नेपाल मजदुर किसान पार्टी न थःपिन्त प्रमुख प्रतिपक्षी दल घोषणा यायेमाःगु माग याःगु दु।

प्रतिनिधि सभाया बिहीबाः च्वंगु बैठकय् विशेष ई कया न्ववासे नेमकिपाया सांसद प्रेम सुवालं पुस २६ गते प्रधानमन्त्रीयात विश्वासया मबियागुलि थःगु दलयात  प्रमुख प्रतिपक्षी दल घोषणा यायेमाःगु माग याःगु खः।

सुवालं धाःगु दु, कानुनी व्यवस्था कथं प्रमुख प्रतिपक्षी पार्टी नेमकिपा खः ।’ संघीय कानुन कथं विपक्षी दल क्वछिना जक संसद न्ह्याकेमाःगु वयकलं माग याः गु खः।

श्रीशान्तिघट बज्रधातु चैत्य महाविहार श्रीघलय् विराजमान जुयाच्वना बिज्याम्ह आराध्य देवी हारती अजिमाया देगःया पुनः निर्माण ज्या क्वचाःगु दु ।

दच्छि न्ह्यः २०७८ माघ ३ गतेनिसे निर्माण ज्या न्ह्याकुगु थुगु देगः दच्छिलिपा माघ ३ गते हे निर्माण क्वचायेका पलिस्था पुजा यायेखंगु धइगु लसताया खँ खः धका श्रीशान्तिघट बज्रधातु चैत्य महाविहार संरक्षण समितिया नायः व हारती अजिमा देगः पुनःनिर्माण उपभोक्ता समितिया संयोजक शुभकाजी शाक्यं धयादिगु दु।

अथेहे अजिमा देगः पुनःनिर्माण उपभोक्ता समितिया मेम्ह संयोजक पुरन शाक्यं येँ महानगरपालिकाया तत्कालिन मेयर विद्या सुन्दर शाक्यं देगः पुनःनिर्माणया निंतिं आर्थिक ग्वाहालि यानादीगु खँ कनादिल ।

येँ महानगरपालिकाया उपमेयर सुनिता डंगोल मूपाहाँ कथं झायादीगु उगु ज्याझ्वलय् श्रीशान्तिघट बज्रधातु चैत्य महाविहार श्रीघःया थकालि आजु कर्ण शाक्यया सभाध्यक्षताय् जुगु खः । मूपाहाँ उपमेयर डंगोलं बोधिमतय् मत च्याका उलेज्या यानादीगु उगु ज्याझ्वलय् देगः पुनःनिर्माण क्वचाःगु लसताय् पिहावःगु लुमन्ति पौ या नं पितब्वज्या जुगु खःसा ज्या तालाकेत ग्वाहालि याःपिन्त सम्मान नं याःगु खः ।

यँे वडा नं २५ या पुलांम्ह वडा अध्यक्ष नीलकाजी शाक्यया नं विशेष उपस्थिति दुउगु खः । 

नारायणगढ–मुग्लिन सतक थौंनिसे लच्छितक ज्या जुइगुलि बन्द यायेत्यःगु दु। वंगु पुस ५ गतेनिसे ३० तक सुथय् ११ बजेनिसे न्हिनय् ३ बजेतक सतक ज्या यानाच्वंगु खः।

थौंनिसे न्हिनसिया १२ बजेनिसे ४ बजेतक थप ३० दिं सतक बन्द यायेत्यःगु दु। चितवनया प्रमुख जिल्ला अधिकारी अश्मान तामाङं गाडी रोकेमयासे पखालय् जाली तयेफइ मखुलि मेगु लच्छि बन्द यायेमाःगु धका धाःगु दु।

थौं सभामुखया निर्वाचन जुइगु दु। मतदानया लागि थौं सुथय् ११ बजे प्रतिनिधि सभा बैठक सःतूगु दु।

सभामुखया लागि नेकपा एमाले व नेपाली कांग्रेसया उम्मेदवार दथुइ प्रतिस्पर्धा जुइत्यःगु दु। सभामुखय् निगु दशक लिपा थथे बहुमतीय प्रक्रियाअन्तर्गत निर्वाचन जुइत्यःगु खः।

थ्व स्वया न्ह्यः २०५१ य् लिपा थथे चुनाव जुगु मदुनि। थौं एमाले सत्ता गठबन्धनया पाखे एमालेया देवराज घिमिरेयात उम्मेदवार दयकूगु खःसा कांग्रेसं ईश्वरी न्यौपानेयनत उम्मेवदार दयकूगु खः।

ईन्द्रजात्रा ब्यवस्थापन समितिया बरिष्ठ उपाध्यक्ष नाप आकाश भैरव गुथि वंघःया नायः शरदकुमार डंगोल म्हिगः ११ः०० बजे आकाझाका मन्त।

वंगु शनिवाः छेँय् हट् आटेक जुया गंगालाल अस्पातालय् यकूगु खःसा म्हिगः ११ बजे मदुगु खः।

वयकःया अत्येष्ठि र्थौं हे लुँतिइ याइगु धका ब्यवस्थापन समितिया कोषाध्यक्ष बिश्व शाक्य लहनान्युजयात जानकारी बिःगु दु।