नेपाली कांग्रेसया नेता प्रदीप गिरि मन्त। म्हिगः शनिबाः बहनि ९ः३० बजे गिरि मदुगु खः।

भारतया मुम्बईलय् क्यान्सरया उपचार याना लिहा वयेवं स्वास्थ्यय् समस्या वया साउन निगुगु वाःय् मेडिसिटी अस्पताल, नख्खुइ भर्ना जुयादीगु खः।

शनिबाः बहनि ९ः३० बजे मदुगु धका कांग्रेस संसदीय दलं वक्तव्य जारी यासे जानकारी बिःगु खः।गुंलागा दशमी ११४२, भाद्र ५ आईतवाः

राष्ट्रपति विद्यादेवी भण्डारीं मेडिसिटी अस्पतालय् वना नेपाली कांग्रेसया नेता प्रदीप गिरिया स्वास्थ्य अवस्थाबारे जानकारी कयादीगु दु।

थौं सुथय् ११ बजे अस्पतालय् वना राष्ट्रपति भण्डारीं अस्पतालया सञ्चालक समितिया अध्यक्ष डा उपेन्द्र महतो न नेता गिरिया स्वास्थ्य अवस्थाबारे जानकारी कयादीगु खः।

वंगु २४ घण्टाया दुने देयन्यक थप २९९ म्हेसित कोरोना भाइरस संक्रमण पुष्टि जूगु दु।

अथेहे कोरोना सक्रमण निम्ह सीउगु दु। स्वास्थ्य तथा जनसंख्या मन्त्रालयया कथं ४ हजार ३३७ परीक्षणय् २९९ म्हेसित संक्रमण पुष्टि जुगु दु।

१ हजार ६७० म्हेसिगु पीसीआर परीक्षणय् १८० म्ह व २ हजार ६६७ म्हेसिगु एन्टिजेन परीक्षणय् ११९ म्हेसित संक्रमित जूगु खः।

मन्त्रालयया कथं २४ घण्टाय् ५७७ म्ह संक्रमणमुक्त जूगु दु

केन्द्रिय मानन्धर सघंया ग्वसालय् धाःबाजं ब्वज्या थौं बसन्तपुरय् जुइगु दु ।

थौं जुइगु ब्वज्याय् च्यागू साय्मितय्गु बाजं खलं नं ब्वति कायेत्यःगु खः। केन्द्रीय मानन्धर संघया ग्वसालय्, सञ्चार उपसमिति संयोजन व युवा तथा क्षमता विकास उपसमितिया सहसंयोजनय् थौं बसन्तपुरय् धाः बाजा प्रदर्शनी यायेत्यःगु खः।

थौं १) पाक्व पुखूद्यां मानन्धर सनाः खलः २) लाय्कूसाः मानन्धर समाज ३) चस्वांद्व मानन्धर सनाःगू खलः ४) थँहिटी मानन्धर गुथि ५) मानन्धर सनागू खलः न्हूसाः ६) न्यागःमणि फेदी मानन्धर संघ ७) भिन्द्यो गुथि कालिमाटी ८) दैसाः त्वाः मानन्धर समाजं ब्बति कायेत्यःगु खः।

बाँकेय् केन्द्रबिन्दु जुया ४ दशमलव ८ रेक्टर स्केलया भुखाय् ब्बःगु दु।

थौं चान्ह्यः १ बजे जुया २८ मिनेटय् भुखाय् ब्बःगु धका राष्ट्रिय भूकम्प मापन तथा अनुसन्धान केन्द्रं धाःगु दु।

भूकम्पया धक्का बाँके नाप पश्चिम नेपाःया मेमेगु जिल्ला व भारतया लखनउ तक महसुस जुगु दु धका धाःगु दु।