वंगु २४ घण्टाया दुने देयन्यक थप १०२ म्हेसित कोरोना भाइरस (कोभिड–१९) या संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं देयन्यक २६१५ नमुना परीक्षण याउगुलि उलि संक्रमण पुष्टि जुगु खः।

थ्व नाप देयन्यक संक्रिय संक्रमितपि ६०५ म्ह थ्यःगु दु। १५३९ म्हेसिगु पीसीआर परीक्षणय् ७२ म्ह व १ हजार ७६ म्हेसिगु एन्टिजेन परीक्षणय् ३० म्ह याना १०२ म्हेसित संक्रमण पुष्टि जुगु दु।

नेपाल आदिवासी जनजाति पत्रकार महासंघ (फोनिज) युके शाखा न स्थापना याउगु फोनिज युके पत्रकारिता सम्मान व सिरपा निम्ह फोनिजकर्मी पत्रकारपिन्त लःल्हागु दु।

फोनिज युके पत्रकारिता सम्मान २०२२ पाखे पत्रकार टिकाराम प्रधान व फोनिज युके पत्रकारिता सिरपा २०२२ पाखे पत्रकार निलिफा सुब्बा लःल्हागु दु।

येँ जुगु छगु ज्याझ््वः दथुइ आदिवासी जनजाति आयोगया अध्यक्ष राम बहादुर थाप मगरं निम्हेसित सम्मान यानादिगु खः। निम्हेसित न दसिपौ नाप म्हति २५ हजार नगद सिरपा लःल्हागु खः।

फोनिज युके न सञ्चारक्षेत्रपाखे आदिवासी जनजाति समुदाय विकासया लागि च्वसा न्ह्याकाच्वपि पत्रकारपिनिगु लागि दँय् सिरपा लःल्हानाच्वंगु खः। उगु ज्याझ्वलय् न्ववानादीसे आदिवासी आयोगया अध्यक्ष राम बहादुर थापा मगरं आदिवासी जनजातिपिनिगु हकहित व अधिकार सुनिश्चिताया लागि फोनिजकर्मीपिनिगु तःधगु ल्हाः दु धका धयादीगु खः।

नेपाल आदिवासी जनजाति महासंघया अध्यक्ष गेल्जे लामा शेर्पा न थज्यागु सिरपा न आदिवासी जनजातिया मुद्दाय् च्वसा न्ह्याकिइगुलि प्रोत्साहन जुइ धका धयादीगस खः।

नेपाल आदिवासी जनजाति पत्रकार महासंघ (फोनिज) संघीय समितिया ग्वसालय् उगु सिरपा लल्हायेगु ज्या जुगु खः।

नेपाल आदिवासी जनजाति पत्रकार महासंघ (फोनिज) न स्वलातक संगठन सुदृढीकरण अभियान सञ्चालन याइगु जुगु दु।

फोनिजया म्हिगः शुक्रबाः जुगु संघीय समितिया स्वक्वःगु पूर्ण बैठकं साउन १ गतेनिसे असोज २७ गतेतक अभियान न्ह्याकेगु निर्णय याउगु खः।

अभियानया इलय फोनिजया जिल्ला व विदेश शाखा, प्रादेशिक समितिपिनिगु बैठक सञ्चालन, वार्षिक क्यालेण्डर निर्माण, प्रशिक्षण लगायत ज्या जुइ धका महासचिव मिलन लिम्बू न न्ह्यब्बःगु कार्ययोजनाय् उल्लेख याउगु दु।

अथेहे स्वलाया अभियान दथुइ फोनिजं थःगु सदस्यपिनिगु अभिलेखयात डिजिटलाइज याइगु जुगु दु। आः सदस्यताया लागि अनलाइन प्रणालीमार्फत आवेदन बिइगु व अनलाइनपाखे हे सदस्यता स्वीकृति लगायत प्रक्रिया कथं जुइत्यःगु दु।

नेपाल पत्रकार महासंघया संस्थापक अध्यक्ष सत्यनारायणबहादुर श्रेष्ठ हे कायम यायेत फोनिजं अभियानया झ्वलय् नेपाल पत्रकार महासंघया जिल्ला, प्रदेश व केन्द्रय् ज्ञापनपत्र लःल्हायेगु, संघं सञ्चार तथा सूचना प्रविधि मन्त्रालय व प्रदेश सरकारया सञ्चार स्वइगु मन्त्रालययात न ज्ञापनपौ लःल्हाइगु जुगु दु।

अथेहे अभियानया झ्वलय् फोनिजं नेपाल आदिवासी जनजाति महासंघ लगायत थीथी आदिवासी जनजातिपिनिगु संघसंस्था नाप अन्तरसम्बन्ध सुधारया लागि थीथी चरणया अन्तरक्रिया व छलफल यायेगु निर्णय याउगु दु।

बैठकं असोज २८ व २९ गते फोनिजया नीति नाप विधान सम्मेलन यायेगु निर्णय याउगु दु।

अपर हेवाखोला हाइड्रोपावर कम्पनी लिमिटेडं आईपीओ पिकाउगु दु।

कम्पनीया सर्वसाधारणया लागि जारी पूँजीया ३० प्रतिशतं जुइगु कथं १५ करोड तका बराबरया आईपीओ निष्कासन याउगु खः। छगु कित्ताया १०० रुपैयाँया १५ लाख कित्ता आईपीओ निष्कासन याउगु खः।

कम्पनीया सार्वजनिक निष्कासन याउगु सेयरमध्ये २ प्रतिशत अर्थात ३० हजार कित्ता सेयर कर्मचारीया लागि व ५ प्रतिशत अर्थात ७५ हजार कित्ता सेयर सामूहिक लगानी कोषयात सुरक्षित याउगु खः।

ल्यदनिइगु १३ लाख ९५ हजार कित्ता साधारण सेयर धितोपत्र निष्कासन व बाँडफाँट निर्देशिका, २०७४ कथं सर्वसाधारणया लागि निष्कासन यानाः बिक्री वितरण जुइगु कम्पनीइ धाउगु दु।

सर्वसाधारण लगानीकर्तापिन्त कम्पनीया आईपीओलय् न्युनतम १० कित्ता व अधिकतम १ लाख कित्तातकया लागि आवेदन बिइ फइ।

यल महानगरपालिकाया मेयर चिरीबाबु महर्जन कोरोना भाइरसया संक्रमण जूगु दु।

यल महानगरया प्रवक्ता राजु महर्जनं छगु विज्ञप्ति पिकया मेयर महर्जनयात कोरोना संक्रमण जूगु जानकारी बियादीगु खः।

वय्कः छेंय् आराम यानाच्वनादीगु धकाः विज्ञप्तिइ न्हयथनातःगु दु।