गुरुपुन्हिया लसताय् ज्यापु संस्कृति विकास कोषं येँया परम्परागत खुइस्वंगू त्वाःया बाजं गुरुपिंत हंगु दु ।

येँ महानगरपालिकाया मेयर बालेन्द्र साह मू पाहाँ कथं झायादीगु खः। अथेहे ज्याझ्वलय् खुइस्वंगुलिं त्वाःयात बाजं न्यायेगु निंतिं म्हतिं झिद्वः झिद्वः तकाया चेक नं लःल्हाःगु खः।

ज्याझ्वलय् स्थानीय चुनावय् येँ महानगरपालिकाय् त्यानावःपिं ज्यापु जनप्रतिनिधिपिंत नं हनेज्या याःगु खः । अथेहे उगु ज्याझ्वलय् झिंगुक्वःगु ज्यापु दिवसया पाःब्व नं लःल्हाःगु खः।

यःमरि पुन्हि कुन्हु हनीगु झिंगुक्वःगु ज्यापु दिवसया पाःब्व गोफः त्वाः नाय्भाचोयात लःल्हाःगु खः । कोषया नायः मंगलकृष्ण श्रेष्ठ व झिंच्याक्वःगु ज्यापु दिबसया संयोजक गोफःत्वाः माकःगल्लीया नायः गोविन्द महर्जनं पाःकाःगु त्वाःया नायः पञ्चनारायण महर्जनयात पाःब्वया दसिपौ व छगू लाख तका लःल्हाःगु खः।

कोषया न्वकु सन्त महर्जनं लसकुस याःगु ज्याझ्वलय् कोषया नायः महर्जनं येँ महानगरपालिकां थुगुसीया बजेटय् कोषया छेँ दनेगु निंतिं छगूत्या करोड दां विनियोजन यानाबिउगु जानकारी बिसें महानगरपालिकायात सुभाय् बिउगु खः।

ज्याझ्वलय् ज्यापु महागुथि केन्द्रीय समितिया नायः राजभाई जकःमि, विकास कोषया संस्थापक प्रचण्डमान वज्राचार्य, झिंच्याक्वःगु ज्यापु दिवसया संयोजक गोविन्द महर्जनपिंसं भिंतुना न्वचु बिउगु खः ।

जनता समाजवादी पार्टी (जसपा) या संस्थापन पक्षं संघीय परिषद् अध्यक्ष डा. बाबुराम भट्टराई नाप गुम्ह कार्यकारिणी सदस्यपिन्त पदमुक्त याउगु दु।

अध्यक्ष उपेन्द्र यादव पक्षं वीरगञ्जय् च्वंगु केन्द्रीय समिति बैठकं भट्टराईयात चिइका संघीय परिषद् अध्यक्षय् अशोक राईयात ल्यगु दु।

भट्टराईनाप गंगानारायण श्रेष्ठ, प्रशान्त सिंह, महेन्द्र राय यादव, हिसिला यमी, भक्तबहादुर शाह, दानबहादुर चौधरी, रमेश यादव, दुर्गा सोबयात पदमुक्त याउगु खः।

भट्टराई पक्ष न यँ छगु भेला याना पार्टी पुनर्गठन यायेगु निर्णय याउगु खः।

माओवादी अध्यक्ष प्रचण्ड स्वन्हुया लागि भारत भ्रमण नेकपा (माओवादी केन्द्र) या अध्यक्ष पुषपकमल दाहाल प्रचण्ड थौंनिसे न्वन्हुया निति भारत भ्रमण वनेत्यःगु दु।

भारतीय जनता पार्टी (भाजपा)या निमन्त्रणय् प्रचण्ड थौं न्हिनयु १ बजे भ्रमणया लागि नयाँ दिल्ली वनिइगु जुगु दु।

वंगु लत्या न्ह्यः नेपाःया लागि तत्कालीन भारतीय राजदूत विनय मोहन क्वात्रां भारत भ्रमणया निति ब्बःगु खः धका प्रचण्डया सचिवालयं धाउगु दु।

सचिवालयया कथं प्रचण्ड जुलाइया निगु वाः दुने भ्रमण सम्भव जुइ धका धासा भाजपाया अध्यक्ष जगतप्रकाश नड्डा न औपचारिकरुपं भ्रमणय् ब्वनेवं  वनेगु क्वःछिगु खः।

प्रचण्डया भारत भ्रमणबारे बिहीबाः च्वंगु माओवादीया स्थायी समिति बैठकय् न छलफल जुगु खः। प्रचण्ड साउन १ गते आइतबाः स्वदेश लिहावइ।

नेपाल सरकार शिक्षा विज्ञान तथा प्राविधिक मन्त्रालय पाठ्यक्रम विकास केन्द्रया महानिर्देशक अणप्रसाद न्यौपानेयात नापलाना गुगु व झिगू तगिमय् भाषानाप ऐच्छिक विषय कम्प्युटर, गणित चिइकेत माग याःगु दु।

उगु इलय् महानर्दिशक न्यौपानें थःगुपाखें अर्थात पाठ्यक्रम विकास केन्द्रपाखें भाषा जक दुथ्याका ब्यागलं कथंया पुचः दयेके फइमखु उकिया नितिं मन्त्रिपरिषद्ं हे निर्णय यायेमाः धकाः धयादीगु दु।

मंगलवाः नेवाः तय्गु राष्ट्रिय संगठन नेवाः देय् दबू व तामाङ तय्गु राष्ट्रिय संगवठन नेपाल तामाङ घेदुङया संयोजनय् महानिर्देशक न्यौपानेयात नापलागु खः। थ्व स्वया न्ह्यः शिक्षामन्त्री देवेन्द्र पौडेलयात न भाषाया विषयनाप ऐच्छिक विषय कम्प्युटर, गणित विषययात भाषानाप भाषा हे ऐच्छिक विषय तयेत ज्ञापनपौ लःल्हाःगु खः, महानिर्देशक नापलायेगु नितिं देय् दबू स्वनिगः विशेष प्रदेशया अध्यक्ष श्रीकृष्ण महर्जन, छ्याञ्जे हरिबहादुर श्रेष्ठ, ख्वप जिल्लाया अध्यक्ष नरेश नेवाः, छ्याञ्जे जीवनपति श्रेष्ठ, मध्यपुर थिमि नगर समितिया अध्यक्ष बाबुकाजि साछेँ श्रेष्ठ, नेवाः शिक्षा गुथिया कजि विष्णु चित्रकार, विद्या चित्रकार, नेवाः वस्ती नेवाः स्कूल अभियान अध्यक्ष दिपक तुलाधर, नेवाः जागरण मञ्चया नायः सुजीव बज्राचार्यलिसें नेपाल तामाङ घेदुङया उपमहासचिव जगत दोङ, छ्याञ्जे विना तामाङ नापं घेदुङया थीथी प्रतिनिधिपिं सहभागी जुयादीगु खः ।

संघीय संसद (प्रतिनिधि सभा) य् थौं उपसभामुख पदया लागि निर्वाचन जुइत्यंगु दु।

२०७६ साल माघ ६ गते तत्कालीन उपसभामुख शिवमाया तुम्बाहाम्फे न राजीनामा बिइगुलि खाली जुगु उगु पदया लागि थौं निर्वाचन जइत्यंगु खः।

निर्वाचनया लागि बिहीबाः हे उम्मेदवारी दर्ता याना अन्तिम नामावली तक प्रकाशित याये धुकुगु दु। उपसभामुखया लागि नेपाली कांग्रेसया पुष्पा भुसाल व नेकपा एमालेया विद्या भट्टराई उम्मेदवार जुगु दु।

भुसाल न्यागु दलीय सत्ता गठबन्धनया पाखे उपसभामुखय् मंकाः उम्मेदवार खःसा भट्टराई प्रमुख विपक्षी नेकपा एमालेया उम्मेदवार खः।

प्रतिनिधि सभाय् एमालेया ९८, कांग्रेस ६३, माओवादी केन्द्रया ४९, एकीकृत समाजवादी २३, जनता समाजवादी २१, लोसपा १३ व मेपि प्यम्ह सांसदपि दु। संसद सचिवालयया कथं मतदान थौं न्हिनय् तीन बजे याइगु जुगु दु।