प्रमुख निर्वाचन आयुक्त दिनेशकुमार थपलियां स्थानीय तह निर्वाचनय् खर्च विवरण बुझे मयापि उम्मेदवारं प्रदेशसभा व प्रतिनिधिसभा निर्वाचनय् उम्मेदवार जुइ दइमखु धका धाःगु दु।

सोमबाः येँ जुगु छगु ज्याझ्वलय् वयकलं स्थानीय चुनावय् १ लाख १५ हजार उम्मेदवारपिन्स खर्च विवरण बुझे मयागुलि कारबाही यायेमाः धका धाःगु दु। खर्च विवरण बुझे मयापि उम्मेदवारपिन्स ५ लाख रुपैयाँ जरिवाना व खुदँ तक उम्मेदवार जुइ मदइगु कथं कारबाही यायेफइगु धका धाःगु दु।

वयकलं धाःगु दु ‘कारबाही जूपिन्स थ्व हे वइगु असोज २ व ३ गते समानुपातिक बन्द सुचीइ च्वने दइ मखु। अथेहे २३ गतेया प्रत्यक्षय् न उम्मेदवार मनोनयन जुइ दइमखु।’ कारबाही जुलकि समानुपातिक व प्रत्येक्षय् उम्मेदवार बिलकि आयोगं कायेमखु धका वयकलं धाःगु दु।

सत्याग्रही चिकित्सक गोविन्द केसीं थौंनिसे अनशन सुरु याइगु दु।

माग पूरा यायेगु ई बिया न सरकारं बेवास्ता याःगु धासे वयकल अनशन धनगढीइ थनिसे यायेत्यःगु दु।

वयकलं थौ बहनिसे अनशन याइगु धका वयकःया ग्वाहालि पुचः न धाःगु दु।

वयकलं सरकारी स्वास्थ्य सेवा सुलभ व गुणस्तरीय जुइमाःगु, जलवायु परिवर्तनं याःगु असरबारे इलय् हे सचेत जुइमाःगु माग तयातःगु दु।

लुँया भाः थौं तोलां स्वसः कहावंगु दु।

लुँ तोलां स्वसः कुहावया ९३ हजार ६ सय रुपैयाँ तोके याःगु दु धका नेपाल सुनचाँदी व्यवसायी महासङ्घं धाःगु दु।

अथेहे, वहःया धाःसा थौं म्हिगःथे तोलाया १ हजार १ सय ५० रुपैयाँ न कारोबार जूगु दु।

नेवाः देय् दबूया विधान कथंया च्यागू प्रदेश मध्ये गण्डकी प्रदेशया न्हापांगु अधिवेशन क्वचाःगु दु ।

देय् दबूया विधान कथं प्रदेश नं. १, मधेस प्रदेश, वागमती प्रदेश, लुम्वीनी प्रदेश, सुदुर पश्चिम प्रदेश व स्वनिगः विशेष प्रदेशया अधिवेशन न्हापा हे क्वचाये धुंकूगु दु । आः गण्डकी प्रदेशया अधिवेशन धुंकाः कर्णाली प्रदेशया जक अधिवेशन ल्यंदनि । नेवाः देय् दबू गण्डकी प्रदेश भाद्र २३ गते व २४ गते निन्हुयंकं नवलपुरया कावासोतीइ तःजिक जूगु खः ।

२३ गते विहिवाः थीथी झिगू जिल्लाया प्रतिनिधि नापं थीथी प्रदेशय् सुकुन्दा ¥याली याःगु खः । २४ गते शुक्रवाःया दिनय् शोभायात्रा धकाः सांस्कृतिक बाजा गाजा सहित कावासोतीय प्रदर्शन याःगु खः । उलेज्या समारोह लिपा बन्द शत्रय् फुक्क पदाधिकारी व दुजःपि निर्विरोध निर्वाचित जूगु खः ।

अधिवेशनं नायो पदय् हरि कुमार श्रेष्ठ निर्वाचित जुगु खःसा बरिष्ठ न्वकू पदय् विश्व शंकर खइजु, न्वकू पदय् मथुरा कृष्ण श्रेष्ठ, मिसा न्वकू पदय् विद्यादेवी श्रेष्ठ, मूछ्याञ्जे पदय् राजु श्रेष्ठ व छ्याञ्जे पदय् अर्जुन कुमार श्रेष्ठ, पुस्पा श्रेष्ठ नापं दांभरी भुवनराज श्रेष्ठ सर्वसम्मतं निर्वाचित जुयादीगु खः।

अथेहे दुजलय् किसान प्रधान, सुर्य मान श्रेष्ठ, गङ्गाप्रसाद श्रेष्ठ, कृष्ण लाल श्रेष्ठ, योगेन्द्र नारायण श्रेष्ठ,  अनिल कुमार मास्के, उमाकान्त श्रेष्ठ, कृष्ण कुमार श्रेष्ठ, उमा श्रेष्ठ, मिना श्रेष्ठ,  देवि श्रेष्ठ व तीकादेवी श्रेष्ठ निर्विरोध निर्वाचित जुयादीगु खः ।

अधिवेशनय् थीथी जिल्लां प्रतिनिधित्व यानादीपिं नाप देय् दबू स्वनिगः विशेष प्रदेशया नायो श्रीकृष्ण महर्जनया न ब्बति दुगु खः।

मध्यपुरथिमिइ वीरेन्द्रभक्त गजुँ श्रेष्ठ म्ये प्वाः खःगु दु।

येँयाःया लसताय् म्हिगः शनिवाः थिमिइ भैलः द्यःया दबुलिं म्ये प्वाःखंगु खः ।

म्ये प्वाः खनाः १७ गू पाल्चा अर्ध चन्द्राकार च्याकाः थिमि देय् चाहिगु खः।

किपा सुरेश खाक्व श्रेष्ठ