चःह्र जुगुलि पशुपतिइ मत च्याकिइपि हुल जुगु दु।

थौं त्रयोदशीया दिं सुथय् भक्तजनपि मुना विधिपूर्वक मदुपिया नामय् मत च्याकिइगु खः। त्रयोदशीया बहनि मदुगुपिगु नामय् अखण्ड महादीपदान यासे भक्तजनपिन्सं चःह्रया सुथनिसे मदुपि छेँ जःपिनिगु नामय् बाला ह्वलेगु याइ।

थौं चान्ह्यःनिसे भक्तजनपिन्स मदुपिनिगु नामय् वा, छ्वं, हाम्वं, जौं, चना, कःनि, कागुनो मिले याना पशुपति जःखः ह्वलेगु याइ।

सच्छिगु च्याःगु शिवलिङ्ग, कैलाश, सूर्यघाट, गौरीघाट, आर्यघाट, गुह्येश्वरी, पशुपति, मृगस्थली, विश्वरूप व किराँतेश्वरय् बाला ह्वलेगु याइ ।

ख्वप क्षेत्र नम्बर २ य् नेपाली कांग्रेसया दुर्लभ थापा प्रारम्भिक मतगणनाय् न्ह्यने लागु दु।

थापां २ हजार २३० मत हया न्ह्यने लानाच्वंगु दु ।

अथेहे नेकपा एमालेया महेश बस्नेतं १ हजार ६३२ मत हःगु दु सा  राप्रपाया मोहन केसीं १२३ मत हःगु दु।

मतगणनाय् नेकपा एमाले न्ह्यने खनेदुगु दु। अथेअ‍े ल्यु हाम्रो नेपाली पार्टीया उम्मेदवार वयाच्वंगु दु।

थौं सुथय् ६ः३० बजेया मतगणना कथं नेकपा एमालेया उम्मेदवार प्रेमबहादुर महर्जन १३६७ मत कया न्ह्यने लानाच्वंगु दु ।

हाम्रो नेपाली पार्टीया सुदिन शाक्य १०९७ मत, सत्ता गठबन्धनया उम्मेदवार एकीकृत समाजवादीया कृष्णलाल महर्जन ८७७, राष्ट्रिय स्वतन्त्र पार्टीया बुद्धरत्न महर्जनं ७९० व राप्रपाया उम्मेदवार रघुवर राज थापां ६७६ मत हःगु दु।

नेकपा एमालेया महासचिव शंकर पोख्रेरेलं दाङया तुलसीपुर उपमहानगरपालिका–१९ य् बिजौरी मतदान केन्द्रय् मतदान याःगु दु।

दाङ क्षेत्र नम्बर २ या प्रतिनिधिसभा सदस्य उम्मेदवार जुयादीम्ह पोख्रेरेलं बिजौरी मतदान केन्द्रय् मतदान यानादीगु खः।

नेपाली कांग्रेसया नेता डा. शेखर कोइरालां मोरङया आदर्श स्कुलय् च्वंगु मतदान केन्द्रय् मतदान याःगु दु।

मोरङ क्षेत्र नम्बर –६ या प्रतिनिधिसभाया उम्मेदवार जुयादीम्ह वयकलं सुथय् ७ः४५ बजे उगु मतदान केन्द्रय् मतदान यानादीगुु खः ।