असं त्वालय् थौं न्हिनय् पायो पिहावइगु जुगु दु।

मेमेगुु त्वालय् दशमी कुन्हु पायो पिहावइगु खःसा असनय् च्वपिन्स दशमीकुन्हु सुलं च्वनाः एकादशि कुन्हु तिनि चालं यायेगु याइ।

असं त्वालय् उराँयपिन्स पायो पिकायेगु परम्परा दु। उगु पायो थौं हिनय् २ ताः इलय् असंया बाकुननी पायो पिहावइ।

मोहनीया चालं कुन्हु येँया थीथी थासं पायो पिहावःगु दु।

मोहनीया दशमी कुन्हु येँया यतखा त्वालं न पायो दु।

किपा पद्मसागर कक्षपतिया फेसबुकपाखे

मदिक्क वाःवया चित्तवनया नारायणी खुसिइ सतर्कताया तह पार जूगु दु।

जल तथा मौसम विज्ञान विभागया बाढी सूचना केन्द्रं थौं सुथय् ६ः२० बजे बिःगु जानकारी कथं देवघाट बाढी मापन केन्द्रय् लःया सतह सतर्कताया तह पार जूगु दु ।

नारायणी जलाधार क्षेत्रय् अझ न वाः वया च्वंगुलि लःया सतह अप्पोया वंगुलि उगु थासय् जोखिमया सम्भावना दु धका धाःगु दु।

नेकपा एमालेया अध्यक्ष केपी शर्मा ओलीं राष्ट्रपतिया ल्हातं मोहनीया सिन्हं टिगू दु।

थःगु जिल्ला झापां वया शीतल निवास वना मोहनीया सिन्ह टिगू खः। राष्ट्रपति विद्यादेवी भण्डारीं सर्वसाधरण नाप विशिष्टपिन्त मोहनीया सिन्ह टिकुगु खः।

निलम्बित प्रधानन्यायाधीश चोलेन्द्रशमशेर जबरा व कामु प्रधानन्यायाधीश हरिकृष्ण कार्की न राष्ट्रपतिया थाये मोहनीया सिन्ह टिनादीगु खः।

दच्छि छकः जक चाइगु तलेजु द्यःया थाय् भक्तजनपि दर्शन यायेत हुल जुगु दु।

थौं कौंलाथ्व नवमी कुन्हु येँया हनुमानध्वाकाय् च्वंगु तलेजु द्यःया सुथनिसे द्यः दर्शन यायेत हुल जूगु दु।