राष्ट्रिय विभूति शंखधर साख्वाः प्रतिष्ठानया झींखुक्वःगु व झीन्ह्यक्वःगु साधारण सभा व प्यक्वःगु अधिवेशनय् ख्वपया २ न क्षेत्रया संघीय सांसद महेश बस्नेत उलेज्या यानादीगु खः।

प्यक्वःगु अधिवेसनं ज्ञानराम श्रेष्ठ सर्वसम्मत कथं अध्यक्षय् निर्वाचित जूगु दु। अथेहे उपाध्यक्षय् सुरेश प्रधान, सचिवय् बाबुकाजी साःछें, सहसचिवय् विनोद कोजु व कोषाध्यक्षय् अञ्जनादेवी मधिकःमिपि निर्वाचित जुगु खः।

अथेतु दुजलय् दिलकृष्ण प्रजापति, रमेश उखा श्रेष्ठ, सूर्यकृष्ण थापा श्रेष्ठ, पञ्चकृष्ण श्रेष्ठ व रामकेशरी श्रेष्ठपि निर्वाचित जुगु खः।

सर्वाेच्च शिखर सगरमाथाया सफल आरोहणयाःम्ह न्हापाम्ह मिसा पत्रकार कल्पना महर्जनं थीथी कासा ख्यलय् दुथ्यापि कासामिपिन्त क्लाइम्विंग याकूगु दु।

स्पोटर्स क्लाइम्विग कासाय् प्रबद्र्धन यायेगु कथं आइतबाःनिसे येँ सुरु जुगु छगु वाःयकं जुइगु क्लाइम्विंग कासाया अभ्यास याःगु दु। येँया धुम्वाराहीए पासाङ्ग ल्हामु स्पोटर्स क्लाइम्विंगय् क्लाइम्विंगया अभ्यास याकूगु खः।

सस्कृति व साहसनाप नापं धइगु नारा ज्वना तीज अन दी वाल ज्याझ्वः कथं उगु क्लाइम्विंग अभ्यास ज्याझ्वः याःगु खः। न्हापागु दिं आइतबाः प्रिस्कुल कमिटी अफ नेपालया प्रिन्सिपलपिन्स ब्बति काःगु खः।

माउण्टेन एडभेन्सर सपोर्ट एकेडेमीया ग्वसालय् उगु ज्याझ्वः नेशनल क्लाइम्विंग स्पोटर्स् एसोसिएसनया अध्यक्ष हरि धरेलं उलेज्या यानादीगु खःसा एक्सेरेन्स आउटडोर नेपालं व्यवस्थापन याःगु खः।

यल महानगरपालिका वडा नम्बर १८ य् दँच्छियक एकादशी, बुद्धजयन्ती व शिलाचहे कुन्हु मिट होलिडे यायेगु निर्णय याःगु दु।

थौं सोमबाः वडाय् दुने च्वपि ला ब्यावसायी व वडा अध्यक्ष दामोदर खड्का नापं वडाया प्रतिनिधिपिनिगु बैठकं अथे निर्णय याःगु खः। उगु निर्णय कथं वडाय् दुने दँच्छिइ २६ दिं ला मिइगु निषेध जुइगु दु। दँच्छियक २४ दिं एकादशी व निगु तधःगु नखः लाउगु दु।

उगु बैठकया निर्णय कथं ला व्यावसायीपिन्स लसकुस याःगु दु। ला व्यावसायी कृष्णप्रसाद खड्गीं वडा कार्यालयया थुगु निर्णययात सकसिया लसकुस याःगु दु धका धाःगु दु। वयकलं १८ वडा नाप वडा नम्बर २५ न थुगु नियम लागु यायेत इनाप यानादीगु दु। मेम्ह ला व्यावसायी सुविन खड्गीं वडाया निर्णययात कार्यान्वयन जुइत छु ई काइ धका धयादीगु दु।

वडा सचिव निरन श्रेष्ठं निर्णयबारे जानकारी बियादीसे लच्छिया दुने कार्यान्वयन यायेत इनाप यानादीगु दु। वडां दक्को ला व्यावसायपिन्स निर्णययासे ल्हाःचिंतया प्रतिबद्धता याःगु दु धका धयादीगु दु। वडा सदस्य निरज कुँबर व गोपाल डंगोलं निर्णय कार्यान्वयन यायेमाः धक धयादीगु खः।

येँ महानगरपालिकाया पुर्व मेयर विद्यासुन्दर शाक्यं थःगु न्यादँया कार्यकालय् आः थे महिनौ तक फोहोरया समस्या मजू धका धयादीगु दु।

येँ जुगु छगु ज्याझ्वलय् न्ववानादीसे पुर्वमेयर शाक्यं धयादीगु दु, ‘आः थे सांसद मन्त्रीपिन्स संसदय् फोहोर छाय् उठे मयात? धका च्यूता काःगु दु, फोहोर उठे याःगु दु।

जिगु कार्यकालय् महानगरया च्यूता सु ना न कायेम्वाः।’ वयकलं धयादीगु दु थः पदय् बिचाः याये थे ग्वाहालि मजुसा महानगरपालिकां शिक्षा, स्वास्थ्य, सम्पदाया संरक्षणय् यक्को बिकास जुगु धका धयादीगु खः ।

पशुपति क्षेत्रया संग्रहालय निर्माण जूगु दु। संस्कृति, पर्यटन तथा नागरिक उड्डयनमन्त्री जीवनराम श्रेष्ठं नेपाल इन्भेष्टमेन्ट बैंकया आर्थिक ग्वाहालि पुनर्निर्माण सम्पन्न जूगु पशुपति संग्रहालय व महास्नान भवनया उलेज्या यानादीगु दु।

संग्रहालयमा धार्मिक महत्वया लुँया जलप दुगु मूर्ति, ल्ह्वया प्रस्तरकला, संस्कृति न्ह्यब्बया तःगु भेषभूषा, तिसा, ख्वापा नाप पुरातात्विक महत्वया काष्ठकला, चित्रकला, मूर्तिकला, लिञ्छिविकालीन मानदेवया शिलालेख, ऐतिहासिक पुस्तक, प्राचीन मुद्रा नाप मूर्त–अमूर्त सम्पदाया सामग्री तयातःगु खः।

ज्याझ्वलय् मन्त्री श्रेष्ठं नेपाःया पर्यटन क्षेत्रय् विकासया लागि सांस्कृतिक सम्पदा संरक्षण व सम्वर्द्धन यायेमाः धका धयादीगु खः। मन्त्री श्रेष्ठं पशुपति क्षेत्रय् छरे जुया च्वंगु धार्मिक, सांस्कृतिक महत्त्वया सामग्रीहरुलाई एकै स्थानमा संकलन, अभिलेखीकरण व प्रस्तुतिकरण याना संग्रहालयया रुपय् विकास जुगु तधःगु उपलब्धि खः धका धयादीगु खः।

२०७२ सालया भुखाचं क्षतिग्रस्त धार्मिक, सांस्कृतिक नाप पुरातात्विक कथं महत्त्वपूर्ण पशुपति महास्नानघर भवन यायेत नेपाल इन्भेष्टमेन्ट बैंकं पुनर्निर्माण याःगु खः। पुनर्निर्माण लिपा बैंकं पशुपति क्षेत्र विकास कोषयात न पुन निर्माण याःगु पशुपति संग्रहालय महास्नान छेँ हस्तान्तरण याःगु खः।

बैंकं पशुपति संग्रहालय महास्थानघर परियोजनाय् ५ करोड १४ लाख रुपैयाँ व पाशुपत क्षेत्र संरक्षणय् करिब ४ करोड याना ९ करोड स्वया अप्पो ग्वाहालि याःगु खः।