Display Style:
Column Style
येँ महानगरया मतगणना सुरु
लहनान्युज | बछलाथ्व त्रयोदशी ११४२, बैसाख ३१ सनिवाः
येँ महानगरया मतगणना सुरु जुगु दु। राष्ट्रिय सभागृहय् थौं सुथय् ९ बजेनिसे मतगणना सुरु जुगु दु।
येँ महानगरपालिका वडा नम्बर–१ नक्सालनिसे मतगणना सुरु जुगु दु धका जिल्ला निर्वाचन अधिकृत प्रेमप्रसाद पौडेलं जानकारी बिउगु दु।
येँ महानगरपालिकाय् छु ई लिपा मतगणना सुरु जुइगु
लहनान्युज | बछलाथ्व त्रयोदशी ११४२, बैसाख ३१ सनिवाः
स्थानीय तह निर्वाचन अन्तर्गत येँ महानगरपालिकाय् छु ई लिपा मतगणना सुरु जइत्यःगु दु।
मतगणनया लागि मतपेटिका चायेके धुकुगु दु।
किपू नगरपालिकाय् काँग्रेस न्ह्यने
लहनान्युज | बछलाथ्व त्रयोदशी ११४२, बैसाख ३१ सनिवाः
किपू नगरपालिका जुयाच्वंगु मतगणनाय् काँग्रेस न्ह्यने लागु दु।
१ हजार मत गणना जुगुलि कांग्रेसया प्रमुख पदया उम्मेदवार राजकुमार नकर्मी न ४२७ हःगु दु सा एमालेया केशरत्न बज्राचार्य न २८० मत हःगु दु।
अथेहे माओवादी केन्द्रया शिवशरण महर्जनं ११७ व एकीकृत समाजवादीया बटुककृष्ण थापां २२ मत हःगु दु।
येँ महानगरया मतगणना आःतक सुरु मजुनि
लहनान्युज | बछलाथ्व त्रयोदशी ११४२, बैसाख ३१ सनिवाः
येँ महानगरपालिकाय् अय्न मतगणना सुरु जुगु मदुनि।
थौं सुथय् ८ बजेनिसे मतगणना सुरु जुइ धका धासा आःतक मजुनि। स्वतन्त्र उमेदवारया प्रतिनिधि तयेगु विषय चान्ह्य तक न विवाद जुयाच्वंगु खः।
महानगरपालिकाया वडा नम्बर १ व ३२ या मतगणना सुरु जुइ धका धाउगु दु।
बुढानीलकण्ठ नगरपालिकाया वडा नं. १ य् नेकपा एमालेया उम्मेदवार निर्वाचित
लहनान्युज | बछलाथ्व त्रयोदशी ११४२, बैसाख ३१ सनिवाः
बुढानीलकण्ठ नगरपालिकाया वडा नं. १ य् नेकपा एमालेया उम्मेदवार सुरेन्द्र लामा निर्वाचित जुगु दु।
लामां ८४५ मत हया निर्वाचित जुगु खः। वयकःया निकटतम प्रतिस्पर्धी कांग्रेसया उत्तमकुमार खड्कां ४७३ मत हःगु खः।
