नेपाल बार एशोसिएसनं सर्वोच्च अदालतया मू लुँखाय् धर्ना बिःगु दु।

प्रधानन्यायाधीश चोलेन्द्रशम्शेर जबरा सर्वोच्च अदालतय् लिहावनेगु तयारी यायेवं बार पदाधिकारीपिन्स धर्ना सुरु याःगु दु।

बार अध्यक्ष गोपालकृष्ण घिमिरे, महासचिव अञ्जिता खनाल, सर्वोच्च बारया अध्यक्ष पूर्णमान शाक्य, बार पूर्व अध्यक्ष चण्डेश्वर श्रेष्ठ लगायतपिन्स धर्ना च्वंगु दु।

संघीय संसदया महासचिव डा. भरतराज गौतमं बुधबाः जक जबरायात निलम्बन फुकुवाया पौं बिगु खः। वया लिपा हे जबरां सर्वोच्च लिहावनेगु तयारी याःगु खः।

प्रधानन्यायाधीश चोलेन्द्र शमशेर जबरां थः थौंनिसे नियमित ज्याय् लिहावनिइगु धका धागु दु।

संघीय संसदया महासचिवं निलम्बन फुकुवा याःगु पौं बिइवं जबरा सर्वोच्च अदालतय् लिहावनेगु तयारीइ दु।

सत्तारुढ गठबन्धनया सांसदपिन्स महाअभियोग प्रस्ताव दर्ता याये धुका जबरा १ फागुन २०७८ निसे निलम्बनमा याःगु खः। महाअभियोग प्रस्तावबारे निर्णय मयासे संसदया कार्यकाल क्वचाःगु खः।

न्हुगु चुनावपाखे न्हुगु संसद वयेवं जबरां थःम्हेसिया ज्या याये दयेमाः धका संसद सचिवालयय् मंगलबाः निवेदन बिःगु खः।

बुधबाः संसदया महासचिव डा. भरतराज गौतमं निलम्बन फुकुवा जुगु पौ बिःगु खः।

थुकिइ थःत न्यायया अनुभूति जूगु दु धका धासे जबरां थौंनिसे ज्याय् लिहावनेगु धका धाःगु दु।

संघीय संसदया महासचिव डा. भरतराज गौतमं प्रधानन्यायाधीश चोलेन्द्रशम्शेर जबरायात सर्वोच्च अदालत लिहावनेगु लँ चायेका बिःगु दु।

गौतमं थौं बुधबाः राष्ट्रपति कार्यालय, प्रधानमन्त्री कार्यालय, संवैधानिक परिषद, सर्वोच्च अदालत, न्यायपरिषद व जबरायात पौं छ्वया १ फागुन २०७८ य् जबरां कार्य सम्पादन याये मदइगु पौं निष्प्रभावी जूगु जानकारी बिःगु खः। थःत ज्या यायेत रोके मयायेत माग यासे जबरां मंगलबाः जक संसद सचिवालयय् निवेदन बिःगु खः।

\उकिया लिसाः बिइगु झ्वलय् संघीय संसदया महासचिव डा. गौतमं निलम्बन फुकुवा यानाबिःगु खः।वयकलं लिसः बिइगु झ्वलय् धाःगु दु, ‘महाअभियोग प्रस्ताव तत्कालीन प्रतिनिधि सभाय् पेश, प्रारम्भिक छलफल व महाअभियोग सिफारिस समितिपाखे प्रतिवेदन बुझे याःगु तर वया लिपा प्रक्रिया मन्ह्यागु अवस्थाय् २०७९ मंसिरय् न्हुगु प्रतिनिधि सभाया निर्वाचन सम्पन्न जुइ धुकुगुलिं २०७८ फागुन १ य् तत्कालीन इलय् महासचिवपाखे सम्माननीय प्रधानन्यायाधीश चोलेन्द्र शम्शेर जबरां ज्या याये मदइगु व्यहोरा पौ निष्प्रभावी जूगु व्यहोरा जानकारीया लागि इनाप यानागु दुु ।’

सत्तारुढ दलया ९५ म्ह सांसदं जबराविरुद्ध १ फागुन २०७८ य् संसद सचिवालय महाअभियोग प्रस्ताव दर्ता यायेवं २२ फागुनय् प्रतिनिधिसभां महाअभियोग सिफारिस समिति याःगु खः। वया लिपा चोलेन्द्रयात निलम्बित याःगु खः । कार्यवाहक प्रधानन्यायाधीशया रुपय् दीपक कुमार कार्की न ज्या याःगु खः।

कार्कीया अवकाश लिपा आः कायम मुकायम प्रधानन्यायाधीशया जिम्मेवारी हरिकृष्ण कार्की खः।

प्रधानन्यायाधीश चोलेन्द्रशम्शेर जबराविरुद्ध दर्ता जूगु महाअभियोग प्रस्ताव निष्क्रिय जूगु दु।

संसदया महासचिव डा. भरतराज गौतमं जबरायात महाअभियोग प्रस्ताव निष्क्रिय जूगु पौं बिःगु खः।

जबरां संसद सचिवालयय् निवेदन बिःगु खः। उकिया लिसः बिइगु झ्वलय् महासचिव गौतमं अथे लिसः बिःगु खः। थ्व नाप जबरायात निलम्बन हटे जूगु खः।

आः सर्वोच्च अदालत लिहावयेगु तयारीइ दु। थ्व नाप आः जबरां संसदया महासचिवपाखे महाअभियोग निश्क्रिय जूगु पौं वयेवं थौं सर्वोच्चय् वनिइगु जुगु दु।

मेलम्चीया मुहान अम्बाथानस्थित सुरुङ मार्गं वःगु लः छवाः लिपा येँ थ्यःगु दु।

मेगु वाः न्हि १७ करोड ५० लाख लिटर लः सुरुङं वइ धका आयोजनाया प्रवक्ता राजेन्द्र पन्तं धाःगु दु। मंसिर ११ गते आइतबाः बहनि लः त्वःता सुरुङ सफा याःगु खः।

सुरुङ सफा याये धुका जम्मा जूगु लः मेगु वाःनिसे हितिइ त्वःतिइगु जुगु दु। लः वितरणया लागि काठमाडौं उपत्यका खानेपानी लिमिटेड आयोजना कार्यान्वयन निर्देशनालयं वितरण सञ्जाल निर्माण याइगु खः।

थुगु सञ्जालपाखे मेगु वाःनिसे येँ मेलम्चीया लः वइगु जुगु दु।