न्यू प्लाजा न्ह्यने मतया तारय् मिँ न्वंगु दु। सुथय् १० बजेनिसे मतया तारय् मिँन्वःगुलि दमकलया ग्वहालि मिँ स्यायेत तालाःगु दु।

मत सर्ट जूया तारय् मिँ च्याःगु खः। मिँ च्याःगु कारण उगु रुटय् चले जुइगु सवारी साधन छु ईया लागि अवरुद्ध जूगु खः।

सत्ता गठबन्धनया नेतापिनिगु बैठक प्रधानमन्त्री निवास बालुवाटारय् जुयाच्वंगु दु। नागरिकता विधेयक प्रमाणीकरण मयागु राष्ट्रपतिया पदाःया बारे छलफल यायेत गठबन्धनया नेतापिनिगु बैठक च्वना च्वंगु दु।

संघीय संसदं निक्वः तक छ्वंगु नागरिकता विधेयक संविधान कथं १५ दिं दुने प्रमाणीकरण यायेमाःगुलि राष्ट्रपति विद्यादेवी भण्डारीं मयाःगुलि आलोचना जुयाच्वंगु दु।

सत्ता गठबन्धनया बैठकं वइगु प्रतिनिधि सभा व प्रदेश सभा निर्वाचनया लागि प्रत्यक्षय् सिट बाँडफाँटबारे न छलफल यायेत्यःगु दु।

सत्तारुढ गठबन्धनया बैठक च्वनिइगु जुगु दु। प्रधानमन्त्री निवास, बालुवाटारय् छु ई लिपा जुइगु बैठकय् नागरिकता विधेयक प्रमाणीकरण मयागु राष्ट्रपतिं ल्ह्वंगु पलाःया बारे छलफल जुइगु धका छम्ह नेतां धाःगु दु। संघीय संसदं निक्वः तक छ्वंगु नागरिकता विधेयक संविधान कथं १५ दिं दुने राष्ट्रपतिं प्रमाणीकरण यायेमाः। सभामुखं वंगु २० गते छ्वंगु खः।

तर मंगलबाः चान्ह्यः तक न विधेयक प्रमाणीकरण मजुगु दु।

राष्ट्रपति विद्यादेवी भण्डारीं नागरिकता विधेयक प्रमाणीकरण यायेत अस्वीकार याःगु दु। राष्ट्रपतिं मङ्गलवाः चान्ह्यया १२ बजे तक न विधेयक प्रमाणीकरण मयोवं विधेयक स्वतः निष्क्रिय जूगु दु। संसदय् निक्वःतक पारित याना स्वीकृतिया लागि विधेयक राष्ट्रपतिया थाय् छ्वंगु खः।

संसदं पारितयाना निक्वःतक छं.्वंगु विधेयक १५ दिं दुने प्रमाणीकरण यायेमाःगु कानुनी व्यवस्था दु सा राष्ट्रपतिं विधेयक प्रमाणीकरण यायेत अस्वीकार याःगु खः। राष्ट्रपति भण्डारीं वंगु साउन २९ गते नागरिकता विधेयक लितः छ्वंयेगु झ्वलय् वैवाहिक अङ्गीकृत नागरिकता विधेयकया व्यवस्था, प्रादेशिक पहिचान नाप मांया नामय् नागरिकता जारी यायेगु मिसापिनिगु आत्मसम्मानय् घाः लागु विषय ल्ह्वंगु खः।

थुगु विषय हाकन विचाः यायेत सुझाव राष्ट्रपतिं बिउगु खःसा थुकियात बेवास्ता यासे संसदय् बहुमतं विधेयक गथे खः अथे हे पारित यान प्रमाणीकरणया लागि हाकन राष्ट्रपतिया थाय् छ्वंगु खः। संविधानया धारा ११३ या उपधारा (४) य् राष्ट्रपतिं छु न विधेयक सन्देशसहित लितः छ्वंगु अज्यागु विधेयकय् निगु हे सदनं हाकन बिचाः याना विधेयक प्रस्तुतरूपं वा संशोधन याना पारित यासे हाकन पेस याःसा पेस जूगु १५ दिं दुने राष्ट्रपतिं प्रमाणीकरण यायेमाःगु व्यवस्था दु।

अथेहे विधेयक निक्वःतक प्रमाणीकरण मजुलकि व प्रतिनिधि सभाया चालु अधिवेशन क्वचाये धुका आः थुगु विधेयक छु जुए धइगु विषययात स्वया च्वंगु दु।