाच्वनागु दु।

एमाले अध्यक्ष केपी ओलीं थौं न्हिनय् २ बजे मनोनयन दर्ता यायेत झापा वःगु दु।

ओलीया सचिवालय कथं वयकः थः हे उपस्थित जूया उम्मेदवारी मनोनयन याइगु ज्याझ्वः दु धका धाःगु दु।

प्रधानमन्त्री शेरबहादुर देउवां चुनावी मनोनयनपत्रया लागि थः जहान आरजु राणायात छ्वःगु दु। पार्टी सभापति नाप प्रधानमन्त्री देउवायाःगु मनोनयनपत्र दाखिला यायेत म्हिगः हे राणा डडेलधुरा वःगु खः।

कांग्रेस डडेलधुराया उपसभापति डिल्ली जोशीं थौं आइतबाः न्हिनय् २ बजे देउवाया मनोनयन याइगु धका जानकारी बिःगु दु।\

०४८ सालनिसे देउवा डडेलधुरापाखे सांसद जुयान्तु वयाच्वंगु खः।

वइगु मंसिर ४ गते जुइगु प्रतिनिधिसभा व प्रदेशसभा निर्वाचनया लागि उम्मेदवारी दर्ता थौं जुइगु दु। निर्वाचन आयोगं थौं सुथय् १० बजेनिसे बहनि ५ बजे तक उम्मेदवारी दर्ता याये फइ धका धाःगु दु।

देयन्यक मुख्य निर्वाचन अधिकृतया कार्यालय व निर्वाचन अधिकृतया कार्यालयय् उम्मेदवारी दर्ता यायेगु व्यवस्था मिले याःगु दु।

अथेहे २४ असोजय् उम्मेदवारया विरोधय् उजुरी बिइ फइगु, २४ व २५ असोजय् उजुरीइ जाँचबुझ यायेगु निर्णय व २५ गते नामावली प्रकाशन याइगु जुगु दु। २६ असोजय् उम्मेदवारया नां लित कायेगु ई तयातःगु दु ।

अन्तिम नामावली न उगु हे दिं प्रकाशन याना चुनाव चिं न वितरण यायेगु आयोगया कार्यतालिकाय् उल्लेख दु।