इलाम क्षेत्र नम्बर १ य् नेकपा एमालेया महेश बस्नेत न्ह्यने लाना च्वंगु दु।

४ हजार मतगणना जुइ धुकुलि बस्नेतं १ हजार २५८ मत हःगु दु। अथेहे नेकपा एकीकृत समाजवादीया झलनाथ खनालं १ हजार ४१ मत काःगु दु।

खनाल सत्ता गठबन्धनया उम्मेदवार खः।

येँया निर्वाचन क्षेत्र नम्बर ९ य् नेकपा एमाले व राष्ट्रिय स्वतन्त्र पार्टी दुथुइ प्रतिस्पर्धा जुयाच्वंगु दु।

उगु क्षेत्रय् नेकपा एमालेया कृष्णगोपाल श्रेष्ठं १ हजार ७४९ मत हया न्ह्यने लानाच्वंगु दु।

अथेहे राष्ट्रिय स्वतन्त्र पार्टीया टेकबहादुर पोखरेल १ हजार ६७३ मत हःगु दु सा सत्ता गठबन्धनया उम्मेदवार नेकपा माओवादी केन्द्रया कल्पना धमला ९१६ व राप्रपाया देवेन्द्र प्रधान ३५१ मत हःगु दु ।

यल क्षेत्र नम्बर ३ य् राष्ट्रिय स्वतन्त्र पार्टीया उम्मेदवार डा. तोसिमा कार्की न्ह्यने लानाच्वंगु दु।

सोमवाः बहनि तक ५ हजार ८६८ मत ल्याखाःगुलि तोसिमां २ हजार १४८ मत काये धुकुगु दु।

अथेहे एमालेया अमृत खड्कां १ हजार ९०५ व माओवादी केन्द्रया पम्फा भुसालं १ हजार १९८ मत काःगु दु।

येँया क्षेत्र न ८ या स्वगु वडाय् जुया च्वंगु मतगणनाय् राष्ट्रिय स्वतन्त्र पार्टी व हाम्रो नेपाली पार्टी न्ह्यने लानाच्वंगु दु।

डल्लुइ गीता माता स्कूलय् जुयाच्वंगु मतगणनाय् स्वतन्त्र पार्टीया उम्मेदवार विराजभक्त श्रेष्ठ व हाम्रो नेपाली पार्टीया उम्मेदवार सुमन सायमी न्ह्यने लानाच्वंगु दु ।

आः अन वडा नं. १३ व १९ या मतगणना जुयाच्वंगु दु। आःतक तुतां चिं कयाच्वंम्ह सायमीं १८ सय ५२ मत काःगु दु सा गं चिं कयाच्वम्ह विराजभक्तं १६ सय ७३ मत हःगु दु।

अथेहे नेकपा एमालेया उम्मेदवार शिवसुन्दर राजवैद्यं ८५७ मत व सत्ता गठबन्धनया उम्मेदवार एकीकृत समाजवादीया उम्मेदवार जीवनराम श्रेष्ठं ६७० मत काःगु दु।

येँ क्षेत्र नम्बर–७ य् १ हजार ५४३ मतगणना याये धुकुगु दु ।

आःतक राष्ट्रिय स्वतन्त्र पार्टी (रास्वपा)या गणेश पराजुली  ३७५ मत हःगु दु सा नेकपा (एमाले)या श्यामकुमार घिमिरे न ३०६ मत हःगु दु।

अथेहे नेकपा (माओवादी केन्द्र) या मानुषी यमी भट्टराई न २९३ मत हःगु दु।