बाँकेया नेपालगञ्जय् जुइत्यःगु ‘प्यक्वःगु प्रादेशिक औद्यौगीक, लघु घरेलु नाप कृषि, प्रविधि व्यापार व पर्यटन महोत्सव २०७९’ या तयारी यायेगु लागि सम्र्पक सचिवालय स्थापना याःगु दु।

महोत्सवया जुयाच्वंगुलि नेपालगञ्ज उपमहानगरपालिका वडा नं. १८ या कारकादो नाप सचिवालय स्थापना याःगु दु। सचिवालय कारकादोय् माछापुच्छे्र बैंकया पारीपट्टी सचिवालय तःगुलि नेपाल घरेलु तथा साना उद्योग महासंघ बाँकेया महासचिव जिआर भुसालं जानकारी बिःगु दु।

नेपाल घरेलु तथा साना उद्योग महासंघ बाँकेया ग्वसालय् व सिवालय सेक्युरिटी एण्ड मल्टी प्रपोज कम्पनी प्रा.लि.या ग्वाहालि थ्व हे माघ १० गते निसे २४ गते तक नेपालगञ्ज उपमहानगरपालिका वडा नं. १८ य् सडक डिभिजन कार्यालय कारकादोय् ‘प्यक्वःगु प्रादेशिक औद्यौगीक, लघु घरेलु तथा कृषि, प्रविधि व्यापार नाप पर्यटन महोत्सव २०७९’ जुइत्यःगु खः।

नवनिर्वाचित सभामुख देवराज घिमिरें प्रतिनिधि सभाय् प्रतिनिधित्व थःम्हेसिया वालाकं यायेगु धका धाःगु दु।

बिहीवाः प्रतिनिधिसभाया बैठकय् सभामुखय् जुइ धुका सञ्चारकःमिपिनाप खँल्हायेगु झ्वलय् अथे धाःगु खः।

सभामुख घिमिरें सभामुख जुयाच्वनागु इलय् निष्पक्ष व तटस्थ भूमिकाय् थःम्हेसिया कार्यसम्पादन यायेगु धका धाःगु खः।

प्रतिनिधिसभा उपसभामुख पदय् निर्वाचन माघ ७ गते शनिवाः जुइगु दु।

प्रतिनिधि सभाय् थौं बिहीवाः च्वंगु बैठकय् ज्येष्ठ सदस्य सभामुख पशुपति समशेर जबरां अथे घोषणा याःगु खः।

नाप वयकलं प्रतिनिधि सभा उपसभामुखया निर्वाचन यागु सूचं प्रकाशित यायेत न संसद सचिवालययात निर्देशन बिःगु खः।

अथेहे थौंया बैठकं सभामुखय् नेकपा एमालेया सांसद देवराज घिमिरेयात निर्वाचित याःगु खः।

लुम्बिनी प्रदेशया नवनियुक्त मुख्यमन्त्री लीला गिरीं थौं विश्वासया मत काःगु दु।

थौं बिहीबाः न्हिनय् च्वंगु प्रदेशसभाया न्हापागुं  अधिवेशनया प्यक्वःगु बैठकय् मुख्यमन्त्री गिरीं न्ह्यगु दलया विश्वास याःगु मत काःगु खः।

मुख्यमन्त्री गिरीं नेकपा एमाले नाप माओवादी केन्द्र, राष्ट्रिय प्रजातन्त्र पार्टी, नागरिक उन्मुक्ति पार्टी, जसपा, जनमत पार्टी, लोकतान्त्रिक समाजवादी पार्टी व स्वतन्त्रयाना ५७ मत काःगु खः।

गिरींया विपक्ष् २८ मत काःगु खः। नेपाली कांग्रेस व जनमोर्चा न गिरीयात विश्वासया मबिउगु खः। मुख्यमन्त्री गिरी पुस २७ गते ५६ म्ह व निम्ह स्वतन्त्र याना ५८ म्ह सांसदपिनिगु समर्थनय् मुख्यमन्त्री नियुक्त जूगु खः।

लुम्बिनी प्रदेशय् ८७ म्ह सांसदपि दु।

सभामुखय् नेकपा एमालेया देवराज घिमिरे निर्वाचित जूगु दु।

प्रतिनिधिसभाय् थौं बिहीबाः एमालेया घिमिरेयात सभामुखय् निर्वाचित यायेत तःगु प्रस्तावय् पक्षय् १६७ व विपक्षय् १०० मत वंगु खः।

प्रतिनिधिसभाया २७५ मध्ये २६८ म्ह मतदानय् सहभागी जूगु खः। छम्ह जक सांसद तटस्थ च्वंगु खः। घिमिरेयात सभामुख दयकेगु निति पक्षय् नेकपा एमाले, नेकपा माओवादी केन्द्र, राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जनता समाजवादी पार्टी, जनमत पार्टी, नागरिक उन्मुक्ति पार्टी व स्वतन्त्र सांसदपि अमरेशकुमार सिंह, प्रभु साह व योगेन्द्र मण्डलं मतदान याःगु खः।

सभामुखय् नेपाली कांग्रेसया ईश्वरी न्यौपाने न उम्मेदवारी बिःगु खः। तर न्हापा हे घिमिरेया उम्मेदवारीय् मतदान जुगुलि बहुमत वयेवं ईश्वरीया उम्मेदवारीइ छलफल हे मजुगु खः। वयकःयात नेपाली कांग्रेस, एकीकृत समाजवादी, लोकतान्त्रिक समाजवादी व राष्ट्रिय जनमोर्चां समर्थन याःगु खः। घिमिरे झापा–२ पाखे सांसदय् निर्वाचित जूगु खः।