लानाच्वन ख्वपया १ य् नेपाल मजदुर किसान पार्टी (नेमकिपा) या प्रेम सुवाल १० हजार ५२ मत हया न्ह्यने लानाच्वंगु दु।

अथेहे एमालेया नवराज गेलालं ९ हजार ५२६ मत हःगु दु सा राप्रपाया भरतबहादुर खड्कां ७ हजार ७४८ व नेकपा माओवादी केन्द्रया सुनिल गोठे न ३ हजार ५१७ मत काःगु दु।

पर्साय् जनता समाजवादी पार्टी नेपाल न खाता चाय्कूगु दु।

पर्सा क्षेत्र नं ४ या प्रदेश सभा–२ य् जसपा न खाता चाय्कगु खः। जनता समाजवादी पार्टीया सिंगासन सा कलवारं १५ हजार ३८५ मत हया निर्वाचित जुगु खः।

वयकःया निकटतम प्रतिद्वन्दी स्वतन्त्र उम्मेदवार प्रल्हाद साह कानुं १२ हजार ६४१ मत हःगु खः।

न्यागु दलीय लोकतान्त्रिक बाम गठबन्धनपाखे उम्मेदवारी बिम्ह माओवादी केन्द्रया नेतृ चाँद तारा कुमारी १ हजार ७६५ मत जक हःगु खः।

२०७४ सालया निर्वाचनय् तत्कालीन संघीय समाजवादी फोरम नेपालपाखे सिंगासन हे निर्वाचित जूगु खः ।

येँ क्षेत्र नम्बर ५ य् नेपाली कांग्रेसया प्रदीप पौडेल निर्वाचित जूगु दु।

प्रतिनिधिसभा सदस्यया लागि जूगु निर्वाचनय् नेकपा एमालेया वरिष्ठ उपाध्यक्ष ईश्वर पोखरेलयात पराजित यासे पौडेल निर्वाचित जूगु खः।

येँया क्षेत्र नं ६ या प्रदेशसभा (१) य् नेपाली कांग्रेसया उम्मेदवार हरिप्रभा श्रेष्ठ खड्गी निर्वाचित जूगु दु।

प्रदेशसभा (१) या मतगणनाय् कांग्रेसया खड्गीं ४ हजार ३ सय ५६ मत हया निर्वाचित जूगु दु धका निर्वाचन अधिकृत सम्झना खनालं धाःगु दु।

अथेहे नेकपा (एमाले) या उम्मेदवार निरेशलालसिंह महर्जनं ३ हजार ९ सय ३६ व राष्ट्रिय प्रजातन्त्र पार्टीया उम्मेदवार जगतसागर महर्जनं ३ हजार ७ सय ९८ मत हःगु खः।

राष्ट्रिय स्वतन्त्र पार्टी (रास्वपा) न येँ स्वगु क्षेत्रय् त्याकूगु दु। येँया क्षेत्र नम्बर–२ य् उपाध्यक्ष सोविता गौतम, ७ य् गणेश पराजुली व ८ य् विराजभक्त श्रेष्ठ निर्वाचित जूगु दु।

येँया क्षेत्र नम्बर २ य् सोविता गौतम १५ हजार २२९ मत हया बिजयी जुगु दु। पूर्व सभामुख नाप नेकपा माओवादी केन्द्रया उम्मेदवार ओनसरी घर्तीमगर प्यंगु थासय् लागु दु ।

उगु थासय् नेकपा एमालेया उम्मेदवार मणिराम फुयालं ११ हजार ५५५ मत, राप्रपाया उम्मेदवार कुन्तीदेवी पोखरेलं ११ हजार १४ व ओनसरीं ९ हजार ४४९ मत काःगु खः।

अथेहे येँ ७ य् राष्ट्रिय स्वतन्त्र पार्टीया गणेश पराजुलीं ८ हजार ७४३ मत हया बिजयी जूगु दु सा निकटतम प्रतिस्पर्धी नेकपा एमालेया शिवकुमार घिमिरं ६ हजार ८०० मत व माओवादी केन्द्रया मानुषी यमी भट्टराई (अस्मिता सिंह) न ६ हजार ६३ मत हःगु खः।

क्षेत्र नम्बर ७ या प्रदेश सभा ‘१’ य् एकीकृत समाजवादीया बसन्त मानन्धर ४ हजार १५३ मत विजयी जूगु दु। अथेहे प्रदेश सभा ‘२’ य् नेकपा एमालेया उम्मेदवार प्रकाश श्रेष्ठ ५ हजार २१८ मत हया विजयी जूगु खः।

येँ क्षेत्र नम्बर ८ य् राष्ट्रिय स्वतन्त्र पार्टी विराजभक्त श्रेष्ठ १० हजार १०५ मत हया विजयी जूगु दु । वयकःया निकटतम प्रतिस्पर्धी हाम्रो नेपाली पार्टीया सुमन सायमीं ६ हजार १७४ मत हःगु खः सा एकीकृत समाजवादीया नेता नाप संस्कृति पर्यटन व नागरिक उड्डयउन मन्त्री जीवनराम श्रेष्ठं ४ हजार ८७७ मत हःगु खः।

अथेतु, येँ ८ या प्रदेशसभा ‘ख’ य् राप्रपाया उद्धव थापा विजयी जूगु दु।