यलय् स्वगु हे निर्वाचन क्षेत्रय् नेकपा एमालेया प्रारम्भिक मतगणनाय् न्ह्यने लानाच्वंगु दु। यल–१ य् नवराज सिलवाल न्ह्यने लाःगु दु।

सिलवालं ६६७ मत हःगु दु सा नेपाली कांग्रेसया उदयशमशेर जबरां ४०१ मत हःगु दु सा राष्ट्रिय पार्टीया सचिनकुमार घिमिरे न ९३ मत काःगु दु।

अथेहे यल–२ य् एमालेया हे प्रेमबहादुर महर्जन न्ह्यने लानाच्वंगु दु। महर्जनं १,३१७ मत हःगु दु सा हाम्रो नेपाली पार्टीया सुदिन शाक्यं १०९७ मत व राप्रपाया बुद्धरत्न महर्जनं ७९० मत हःगु दु।

अथेतु, यल–३ य् एमालेया अमृत खड्का न्ह्यने लानाच्वंगु दु । खड्कां ७५७ मत, स्वतन्त्र राष्ट्रिय पार्टीया उम्मेदवार तोसिमा कार्की नं २८६ व सत्ता गठबन्धनया उम्मेदवार पम्फा भुसालं १०९ मत काःगु दु।

येँ क्षेत्र नं ७ य् राष्ट्रिय स्वतन्त्र पार्टीया उम्मेदवार प्रारम्भिक मतगणनाय् न्ह्यने लाःगु दु।

उगु पार्टीया उम्मेदवार गणेश पराजुलीं आःतक १७७ मत हया न्ह्यने लानाच्वंगु दु।

अथेहे एमालेया श्याम घिमिरे न ९३ व माओवादी केन्द्रया उम्मेदवार मानुषी यमीं ७५ मत हःगु दु।

चःह्र जुगुलि पशुपतिइ मत च्याकिइपि हुल जुगु दु।

थौं त्रयोदशीया दिं सुथय् भक्तजनपि मुना विधिपूर्वक मदुपिया नामय् मत च्याकिइगु खः। त्रयोदशीया बहनि मदुगुपिगु नामय् अखण्ड महादीपदान यासे भक्तजनपिन्सं चःह्रया सुथनिसे मदुपि छेँ जःपिनिगु नामय् बाला ह्वलेगु याइ।

थौं चान्ह्यःनिसे भक्तजनपिन्स मदुपिनिगु नामय् वा, छ्वं, हाम्वं, जौं, चना, कःनि, कागुनो मिले याना पशुपति जःखः ह्वलेगु याइ।

सच्छिगु च्याःगु शिवलिङ्ग, कैलाश, सूर्यघाट, गौरीघाट, आर्यघाट, गुह्येश्वरी, पशुपति, मृगस्थली, विश्वरूप व किराँतेश्वरय् बाला ह्वलेगु याइ ।

ख्वप क्षेत्र नम्बर २ य् नेपाली कांग्रेसया दुर्लभ थापा प्रारम्भिक मतगणनाय् न्ह्यने लागु दु।

थापां २ हजार २३० मत हया न्ह्यने लानाच्वंगु दु ।

अथेहे नेकपा एमालेया महेश बस्नेतं १ हजार ६३२ मत हःगु दु सा  राप्रपाया मोहन केसीं १२३ मत हःगु दु।

मतगणनाय् नेकपा एमाले न्ह्यने खनेदुगु दु। अथेअ‍े ल्यु हाम्रो नेपाली पार्टीया उम्मेदवार वयाच्वंगु दु।

थौं सुथय् ६ः३० बजेया मतगणना कथं नेकपा एमालेया उम्मेदवार प्रेमबहादुर महर्जन १३६७ मत कया न्ह्यने लानाच्वंगु दु ।

हाम्रो नेपाली पार्टीया सुदिन शाक्य १०९७ मत, सत्ता गठबन्धनया उम्मेदवार एकीकृत समाजवादीया कृष्णलाल महर्जन ८७७, राष्ट्रिय स्वतन्त्र पार्टीया बुद्धरत्न महर्जनं ७९० व राप्रपाया उम्मेदवार रघुवर राज थापां ६७६ मत हःगु दु।