शेयर बजाः थौं थहावंगु दु। शेयर बजाः परिसूचक नेप्से थौं बिहीवाः १५ दशमलव ४४ अङ्कं थहावना २ हजार १ सय २७ दशमलव ४२ विन्दुइ थ्यःगु दु।

दोहोरो अङ्कं बजाः थहावना निर्जीवन बीमा, उत्पादन व मेमेगु मेमेगु बाहेक दक्को समूहया शेयर थहावःगु दु। थौं कारोबाः ल्याः व रकम न थहावःगु दु।

२२१ कम्पनीया १ करोड १९ लाख ५५ हजार कित्ता शेयर ४ अर्ब ९७ करोड ६४ लाख रुपैयाँ न कारोबार जुगु दु। दकलय् अप्पो अरुण काबेली जलविद्युत् कम्पनीया झन्डै १८ करोड व शिवम् सिमेन्टया १५ करोड ८६ लाख रुपैयाँ शेयर किनबेच जुगु दु।

थौं विन्ध्यवासिनी हाइड्रो विकास कम्पनी व राष्ट्र उत्थान लघुवित्तया शेयर १० प्रतिशतं थहावना सकारात्मक सर्किटय् थ्यःगु दु। अथेहे हिमालयन पावर पार्टनर व एक्सेल डेभलपमेन्ट बैंकया शेयर साढे ९ प्रतिशतं स्वया अप्पो थहावःगु दु।

समग्र बजाः थहावःसा राधी जलविद्युत्, बलेफी हाइड्रो व ग्रीन भेन्चर्स कम्पनीया शेयर धाःसा झन्डै ४ प्रतिशतया दरं घटे जुगु दु।

स्वनिगःया फोहोर वांछ्वयेगु थाय् सिसडोल–बञ्चरेडाँडा ल्यान्डफिल साइटय् फोहोर वांन्छ्वयेगु बन्द यायेगु धका स्थानीयवासीपिन्स घोषणा याउगु दु।

बिहीबार पत्रकार सम्मलेन यासे बञ्चरेडाँडा ल्यान्डफिल साइट सरोकार समितिं १ भदौनिसे न्ह्यावलयेया निति स्वनिगःया वां छ्वयेगु बन्द यायेगु धका घोषणा याउगु दु।

महानगरं सम्झौता कथं ज्या मयाउगु, स्वनिगलं मेमेगु थाय् ल्यान्डफिल साइट स्वया बञ्चरेडाँडा च्वपिन्त बेवास्ता यायेत स्वंगु धासे समितिं फोहोर वांन्छ्वयके मबिइगु धका घोषणा यासा सरोकार समितिया संयोजक श्रीराम ढुंगानां जानकारी बिउगु खः।

समितिं थुगु विषय प्रधानमन्त्री कार्यालय, सहरी विकास मन्त्रालययात न जानकारी बियाउगु दु धका धाउगु दु। सरकारनाप १ भदौनिसे फोहोर वांछ्वयेत निगु जक विकल्प दु धका धाउगु दु।

ढुंगानां धाउगु दु, ‘मानबस्तीरहित ल्यान्डफिल साइट विकास क्षेत्र वा फोहोरमैला प्रदूषणरहित मानवबस्ती विकास क्षेत्र मध्ये सरकारं छगु जक ल्यये दइ। बञ्चरेडाँडाया मनू तयेगु जिउधनया रक्षा यायेगु, जिमिगु माग पूरा यायेगु ग्यारेन्टी यासा जक १ भदौनिसे फोहोर वांन्छ्वये दइ।’

भूमि, व्यवस्था व सहकारी मन्त्री शशी श्रेष्ठं प्रक्रिया मिचे याना थः हे केँहभतयात सरकारी नियुक्ति बिउगु दु।

मन्त्रालय अन्तर्गत साझा स्वास्थ सेवा सहकारी सञ्चालक समिति सदस्यय् थः हे केँहभत उर्मिला पोखरेलयात मन्त्री स्तरीय निर्णय याना नियुक्ति बिउगु दु।

सरकारी सेवाय् निदँ न्ह्यः जक सेवा अवकास काःम्ह उर्मिलायात मन्त्री श्रेष्ठं थः दाजु श्याम श्रेष्ठ सल्लाहकार दुगु विकल्प सहकारी संस्थापाखे ‘नक्कली’ अनुभवपत्र दयका नियुक्त यायेवं आलोचना जुगु दु।

मन्त्री श्रेष्ठं थ्व स्वया न्ह्यः न नक्कली प्रमाणपत्र दुम्ह माधवप्रसाद तिमिल्सिनायात सहकारी बोर्डय सदस्य नियुक्ति यायेवं प्रहरी केन्द्रीय अनुसन्धान ब्युरो न छानबिन याना मुद्दा न्ह्याकूगु खः।

राष्ट्रपति विद्यादेवी भण्डारीं प्यंगु देशया लागि नवनियुक्त नेपाली राजदूतपिन्त राष्ट्रपतिया कार्यालय, महारपजगञ्जय् छगु समारोहया दथुइ पद व गोपनीयताया शपथ बिउगु दु।

नवनियुक्त नेपाली राजदूतपि डा.दुर्गाबहादुर सुवेदी (जापान), दानबहादुर तामाङ  (गणतन्त्र दक्षिण अफ्रिका), डा.शर्मिला पराजुली (ढकाल) (स्पेन), मिलनराज तुलाधर (रुसी महासङ्घ) व प्राडा. राम स्वार्थ राय (डेनमार्क) न शपथ कयादीगु खः।

उगु ज्याझ्वलय् परराष्ट्रमन्त्री डा.नारायण खड्का लगायत नेपाल सरकारया उच्च पदस्थ अधिकारीपिनिगु न उपस्थिति दुगु खः।

राष्ट्रिय परीक्षा बोर्डं माध्यमिक शिक्षा परीक्षा एसइईया लिच्वः थौं सार्वजनिक याउगु दु।

थौं बुधबाः च्वंगु बोर्ड बैठकं लिच्वः सार्वजनिक यायेगु निर्णय याःगु खः। थ्व स्वया न्ह्यः कोरोना महामारीया कारण २ दँ आन्तरिक मूल्याङ्कनपोखं लिच्वः सार्वजनिक यागु जुसाः नं थुगसिइ बोर्डं ब्वमिपिनिगु भौतिक उपस्थितिइ जाँच काउगु खः।

वंगु वैशाख ९ गतेनिसें २० गतेतक जूगु जाँचय् ५ लख १४ दवः ९७७ ब्वमित सहभागी जूगु खः। एसइईया लिच्वः बोर्डया वेबसाइट नापं एसएमएस व आइभीआरपाखें नं स्वयेफइगु व्यवस्था यागु दु।

नेपाल टेलिकमया १६०० नम्बरय् एसएमएस यानाः वा www.see.gov.np य् वनाः थःगु सिम्बोल नम्बर तयाः नं लिच्व स्वयेफइ ।

अथेहे मेगु थीथी माध्यमं नं लिच्वः स्वयेफइगु बोर्डं धका धागु दु।