यल निर्वाचन क्षेत्र नं २ या प्रदेशसभा १ य् नेकपा एमाले विजयी जुगु दु।

थौं मंगलबाः सम्पन्न मतगणनाय् एमाले उम्मेदवार रामेश्वर श्रेष्ठ विजयी जुगु दु धका निर्वाचन आयोगं धाःगु दु।

श्रेष्ठं कुल ८ हजार २ सय ९८ मत हःगु दु। श्रेष्ठया निकटतम प्रतिद्वन्द्वी राष्ट्रिय प्रजातन्त्र पार्टीया धनराम केसी न ६ हजार ८ सय ५१ मत हःगु खः।

राजनीतिक दलहपिनिगु समानुपातिक निर्वाचन प्रणाली अन्तर्गत जुयाच्वंगु मतगणनाय् एमाले न्ह्यने लानाच्वंगु दु।

समानुपातिकय् आःतक एमाले न ८३ हजार १८९ मत हये धुकुगु दु सा कांग्रेसं ७० हजार १९ मत हःगु दु।

अथेहे गं न ३५ हजार २८ मत, माओवादी केन्द्रं ३२ हजार ९३ मत, राप्रपां १९,७३६ मत काःगु दु ।

जसपां ५ हजार ९८९ मत, जनमत पार्टी न ५६३९ मत हये धुकुगु दु। नेपाल मजदूर किसान पार्टी न ४४३९ मत, नागरिक उन्मुक्तिं ३६९८ मत काःगु दु सा  नेकपा एसं ३५९४ मत हःगु दु।

कैलाली क्षेत्र नम्बर ३ य् नागरिक उन्मुक्ति पार्टी न प्रतिनिधिसभा सदस्यया खाता चाय्कूगु दु।

उगु क्षेत्रय् पार्टीया गंगाराम चौधरी २३ हजार १२० मत हया विजयी जूगु दु।

नेकपा माओवादी केन्द्रया कृष्णकुमार चौधरी १७ हजार ७४९ मत हःगु खः। चौधरी सत्ता गठबन्धनया उम्मेदवार खः।

नेकपा एमालेया गौरीशंकर चौधरीं ९ हजार ८७४ मत, राष्ट्रिय प्रजातन्त्र पार्टीया बिरेन्द्र बमं ७ हजार ४७ मत हःगु खः।

राष्ट्रिय प्रजातन्त्र पार्टी (राप्रपा) या सुनिल केसीं बागमती प्रदेशया निवर्तमान सभामुख सानुकुमार श्रेष्ठयात पराजित याःगु दु।

येँ क्षेत्र नम्बर २ प्रदेशसभा (१) य् केसीं १ हजार ५१९ मतं श्रेष्ठयात पराजित याःगु दु ।

केसीं ६ हजार ५९८ मत हःगु खःसा श्रेष्ठं ५ हजार ७९ मत हःगु खः।

येँया क्षेत्र नम्बर १ य् नेपाली कांग्रेसया प्रकाशमान सिंह निर्वाचित जुगु दु ।

सिहं ७१४३ मत हया निर्वाचित जुगु खः।  वयकःया प्रतिस्पर्धी राष्ट्रिय प्रजातन्त्र पार्टीया रवीन्द्र मिश्रं ७०११ मत हःगु खः।