Display Style:
Column Style
येँया ७ य् एमाले न्ह्यने
लहनान्युज | कछलागा त्रयोदशी ११४३, मंसीर ६ मंगलवाः
येँ क्षेत्र नम्बर ७ य् एमाले न्ह्यने लानाच्वंगु दु।
एमालेया श्यामकुमार घिमिरे न २ हजार ४०५ मत हया न्ह्यने लानाच्वंगु दु सा राष्ट्रिय स्वतन्त्र पार्टीया गणेश पराजुली २ हजार ३८७ मत हःगु दु।
अथेहे गठबन्धनपाखे माओवादी केन्द्रया मानुषी यमी भट्टराई (अस्मिता सिंह) न २ हजार २३ मत हःगु दु।
येँ क्षेत्र नम्बर ९ य् कृष्णगोपाल श्रेष्ठ विजयी
लहनान्युज | कछलागा त्रयोदशी ११४३, मंसीर ६ मंगलवाः
नेकपा एमालेया येँ क्षेत्र नम्बर ९ या उम्मेदवार कृष्णगोपाल श्रेष्ठ विजयी जुगु दु ।
श्रेष्ठं १००२० मत हया विजयी जूगु खः। थ्व नाप नेकपा एमालेय् प्रतिनिधिसभाय् त्यापि निम्ह थ्यःगु दु।
श्रेष्ठया प्रतिस्पर्धी राष्ट्रिय स्वतन्त्र पार्टीया टेक बहादुर पोखरेलं ८७२५ मत हःगु खःसा सत्ता गठबन्धनया उम्मेदवार कल्पना धमलां ५२७९ मत हःगु खः।
मधेश प्रदेशसभाय् जनमत पार्टीं खाता चाय्कल
लहनान्युज | कछलागा त्रयोदशी ११४३, मंसीर ६ मंगलवाः
मधेश प्रदेशसभाय् जनमत पार्टी न खाता चायेकूगु दु।
सप्तरी–२ (२) य् जनमत पार्टीया महेश यादवं १३ हजार ३२५ मत हया निर्वाचित जूगु दु।
यादवं सत्ता गठबन्धनया समर्थन दुगु माओवादी केन्द्रया उम्मेदवार उमेश यादवयात पराजित याःगु खः।
उमेशं जम्मा ७ हजार २३ मत मात्र पाएका छन् ।
कांग्रेसया महामन्त्री गगन थापाया ह्याट्रिक
लहनान्युज | कछलागा त्रयोदशी ११४३, मंसीर ६ मंगलवाः
नेपाली कांग्रेसया महामन्त्री गगन थापां ह्याट्रिक याउगु दु ।
येँया क्षेत्र न ४ य् थापां नेकपा एमालेया राजन भट्टराईया ७ हजार ४४६ मतं पराजित याःगु दु ।
थापां २१ हजार ३०२ मत हःगु खःसा नेकपा एमालेया उम्मेदवार भट्टराई न १३ हजार ८५५ हःगु खः।
रुपन्देही–३ य् गृहमन्त्री बालकृष्ण खाँण लिउने लनाच्वन
लहनान्युज | कछलागा त्रयोदशी ११४३, मंसीर ६ मंगलवाः
रुपन्देही–३ य् गृहमन्त्री बालकृष्ण खाँण लिउने लानाच्वंगु दु।
मंगलबाः सुथय् तकया मतगणनाय् राप्रपाया दीपक बोहरां ४ हजार १७० मत हया न्ह्यने लानाच्वंगु दु । बोहरयात नेकपा एमालेया समर्थन दुगु खः।
अथेहे नेपाली कांग्रेसया उम्मेदवार गृहमन्त्री खाँणं ३ हजार ९१९ मत हया लिउने लानाच्वंगु दु। गृहमन्त्री खाँणयात नेकपा माओवादी केन्द्र, नेकपा एकीकृत समाजवादीनाप सत्ता गठबन्धनया समर्थन दुगु खः ।
