संस्कृति, पर्यटन व नागरिक उड्डयनमन्त्री जीवनराम श्रेष्ठं पदभार ग्रहण याउगु दु ।

राष्ट्रपति भवन शीतलनिवासय् पद व गोपनीयताया सपथ कायेधुंकाः सिंहदरबार थ्यंकाः मन्त्री श्रेष्ठं पदभार ग्रहण यानादीगु खः। पदभार ग्रहणलिसें मन्त्री श्रेष्ठं स्वयम्भूनिसें हनुमानध्वाखा तक सम्पदा पदमार्ग दयेकेगु ज्या न्ह्यःने यंकेगु धका न्हापागु निर्णय यासे ल्हाःचिं तःगु खः।

सरकारं वइगु आर्थिक दँया नितिं स्वयम्भू–हनुमानध्वाखा सम्पदा पदमार्गया नितिं बजेट फ्यायेधुंकूगु दु।

प्रधानमन्त्री शेरबहादुर देउवां मन्त्रिपरिषद पुनर्गठन याउगु दु। नेकपा एकीकृत समाजवादीपाखे सरकारय् सहभागी मन्त्रीपि हेरफेर याउगु दु।

एकीकृत समाजवादीपाखे नेतापि जीवनराम श्रेष्ठ संस्कृति पर्यटन तथा नागरिक उड्डयनमन्त्री, मेटमणि चौधरी शहरी विकास मन्त्री, शेरबहादुर कुँवर श्रम, रोजगार तथा सामाजिक सुरक्षामन्त्री, भवानी खापुङ स्वास्थ्य तथा जनसंख्या मन्त्री व हीरा केसी स्वास्थ्य तथा जनसंख्या राज्यमन्त्री दयकूगु दु।

राष्ट्रपति कार्यालयं थौं आइतबाः बहनि छगु विज्ञप्ति जारी यासे प्रधानमन्त्री देउवां मन्त्रिपरिषद पुनर्गठन याउगु दु धका उल्लेख याउगु दु।

नेकपा एकीकृत समाजवादीं २२ जेठय् मन्त्रीपिन्त लितः सःता न्हूपि मन्त्रीपि छ्वयेगु निर्णय याउगु खः।

बाग्मती प्रदेशया सांसद नाप पूर्व आन्तरिक मामिला तथा कानून मन्त्री डा. अजयक्रान्ति शाक्यं मूर्त–अमूर्त सम्पदाया संरक्षणय् थः निरन्तर लगे जुइ धका प्रतिवद्धता व्यक्त यानादीगु दु।

बाग्मती प्रदेश सरकारं विषयगत मन्त्रालय अन्तर्गत तत्कालीन उद्योग, पर्यटन, वन तथा वातावरण मन्त्रालयया लागि आर्थिक वर्ष २०७८–०७९ य् विनियोजित रुकम ५० लाखं येँया निर्वाचन क्षेत्र नं. ९ (क) अन्तर्गतय् येँ महानगरपालिका वडा १२, १४, २१ व २२ य् ४४ गु थीथी बाजं खलःपिन्त बाजं लल्हागु खः।

शाक्यया मूपाहाँसुइ प्यंगु वडाय् ४४ धिमे बाजं खलः, गुँला बाजं खलः, नायखिं बाजं खलः व भजनमण्डल नाप परम्परागत बाजं सञ्चालन याना वयाच्वपि खलःपिन्त मेधा नेपाल येँ महानगर २१ वडाया व्यवस्थापनय् उगु बाजं लःल्हागु खः।

शेयर बजाः थौं झन्डै ९५ अङ्कं थहावःगु दु। परिसूचक नेप्से ९४ दशमलव ९२ अङ्कं थहावना १ हजार ९ सय ५६ दशमलव ९८ विन्दुइ थ्यःगु दु।

थौं जलविद्युत्, विकास बैंक, बीमा, लघुवित्त व उत्पादन समूहया शेयर तसकं थहावंगु दु। २ सय ३० कम्पनीया ६३ लाख ६३ हजार कित्ता शेयरपाखे २ अर्ब १९ करोड ६१ लाख रुपैयाँ कारोबार जुगु दु।

दकलय् अप्पो कुमारी बैंक, हिमालयन डिष्टीलरी व ङादी गु्रप पावर कम्पनीया ८ करोड रुपैयाँ स्वया अप्पो कारोबार जुगु खः। थौं २३ गु कम्पनीया शेयर १० प्रतिशतं थहावःना सकारात्मक सर्किटय् थ्यःगु दु।

न्यागु म्युचल फन्ड कम्पनी शेयर थौं सामान्य कथं घटे जुगु दु। बाँकी २ सय २५ गु कम्पनीया शेयर थहावंगु दु।

यलय् थौंनिसे पानीपुरी व चटपट विक्री वितरणय् रोक लगे यायेगु दु।

पानीपुरीइ प्रयोग याइगु लखं हैजाय् जिवाणु लुगु धासे यल महानगरपालिकां पानीपुरी विक्रीइ प्रतिबन्ध तःगु खः।

पानीपुरी ममिइत इनापयासे ‘महानगर दुने सतक व गल्लीइ माइकिङ यासे पानीपुरी ममिइत धयागु दु’, नगर प्रहरी प्रमुख सीताराम हाथेछु न धाउगु दु।

यदि सुना न पानीपुरी व चटपटे बिक्री वितरण याउगु खनकि कारबाही जुइ धका धाउगु दु। अथेहे रेष्टुरेन्ट व होटलय् न पानीपुरी मिइ दइमखु धका धाउगु दु।