उदयपुर–२ य् नेकपा (एमाले) या अम्बरबहादुर रायमाझी निर्वाचित जूगु दु।

रायमाझीं १५ हजार २५१ मत हया निर्वाचित जूगु दु धका निर्वाचन आयोगं धाःगु दु।

वयकःया निकटतम प्रतिस्पर्धी एकीकृत समाजवादीया जगन्नाथ खतिवडां १२ हजार ८९२ मत हःगु खः।

पराजित जूम्ह खतिवडा एकीकृत समाजवादीया उपमहासचिव नाप केन्द्रीय प्रवक्ता तक जूयादीम्ह खः।

येँया क्षेत्र नं २ य् राष्ट्रिय स्वतन्त्र पार्टीया सोविता गौतम २ हजार २५० मतं न्ह्यने लानाच्वंगु दु।

लिपागु मतगणनाक कथं सोवितां ९ हजार ६३७ मत हःगु दु।

अथेहे नेकपा (एमाले) या मणिराम फुयालं ७ हजार ३८७ मत हःगु दु सा राप्रपाया कुन्तीदेवी पोखरेलं ६ हजार ७६९ मत हःगु दु।

सत्ता गठबन्धनया ओनसरी घर्ती न ६ हजार १९३ मत हःगु दु।

यलया क्षेत्र न २ ‘१’ य् नेपाली कांग्रेसया उम्मेदवार रामकृष्ण चित्रकार प्रदेशसभा सदस्यय् निर्वाचित जूगु दु।

चित्रकार ६९९५ मत हया निर्वाचित जूगु दु सा वयकःया निकटतम प्रतिद्वन्द्वी नेकपा (एमाले) या ज्ञानेन्द्र शाक्यं ६ हजार ८३२ मत हःगु खः।

अथेहे राप्रपाया हसिना शाक्यं ३ हजार ७८५ मत हःगु खः।

न्ह्यने येँया क्षेत्र नं ६ (१) प्रदेस सभाय् नेपाली कांग्रेसया हरि प्रभा श्रेष्ठ खड्गी न्ह्यने लानाच्वंगु दु।

कांग्रेसया खड्गी ३३३१ मत हया न्ह्यने लाःगु दु। अथेहे राष्ट्रिय प्रजातन्त्र पार्टीया जगत सागर महर्जनं ३०१६ मत, एमालेया निरेशलाल सिह महर्जन २८११ मत व नेकपा माओवादीया रबिन्द्र प्रसाद श्रेष्ठं ९१४ मत काःगु दु।

अथेहे नेमकिपाया देवलक्ष्मी महर्जनं ५६८ मत व जसपाया गणेश शाक्यं ३५९ मत हःगु दु।

येँ क्षेत्र नम्बर ६ य् नेपाली कांग्रेस व एमालेया उम्मेदवार दथुइ कडा प्रतिस्पर्धा जुयाच्वंगु दु।

लिपागु मतगणनाय् कांग्रेसया उम्मेदवार भिमसेन दास प्रधान व एमालेया सर्वेन्द्र खनाल दथुइ प्यगु मतं न्ह्यने लिउने लानाच्वंगु दु।

एमालेया खनाल प्यंगु मत ३६ सय ३८ हःगु दु सा प्रधानं ३६ सय ३४ मत हःगु दु । दकलय् न्ह्यने राष्ट्रिय स्वतन्त्र पार्टीया शिशिर खनालं ५ हजार ६ सय ८४ मत हःगु दु।