सहरी विकास मन्त्री रामकुमारी झाँक्री न राजीनामा बिउगु दु।

थौं मन्त्रालय छगु पत्रकार सम्मेलन यासें राजीनामा बिउगु खः।

नेकपा एकीकृत समाजवादी न मन्त्री हिलेगु निर्णय यायेवं झाँक्री न राजीनामा बिउगु खः।

संस्कृति, पर्यटन तथा नागरिक उड्डयनमन्त्री प्रेम आले न राजीनामा बिउगु दु।

नेकपा एकीकृत समाजवादीया सांसद मन्त्री आले न थौं आइतबाः सनिलय् मन्त्रालयय् छगु पत्रकार सम्मेलनयासे थःगु पदपाखे राजीनामा बिउगु दु। करिब गुलां तक मन्त्री जुया आले न थौं हे पार्टी केन्द्रीय कार्यालय वना राजीनामा पौं बुझे याउगु खः।

नेकपा एकीकृत समाजवादीं सरकारय् दुपि मन्त्री लितः सःता न्हुपि मन्त्री छ्वयेत्यःगु खः।

आले न शुक्रबाm पार्टीया पोलिटब्यूरो बैठकय् ४८ घन्टा दुने थःम्हेसिया मन्त्री पदं राजीनामा बिइ धका धयादीगु खः।

सुदर्शन देवकोटा स्मृति निक्वःगु राष्ट्रिय स्वास्थ्य पत्रकारिता पुरस्कार २०७९ पाखे नागरिक दैनिकया स्वास्थ्य पत्रकार पवित्रा सुनारयात लल्हागु दु।

निगु दशकनिसे पत्रकारितामा ख्यलय् सक्रिय सुनारयात हनापौ नाप ३० हजार रुपैयाँ लल्हागु दु।

सुदर्शन शारदा देवकोटा स्मृति फाउन्डेसनं स्वास्थ्य पत्रकार मञ्च नेपालनाप  सहकार्ययाना वंगु दँय् सिरपाः स्थापना यासे लःहागु खः।

स्वास्थ्य तथा जनसंख्या राज्यमन्त्री भवानीप्रसाद खापुङ व फाउन्डेसनया अध्यक्ष डा. सुधा देवकोटां सुनारयात सिरपाः लःल्हागु खः।त

मोतिलानी सिरपाः समितिं लिपाँगु निगु दँ नेपालभाषा विषयस दक्कलय् अप्वो ल्याः हया छक्कवलं उत्तीर्ण जुपिं ब्वमिपिन्त मोतिलानी सिरपाः लःल्हागु दु।

निँन्ह्यद निसेँ मदिक्क न्हानाच्वंगु मोतिलानी पुरस्कार मदुम्ह मोतिलानी ताम्राकारं स्थापना यानादिगु खः। कोभिडया हुनिँ निदँ सिरपा ज्याझ्वः मजुगु खः।

उकिं थुसिइ ने.सं. १९३९ व १९४० य् नेपालभाषा विषय एसइइ, डिप्लोमा व मास्टर्सय् न्हापा लापिं ब्वमिपिन्त मंकाः कथं मोतिलानी सिरपा लःल्हागु खः।

मोतिलानी सिरपाः समितिया अध्यक्ष प्रा.प्रेमशान्ति तुलाधर व नेपालभाषा केन्द्रीय विभागया प्रमुख स.प्रा.डा. राजनलाल जोशीं एसइइस न्हापा लापिं सुमिता राजभण्डारी (जगतसुन्दर ब्वनेकुथि), सदिक्षा महर्जन (जगत सुन्दर ब्वनेकुथि), बिएलय् दक्कलय् अप्वः ल्याः हपिं निसा प्रधान (पाटन सयुक्त क्याम्पस), प्रमिला चित्रकार (पाटन संयुक्त क्याम्पस) व एम ए परिक्षाय् उत्कृष्टजुपिें कविन श्रेष्ठ (नेपालभाषा केन्द्रिय विभाग) व प्रजित शाक्य (नेपालभाषा केन्द्रिय विभाग) यात लल्हागु खः। एसइइ, बिए व एमए परिक्षाय् न्हापालापिं ब्वनामिपिन्त म्हतिं ६ हजार, ८ हजार व १० हजार रुपियाँ लल्हागु खः।

अथेहे ज्याझ्वःलय् थ्वः सिरपाःया नितिं दय्कातःगु अक्षयकोषया नितिं मदुम्ह मोतिलानीया काय् सुवर्णरत्न ताम्राकारं निगु लाख व म्ह्याय्पिं नारायणदेवी तुलाधर व ज्ञानी सरोज तुलाधरं ५०–५० हजार बियादिल।

प्रतिनिधि सभाया बैठक थौं च्वनिइगु जुगु दु। थौं न्हिनय् १ बजे च्वनिइगु बैठकय् लोक सेवा आयोग विधेयक २०७५ य् राष्ट्रिय सभापाखे संशोधनय् बिचाः यायेत धका प्रस्ताव प्रस्तुत याइगु सम्भावित कार्यसूचीइ दु।

राष्ट्रिय सभामा उत्पत्ति जुगु नीति अनुसन्धान प्रतिष्ठान विधेयक २०७६ य् विचाः यायेत प्रस्ताव न्ह्यब्बइगु मेगु  सम्भावित कार्यसूची दु। थुगु प्रधानमन्त्री शेरबहादुर देउवाया पाखे प्रतिनिधि सभाय् थुगु निगु हे प्रस्तुत याइगु जुगु दु।

थ्व स्वया न्ह्यः प्रधानमन्त्रीपाखे लोक सेवा आयोगं ६२ क्वःगु बाषिर्क प्रतिवेदन पेश याइ। अथेहे वन तथा वातावरण मन्त्री रामसहाय प्रसाद यादवं ग्लोबल ग्रिन ग्रोथ इस्टिच्युटया सहभागीतामुलक सदस्यया रुपं सदस्यता प्राप्त याइगु स्वीकृति प्रदान यायेगु सम्बन्धी सम्झौताय् सामान्य छलफल यायेत प्रस्ताव प्रस्तुत याइगु सम्भावित कार्यसूची तक दु धका संघीय संसदया सचिवालयं धाउगु दु।