वंगु २४ घण्टाया दुने देयन्यक ९८ म्हेसित कोरोना भाइरस संक्रमित जुगु दु।

देयन्यक २ हजार १५४ गु नमुना परीक्षण याउगुलि ९८ म्हेसित संक्रमण पुष्टि जुगु खः।

अथेह २७ म्ह संक्रमणमुक्त जुगु दु।

सेयर बजार नेप्से परिसूचक १.७१ प्रतिशतं घटे जुगु दु। शुक्रबाः नेप्से ३४.७१ अंक घटे जुया १९९२.६१ बिन्दुइ बन्द जुगु दु।

नेप्से नाप दक्को उपसूचक न घटे जुगु दु। व्यापार, होटल नाप पर्यटन व वित्त कम्पनी उपसूचक ३ प्रतिशत स्वया अप्पो घटे जुगु दु।

शुक्रबाः १ अर्ब १६ करोड ८४ लाख ५१ हजार रुपैयाँ न कारोबार जुगु दु। शिवम् सिमेन्टया सर्वाधिक ५ करोड ५९ लाख ८४ हजार कारोबार जुगुलि युनाइटेड इदी मार्दी एण्ड आरबी हाइड्रोपावर कम्पनीया ३ करोड ९७ लाख ६७ हजार कारोबार जुगु दु।

थौं शुक्रबाः बजारय् १९० कम्पनीया सेयर कारोबार जुगुलि १७६ कम्पनीया सेयर भाः कुहावंगु खःसा १४ कम्पनीया सेयर भाः थहावंगु दु। ग्लोबल आईएमई समुन्नती स्किल १, नबिल स्किल फण्ड लगायतया  भाः थहावंगु दु।

हिमालयन उर्जा विकास कम्पनीया सेयर भा दकलय् अप्पो ५.४४ प्रतिशतं कुहावंगु दु सा बलेफी हाइड्रो पावर, हिमाल दोलखा हाइड्रो पावर, बेष्ट फाइनान्स लगायत कम्पनीया सेयर भाः घटे जुगु दु।

पब्लिकेसन नेपालय न प्राचीन हिति प्रणालीइ च्वयातःगु पद्मसुन्दर जोशीया वृहत् अनुसन्धनात्मक कृति ‘हिति प्रणाली’ प्रकाशित याउगु दु।

यल महानगरपालिकां बुधबाः छगु ज्याझ्वलय् स्वनिगःया नगरप्रमुख, जनप्रतिनिधि, योजनाविद्, सम्पदा संरक्षण अभियानकर्ता दथुइ ’हिति प्रणाली’ सफू लोकार्पण याउगु दु।

उगु ज्याझ्वलय् च्वमि पद्मसुन्दर जोशीं यल महानगरया मेयर चिरीबाबु महर्जन व नेपाल विज्ञान तथा प्रविधि प्रतिष्ठान (नास्ट) या उपकुलपति सुनिल बाबु श्रेष्ठयात सफू लःल्हागु खः।

कन्ह्यः छगु ज्याझ्वः दथुइ निम्हेसित “फोनिज–युके पत्रकारिता पुरस्कार“ लल्हाइगु जुगु दु।

नेवाः पत्रकार राष्ट्रिय दबया पुलाम्ह उपाध्यक्ष टिकाराम प्रधानयात “फोनिज युके पत्रकारिता सम्मान” दसिपौनाप २५ हजार नगद लल्हाइगु जुगु दु।

अथेहे मेम्ह पत्रकार निलिफा सुब्बायात “फोनिज युके पत्रकारिता पुरस्कार” दसिपौ नाप २५ हजार नगद लल्हाइगु ज्याझ्वः दु।

कन्ह्यः छगु ज्याझ्वः दथुइ माननिय रामबहादुर थापा मगर) न्हिनय्सिया ४ बजे तमु बौद्ध सेवा समितिया हलय् लःल्हाइगु जुगु दु।

वंगु २४ घण्टाया दुने देयन्यक थप ७८ म्हेसित कोरोना भाइरस संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं ३ हजार ५१५ म्हेसिगु परीक्षण यागुलि ७८ म्ह संक्रमण जुगु दु धका धाउगु दु।

उकि मध्ये १ हजार ३८४ म्हेसिगु पीसीआर परीक्षण याउगुलि ६० म्ह २ हजार १३१ म्हेसिगु एन्टिजेन परीक्षण याउगुलि १८ म्ह याना ७८ संक्रमण खनेदुगु धका मन्त्रालयं धाउगु खः।