यँया जात्राया निति थौं बुधवाः सुथय् ७.१७ बजे साइत कथं हनुमानध्वाखाया कालभैरव द्यः या न्ह्यःने बिधि कथं यसिं थंगु दु।

यसिं थनेगु ज्या येँया सायमीतयसं याइगु खः । यसिं थनेवं यँया जात्राय् सुरु जुइगु याइ। यँया थौं दिं कथं उपाकू वनेगु याइ ।

येँया दुने थःगु छेँ दँय् मदुपिनिगु नामय् येया पुलागु शहरय् थीथी द्यः व लागाय् मत बिइगु याइगु खः ।

किपा नाती काजी महर्जन

यँया जात्राय् पिहावइगु हल्चोक आकाश भैरवया लँपू छायेगु ज्या क्वचाःगु दु।

जात्राये पिहावइगु आकाश भैरव, चण्दी व कुमारी स्वम्ह द्यःपिनिगु ख्वापातये लँपु छायेगु निति यंलाथ्व पारु कुन्हु लँपू छायेगु निति मांसगल्लीइ चित्रकारया थाय् यकिइग याइ। हल्चोकय् एकादशी कुन्हु द्यः छेँय् न्ह्यने बिशेष पूजा जुइगु याइ।

नेकपा एमालेया केन्द्रिय सल्लाकार समितिया दुजलय् ल्यंगुलि कुलभक्त शाक्ययात हना ज्याझ्वः याःगु दु ।

एमाले २१ वडा कमिटीं तःबहालय् छगू ज्याझ्वः यासें हना ज्याझ्वः याःगु खः ।

उगु ज्याझ्वलय् पूर्वमन्त्री लिसें सांसद कृष्णगोपाल श्रेष्ठ, सांसद बीना श्रेष्ठ, बागमती प्रदेश सभाया सांसद, लिसें पूर्व प्रदेशसभाया मन्त्री अजय क्रान्ति शाक्य, येँ महानगरपालिकाया पुलाम्ह मेयर बिद्यासुन्दर शाक्य, २१ वडाध्यक्ष उदय चुडामणी बज्राचार्य नाप पुलाम्ह १२ वडाध्यक्ष बिकास डगोलपिन्सं शाक्यपिनिगु न ब्बति दुगु खः।

लुँ तोलां थौं स्वसः थहावंगु दु। नेपाल सुनचाँदी व्यवसायी महासंघया कथं लुँ तोलां स्वसः थहावना छापवाल लुँ तोलां ९४ हजार रुपैयाँ न कारोबार जूगु दु धका धाःगु दु।

अथेहे वहः तोलां झीतका थहावंगु दु। वहः झीतका थहावना तोलां १ हजार १२५ रुपैयाँ कारोबार जुगु दु धका धाःगु दु।

सिक्लेस हाइड्रोपावर लिमिटेडं बुधबाःनिसे आयोजना धितोपत्रय् प्राथमिक सार्वजनिक निष्कासन (आईपीओ) बिक्री खुल्ला याइगु जुगु दु।

कम्पनीं आयोजना प्रभावित क्षेत्रय् च्वपिनिगु लागि धितोपत्रया सार्वजनिक निष्कासन याना आः सर्वसाधारणया लागि आवेदन माग यायेत्यःगु खः।

कम्पनीं प्रतिकित्ता १०० रुपैयाँ अंकित भाः ११ करोड ५० लाख रुपैयाँया ११ लाख ५० हजार कित्ता सेयर सार्वजनिक निष्कासपाखे बिक्री यायेत्यःगु खः।

उकि मध्ये ३ प्रतिशत अर्थात ३४ हजार ५०० कित्ता सेयर कम्पनीया कर्मचारीपिन्त व ५ प्रतिशत अर्थात ५७ हजार ५०० कित्ता सेयर सामूहिक लगानी कोषया लागि सुरक्षित यायेत्यःगु खः।

ल्यः दनिइगु १० लाख ५८ हजार कित्ता सेयरया लागि सार्वजनिक निष्कासन मार्फत आवेदन माग यायेगु तयारी यागु दु। कम्पनीं आईपीआ याकन २ भदौ व उगु इलय् पर्याप्त आवेदन मवःसा १२ भदौ तक थप याइगु जुगु दु।