मध्यपुर थिमि नगरपालिकाया मेयर सुरेन्द्र श्रेष्ठं लोप जुइगु अवस्थाय् थ्यंगु मौलिक व पुख्र्यौली पेशाया संरक्षण व प्रवद्र्धन यायेगु धका धयादीगु दु ।

मेयर श्रेष्ठं पुख्र्यौली पेशा व व्यवसायया संरक्षण व प्रवद्र्धनया निंतिं प्रतिवद्धता प्वंकादिसें नगरपालिकापाखें विशेष ग्वाहालि यायेगु बचं बियादीगु खः । मध्यपुर थिमि नगरपालिका वडा नं. ४ या साःननिइ पुनःनिर्माण जूगु ऐतिहासिक व सांस्कृतिक महत्वया लाय्कूसाः (चिकंसाः)या उलेज्या यानादीसे मेयर श्रेष्ठं अथे धयादीगु खः ।

सिवा साय्मि खलःया नेतृत्वय् नगरपालिकाया हे आर्थिक ग्वाहालिइ निर्माण सम्पन्न जूगु चिकंसाः खलःया हे नामय् लालपुर्जा दयेकाः बीगु धका वय्कलं बियादीगु खः। लाय्कूसाः पुनःनिर्माणलिसें साय्मितय् पुख्र्यौली पेशाया रुपय् दयाच्वंगु व थौंकन्हय् लोपोन्मुख अवस्थाय् थ्यनेधुंकू्रगु तू चिकं उत्पादन यायेगु ज्यायात स्थानीय साय्मितय् मंकाः लगानीइ कम्पनीया रुपय् विकास यायेगु अभियान न्ह्याकागु खलकं जानकारी बिउगु दु ।

थुकिया निंतिं भक्तपुर चेम्बर अफ कमर्सलिसें ख्वपया थीथी थासय् सघन रुपं च्वना वयाच्वंपिं साय्मितय्ं अभियानय् ग्वाहालि यानाच्वंगु खँ धाःगु दु । मध्यपुर थिमियात तू चिकं उत्पादन यानाः आत्मनिर्भर यायेमाःगु खँय् बः बियादिसें उपमेयर विजयकृष्ण श्रेष्ठं धयादिल, ‘छुं दशक तक न्ह्यः जि थः हे नं तूचिकं न्या वनाच्वनाम्ह खः । तर थौं अज्याःगु अवस्था मदु । झीसं विदेशी चिकं उपभोग यानाः स्वदेशी उत्पादनयात धरासायी यानाच्वना ।

उकिं स्वदेशी उत्पादनयात तिबः बीमाःगु दु ।’ पुख्र्यौली पेशालिसें परम्परागत प्रविधियात आत्मसात यानाः स्थानीय उत्पादनयात हे प्राथमिकता बिया वने फत धाःसा आयात प्रतिस्थापन सम्भव दुगु वय्कःया धापू दु ।खलःया नायः अष्टरत्न मानन्धरं मध्यपुर थिमिया मल्लकालीन लाय्कू परिसर लिक्क च्वंगु जूगुलिं हे थुगु साःयात पुलांसाः वा क्वथुसाः नं धायेगु याना वयाच्वंगु जानकारी बियादिल ।

त्वाःया दकलय् ज्याथम्ह ९१ दँया मोहलाल लाखे मानन्धरया विशेष उपस्थितिइ नगर प्रमुख श्रेष्ठं उलेज्या यानादीगु ज्याझ्वलय् पुलांम्ह नगर प्रमुख मदनकृष्ण श्रेष्ठ, भक्तपुर चेम्बरया अध्यक्ष न्हुछेरत्न मानन्धर, ४ वडाअध्यक्ष बालकृष्ण श्रेष्ठ वडासदस्य रामकेशरी श्रेष्ठ, पूर्व जिसस उमेश श्रेष्ठ लगायतया उपस्थिति दुगु खः । उगु साः गंगाराम मानन्धरया संयोजन व मनोजलाल मानन्धरया नेतृत्वय् निर्माण सम्पन्न जूगु खः ।

नेपालमण्डल टेलिभिजनया क्यामराम्यान रामराजा बज्राचार्यया मां कान्छी बज्राचार्य मन्त।

८१ दँया दुम्ह वयकः म्हिगः सनिलय् यलया पाटन अस्पतालय् मदुगु खः।

स्वास्थ्यय् समस्या वयेवं म्हिगः अस्पताल यंकूगु खःसा सनिलय् मदुगु धका परिवारं धागु दु। मदुम्ह बज्राचार्यया निम्ह काय्, निम्ह म्ह्याय्पि दि।

नेपाली कांग्रेसं विशेष अभियान न्ह्याकिइगु जुगु दु।

म्हिगः सोमबाः क्वचाःगु केन्द्रीय कार्यसमितिया बैठकं देयन्यक विशेष अभियान न्हयाकेगु निर्णय याउगु खः।

चुनावयात लक्षित विशेष अभियान वइगु भदौ २ गतेनिसे २४ गते तक सञ्चालन यायेगु धका नेपाली कांग्रेसं धाउगु दु।

थुगु अभियानया विष्तृत खाका कांग्रेस केन्द्रीय कार्यालयं तयार याउगु दु 

तिलोत्तमा नगरपालिकाय् नगरसभा बैठकय् छगु सूचं टिकाः स्थगित याउगु दु। सचिव माधवप्रसाद पौडेलं बैठक सुरू जुइगु छु ई न्ह्यः छगु सूचं टिकाः थौं ११ बजेतकया लागि स्थगित याउगु खः।

आइतबाः विवाद लिपा स्थगित जुगु नगरसभा सोमबाः १२ बजे सःतुगु खः। बजेट पास यायेगु निति कांग्रेसपाखे निर्वाचित मेयर रामकृष्ण खाण व एमालेपाखे निर्वाचित उपमेयर जागेश्वरी चौधरीपिनिगु थःथःगु अडानं निष्कर्ष बिहिन जुगु खः।

नगरसभाय् बहुमत दुगु एमाले न बजेट नाप सभापाखे स्वगू विषयगत समिति प्रस्ताव यायेमाःगु अडान लिपा मेयरं नगरसभा स्थगित याउगु खः। उगु झ्वलय् इलाका प्रहरी कार्यालय बुटवलया डीएसपी ठगबहादुर केसीं वडा नम्बर ४ या अध्यक्ष हरिबहादुर क्षेत्री केसीयात घ्वाना मणिग्राम पार्टी प्यालेसया पूखूलि घ्वाना बिइवं विवाद जुगु खः।

एमालेया जनप्रतितिनिधिपिन्स दाजु गृहमन्त्री बालकृष्ण खाण जुगलि मेयरं प्रशासनया दुरुपयोग याउगु, प्रमुख प्रशासकीय अधिकृत जीवन ज्ञवाली कांग्रेसया कार्यकर्ता जुया नगरपालिकायात न पार्टी कार्यालय थे याउगु व खाणया हे योजनाय् बुटवल वया डीएसपी केसीं जनप्रतिनिधियात दुर्व्यवहार याउगु धका विरोध याना वयाच्वंगु खः।

बाजुराय् थौं भुखाय् ब्बःगु दु। थौं सुथय् ४ः३० बजे भुखाय् ब्बःगु दु धका राष्ट्रिय भूकम्प मापन तथा अनुसन्धान केन्द्रं धाउगु दु।

केन्द्रया सहायक प्राविधिक राजेश शमायका कथं जिल्लाया जिउलेख मद्दु धइगु थासय् केन्द्रविन्दु जुया ४.१ म्यागेन्च्युटया भुखाय् ब्बःगु धका धाउगु दु।