लुँया भाः थौं तोलां सच्छि कुहावंगु दु धका नेपाल सुनचाँदी व्यवसायी महासंघं धाउगु दु।

लुँ तोलां सच्छि कुहावया थौं ९४ हजार ४०० रुपैयाँ तोके याउगु दु सा तेजाबी लुँ तोलां ९३ हजार ९ सय रुपैयाँ तोके याउगु दु धका महासंघं धाउगु दु।

अथेहे, थौं वहःया भाः धाःसा स्थिर जुया ११ सय ५५ रुपैयाँ न हे कारोवार जुगु दु धका महासंघं धाउगु दु।

राप्ती हाइड्रो एण्ड जनरल कन्स्ट्रक्सन लिमिटेडया धितोपत्रको प्राथमीक सार्वजनिक निष्कासन (आईपीओ) बाँडफाँट जुगु दु।

बिक्री प्रबन्धक सिद्धार्थ क्यापिटलं थौं सोमबाः सुथय् कम्पनीया आईपीओ बाँडफाँट याउगु दु। कम्पनीं २९ असार निसे १ साउन तक सर्वसाधारणया लागि २३ लाख ६६ हजार २ सय ४० कित्ता आईपीओ विक्री खुल्ला याउगु खः।

सार्वजनिक निष्कासन याउगु कुल सेयरमध्ये १ लाख १८ हजार ३ सय १२ कित्ता सामुहिक लगानी कोषया लागि छुटे याउगु खः। अथेहे ७० हजार ९ सय ८८ कित्ता सेयर कम्पनीया कर्मचारीपिन्त छुटे याउगु खः।

ल्यःदनिइगु २१ लाख ७६ हजार ९ सय ४० कित्ताया लागि सर्बसाधारणपाखे आवेदन माग याउगु खः। उगु सार्वजनिक निष्कासनय् १४ लाख ९१ हजार ७ सय २२ म्हेसिगु पाखे १ करोड ६२ लाख ७६ हजार ६ सय १० कित्ताया आवेदन जुगु खः।

उकि मध्ये १४ सय २४ म्हेसिगु आवेदन रद्द जुगु खःसा १४ लाख ९० हजार २ सय ९८ म्हेसिगु आवेदपिनिगु आवेदन सदर जुगु धका बिक्री प्रवन्धक सिद्धार्थ क्यापिटलं धाउगु दु।

मन्दाकिनी हाइड्रोपावर लिमिटेडं थौं ९ साउन सोमबाःनिसे सर्वसाधारणया लागि धितोपत्रया प्राथमिक सार्वजनिक निष्कासन–आईपीओ) विक्री खुल्ला याउगु दु।

कम्पनीं आयोजना प्रभावित क्षेत्रया स्थानीयपिन्त आईपीओ निष्कासन याये धुका सर्वसाधारणया लागि निष्कासन खुल्ला याउगु खः।

प्रतिकित्ता १०० रुपैयाँ अंकित ११ करोड ७६ लाख ७ हजार ३०० रुपैयाँ बराबरया ११ लाख ७६ हजार ७३ कित्ता साधारण सेयर निष्कासन याउगु दु। निष्कासन याउगु कुल सेयर मध्ये ५ प्रतिशत अर्थात ५८ हजार ८०३ कित्ता सामूहिक लगानी कोषया लागि व २ प्रतिशत अर्थात २३ हजार ५२१ कित्ता सेयर कर्मचारीपिन्त आरक्षित याउगु दु।

सर्वसाधारण लगानीकर्तापिन्स बाँकी दुगु १० लाख ९३ हजार ७४८ कित्ताया लागि सर्वसाधारणपिन्स आवेदन माग याउगु खः। कम्पनीें आईपीओ याकन १२ साउन तक ज उगु इलय् न पर्याप्त आवेदन मवःसा आवेदन बिइगु ई २३ साउन गते तक तयातःगु दु।

लगानीकर्तान्सि न्यूनतम १० कित्तानिसे अधिकतम १ लाख कित्ता सेयरया लागि आवेदन बिइ फइ। कम्पनीं कास्की जिल्लाया माछापुच्छ्रे गाउँपालिकाय् ४ मेगावाट क्षमताया सार्दिखोला जलविद्युत् आयोजना निमार्णयाना उत्पादन यानावयाच्वंगु दु।

सिन्धुपाल्चोकय् थौं सुथय् भुखाय् ब्बःगु दु।

थौं सुथय् ६ बजे जिल्लाया हेलम्बुइ केन्द्रविन्दु जुया भुखाय् ब्बःगु दु धका राष्ट्रिय भूकम्प मापन तथा अनुसन्धान केन्द्रं धाउगु दु।

केन्द्रया सहायक प्राविधिक राजेश शर्माया कथं ४.७ म्याग्नेच्युडया भुखाय् ब्बःगु दु धका धाउगु दु।

सिन्धुपाल्चोक नाप जःखः जिल्लाय् तक भुखाय् ब्बःगु महसुस जुगु दु।

नेपाली वाङ्मयय् थकायेगु ज्या यानावया च्वंगु नइ प्रकाशनं शनिबाः २५ म्हेसित सिरपा व सम्मान याउगु दु।

उगु प्रकाशनं विसं २०७८ या ‘नइ देरुनीख अन्तर्राष्ट्रिय पुरस्कार’ व निगु लाख नगद प्राध्यापक मोहन सिटौलायात लःल्हागु खः। समालोचक प्राडा वासुदेव त्रिपाठीं सम्मान याउगु खः।

अथेहे १ लाख राशिया ‘नइ भावी पुरस्कार’ डा भोला रिजालयात लःल्हाःगु खः। नइ प्रकाशनं १ लाख राशिया हे ‘नइ कीर्तिनिधि पुरस्कार’ भैरव रिसालयात ‘नइ ईश्वर बराल पुरस्कार’ प्रा डा दयाराम श्रेष्ठयात, ‘नइ भूपालदुर्गा पुरस्कार’ कलाकार सन्तोष पन्तयात, ‘नइ देरुनीख सुकीर्ति पुरस्कार’ प्रा डा सुरेशराज शर्मालयात, ‘नइ भाजप पुरस्कार’ डा रामदयाल राकेशयात लःल्हागु खः।

अथेहे प्रकाशनं १ लाख राशिया ‘नइ चन्द्रधन पुरस्कार’ पाखे प्राडा माधव भट्टराई, ‘नइ कोइलीदेवी पुरस्कार’ पाखे प्रेमविनेद नन्दन, ‘नइ गणेशदुर्गा अन्तर्राष्ट्रिय पुरस्कार’ छविलाल उपाध्याययात सम्मान याउगु खः।

अथेतु, प्राडा विजया पन्तयात नइ देरुनीख प्रदीप्ति, गङ्गा लिगलयात नइ रेखा, नारा जोशीयात नइ बुलु शर्मा, ठाकुर वेलबासेयात नइ देरुनीख गौरव, भक्ति शाहयात नइ रामलक्ष्मी, कृसा महर्जनयात नइ देरुनीख पौरख, सम्पदा दुलालयात नइ देरुनीखपू बाल बहुआयामिक, विभूति अधिकारीयात नइ देरुनीखपू बाल साहित्य व रिकिस्ना डङ्गोलयात नइ देरुनीखपू बाल चित्रकला सिरपा लःल्हाःगु खः।

अथेहे ‘नइ देरुनीखपू बाल सङ्गीत पुरस्कार’ सन्देश पौडेलयात, ‘नइ देरुनीखपू बाल नृत्य पुरस्कार’ राशु पन्तयात, ‘नइ देरुनीखपू बाल खेलकुद पुरस्कार’ नयना शाक्ययात, ‘नइ देरुनीखपू कोपिला नृत्य पुरस्कार’ सिचु मानन्धरयात, ‘नइ देरुनीखपू कोपिला नृत्य पुरस्कार’ नासिका ठकुरीयात व ‘नइ देरुनीखपू चिचिला पुरस्कार’ श्रीना महर्जनयात लःल्हाःगु खः।

नेपाली वाङ्मययात थकायेगु लागि २०५२ साल माघ १५ गते नइ प्रकाशनया स्थापना जुगु खः।