स्वनिगलय् हैजा पुष्टि जूपि २७ म्ह थ्यःगु दु धका स्वास्थ्य तथा जनसङ्ख्या मन्त्रालयं धाउगु दु।

कागेश्वरी मनहरा–६ य् स्वम्ह व यल महानगरपालिकाया हरिसिद्धिइ छम्ह थप जुया २७ म्ह थ्यःगु दु धका इपिडिमियोलोजी नाप रोग नियन्त्रण महाशाखाया  प्रमुख डा. चुमनलाल दासं धाउगु दु।

थ्व स्वया न्ह्यः हैजा पुष्टि जुपि झीन्हु तक अस्पताल भर्ना जुया उपचार लिपा छेँ लिहावंगु दु।

नेपाःया लागि भारतीय राजदूत नविन श्रीवास्तवं जंगीअड्डा वना प्रधानसेनापति प्रभुराम शर्मायात नापलाउगु दु।

म्हिगः शुक्रबाः नेपाली सेनाया मुख्यालय जंगीअड्डा वना वयकलं प्रधानसेनापति शर्मायात नापलाउगु खः।

शर्मा न नेपाः व भारत सीमाय् नियमन यायेमाःगु धका नेपाःया लागि भारतीय राजदूत श्रीवास्तव जंगीअड्डा वउगु खः। तर थुगु नापलायेगु ज्या सामान्य शिष्टाचार जक खः धका जंगीअड्डां धाउगु दु।

येँ महानगरपालिकां ¥याप गायक यमबुद्धया सालिक तइगु जुगु दु।

महानगरपालिकां वइगु आर्थिक वर्षया बजेटय् मदुम्ह ¥यापर यमबुद्धया सालिक निर्माण यायेगु निति बजेट विनियोजन याउगु दु। महानगरपालिया स्रोतया कथं करिब १५ लाख रुपैयाँ यमबुद्धया सालिक निर्माणया लागि विनियोजन याउगु दु।

महानगरया मेयर बालेन साहया सचिवालय कथं ‘हिपहप व नेपहप जेनरा’ यात श्रीवृद्धि याउगु योगदानया कदर यासे यमबुद्धया सालिक निर्माण यायेत्यनागु धका धाउगु दु। यमबुद्धया सालिक गन स्थापना याइगु धका धासा सिइमदुनि।

येँ महानगरपालिकाय् न्यायिक समितिं पूर्णता जुगु दु। महानगरया उपमेयर सुनिता डंगोलया संयोजकत्वय् स्वम्ह सदस्यीय समिति निर्विरोध ल्यउगु खः।

स्थानीय सरकार सञ्चालन ऐन कथं उपमेयरया संयोजकत्वय् न्यायिक समिति गठन जुगु खः।

महानगरपालिकाया नगरसभा सदस्य कुश ढकाल व आशा श्रेष्ठ रौनियार न्यायिक समिति सदस्य निर्वाचित जुगु खः।

महानगरया मेयर बालेन्द्र साह(बालेन) न सपथ ग्रहण याकूगु खः।

राष्ट्रपति विद्यादेवी भण्डारीं थौं शुक्रबाः स्वंगु देशया लागि नेपाली राजदूत नियुक्त याउगु दु।

मन्त्रिपरिषदया सिफारिसय् राष्ट्रपति भण्डारीं ओमान, साउदी अरेबिया व श्रीलंकाया लागि नेपाली राजदूत नियुक्त याउगु दु।

ओमानया लागि नेपाली राजदूतय् डोरनाथ अर्याल, साउदी अरेबियाया लागि नेपाली राजदूतय् नवराज सुवेदी व श्रीलंकाया लागि नेपाली राजदूतय् वासुदेव मिश्र नियुक्त याउगु दु धका राष्ट्रपति कार्यालयं धाउगु दु।