सेयर बजाःया परिसूचक छगु अंकं सामान्य गिरावट जूगु दु। थौं मंगलबाः बजाः परिसूचक नेप्से ४.८७ अंक (०.२५ प्रतिशत) न गिरावट जूया १९३३.८८ अंकय् बन्द जूगु दु।

जीवन बीमा, लघुवित्त व मेमेगु बाहेक बजारय् लिड याइगु बैंकिङ नाप यक्को उपसूचक गिरावट वया बजाः परिसूचक नेप्से न घटे जूगु दु। मेमेगु उपसूचक यक्को०.५७ प्रतिशतं थहावगुलि लघुवित्त उपसूचक ०.२८ प्रतिशत व जीवन बीमा उपसूचक ०.०१ प्रतिशतं थहावःगु दु।

लगानी उपसूचक दकलय् अप्पो ०.९१ प्रतिशतं कुहावगुलि बैंकिङ उपसूचक ०.३९ प्रतिशतं कुहावःगु दु। नेप्से नाप मंगलबाः कारोबार रकम न कुहावया २५ लाख ८१ हजार ४२५ कित्ता सेयर किनबेच जुगुलि ९६ करोड ५२ लाख ११ हजारया कारोबार जूगु दु। उकि मध्ये शिवम् सिमेन्टया दकलय् अप्पो ८ करोड १२ लाख ३४ हजार, हिमालयन डिस्टिलरीया ५ करोड ५० लाख ८ हजार व रिडी पावरया ५ करोड २ लाख ७ हजारया कारोबार जूगु खः।

मंगलबाः नेप्सेय् कुल १९९ कम्पनीया सेयर कारोबार जूगुलि १०९ कम्पनीया सेयर भाः कुहावःगु दु। उकिइ ७८ कम्पनीया सेयर भाः थहावना १२ कम्पनीया सेयर भाः स्थिर जूगु दु।

धौलागिरी लघुवित्तया सेयर भाः दकलय् अप्पो दकलय् अप्पो ८.१७ प्रतिशत थहावगु वगुलि सिटिजन्स म्युचुअल फण्ड १ या इकाइभाः ६.१२ प्रतिशत व सपोर्ट माइक्रोफाइनान्सया सेयर भाः ५.८६ प्रतिशतं थहावःगु दु।

अथेहे एनएमबि बैंकया सेयर भाः दकलय् अप्पो ६.०७ प्रतिशतं कुहावगु व एनएमबि ५० या इकाइभाः ३.८५ प्रतिशत व आईसीएफसी फाइनान्स डिबेञ्चर २०८३ या भाः ३.३२ प्रतिशतं कुहावःगु दु।

वंगु मंसिर ४ गते जूगु निर्वाचनया मतगणना थौं क्वचाइगु सम्भावना दु। निर्वाचन आयोगं थौं मतगणना क्वचाइ धका धाःगु दु। प्रत्यक्षपाखे मतगणना क्वचाये धुकुगु दु।

समानुपातिक निर्वाचन प्रणालीया मतगणना लिपागु इलय् थ्यःगु दु। प्रतिनिधिसभाया समानुपातिकपाखे नेकपा (एमाले) न दकलय् अप्पो मत हःगु दु। वयालिपा नेपाली कांग्रेस, नेकपा (माओवादी केन्द्र), राष्ट्रिय स्वतन्त्र पार्टी, राष्ट्रिय प्रजातन्त्र पार्टी (राप्रपा), जनता समाजवादी पार्टी (जसपा), जनमत पार्टी लाःगु दु।

मेगु पार्टी आः राष्ट्रिय दल मजुइगु दु। माधवकुमार नेपाल नेतृत्वया नेकपा (एकीकृत समाजवादी), रेशम चौधरीया जहान रन्जिता श्रेष्ठ नेतृत्वया नागरिक उन्मुक्ति पार्टी, लोकतान्त्रिक समाजवादी पार्टी (लोसपा)लगायतपि न राष्ट्रिय दल मजुइगु दु।

अथेहे, नेपाल मजदुर किसान पार्टी (नेमकिपा), हाम्रो नेपाली पार्टी, राष्ट्रिय जनमोर्चा, कमल थापा नेतृत्वया राप्रपा नेपाल न राष्ट्रिय दल मजुगु दु।

फिफा विश्वकप फुटबलय् थौं निगु कासा जुइगु दु। थौं मोरक्को व स्पेन नाप पोर्चुगल व स्विट्जरल्यान्ड दथुइ जुगु दु।

न्हापागु कासा मोरक्को व स्पेन नेपाःया ई कथं ८ः४५ बजे जुइगु दु।अथेहे मेगु कासा पोर्चुगल व स्विट्जरल्यान्ड दथुइ १२ः४५ बजे सुरु जुइगु दु ।

दोलखाय् प्रतिनिधि सभा सदस्यय् माओवादी केन्द्रया गंगा कार्की विजयी जूगु दु

कार्की न एमाले उम्मेदवार बालकृष्ण  शिवाकोटीयात ३ सय १८ मतं पराजित याःगु दु। कार्की न ३६ हजार ७९९ मत हःगु खःसा एमालेया सिवाकोटीं ३६ हजार ४८९ मत हःगु खः।

दोलखाय् निगु प्रदेश सभा मध्ये प्रदेश सभा १ य् नेपाली कांग्रेसया कुन्दनराज काफ्ले व प्रदेश सभा २ य् एमालेया भरत केसी निर्वाचित जूगु खः।

सत्तारुढ गठबन्धनया बैठक थौं च्वनिइगु जुगु दु।

चुनावया समीक्षा यायेगु कथं थौं न्हिनसिया ३ बजे बैठक प्रधानमन्त्रीया सरकारी निवास बालुवाटारय् च्वनेत्यःगु खः।

बैठकय् चुनावया लिच्वःया समीक्षायासे न्हुगु सरकार गठनया सम्भावनाबारे छलफल यायेत्यःगु खः।

सत्ता गठबन्धनय् दुथ्याःगु नेपाली कांग्रेस, नेकपा माओवादी केन्द्र, एकीकृत समाजवादी, राष्ट्रिय जनमोर्चा व लोकतान्त्रिक समाजवादी पार्टीया नेतापि च्वनेत्यःगु खः।