नेकपा एमालेपाखे बाग्मती प्रदेश सभा सदस्यय् निर्वाचित विजय सुवेदीं पदपाखे राजीनामा बिउगु दु।

थ्व हे वैशाख ३० गते जुइगु पालिका चुनावय् उम्मेदवार जुइत सुवेदीं प्रदेश सांसद पदपाखे राजीनामा बिउगु दु। थौं बिहीवाः बाग्मती प्रदेश सभाया सभामुख सानुकुमार श्रेष्ठयात राजीनामा बुझे याउगु दु।

नेकपा एमाले न सुवेदीयात चितवनया भरतपुर महानगरपालिकाया मेयर पदय् दनिइगु तयारी याउगु खः।

निर्वाचन आयोगं पालिका चुनावय् उम्मेदवार जुइत राजीनामा बिइमाःगु व्यवस्था जुगुलि सुवेदीं प्रदेश सभा सदस्यपाखे राजीनामा बिउगु खः।

वयकः चितवनया क्षेत्र नम्बर २ या (ख) पाखे प्रदेश सभा सदस्यय् निर्वाचित जुगु खः।

नेकपा एमाले न प्रदेशसभा सदस्यपिन्त स्थानीय तहय् उम्मेदवार मदयकेगु निर्णय याउगु दु।

थौं बिहीबाः बालकोटय् च्वंगु सचिवालय बैठकं सिफारिस जूपि प्रदेशसभा सदस्यपिन्त उम्मेदवार मदयकेगु निर्णय याउगु दु। एमालेया थुगु निर्णयलिपा पोखरा महानगरपालिकाय् मेयर दावी यानाच्वंम्ह कृष्ण थापा व राजीव पहारी उम्मेदवार जुइ मखगु दु।

महानगरया मेयर लागि थापा व पहारीनाप झीनिम्हसिगु नां सिफारिस जुगु खः। पोखरानाप खुगु महानगर व ११ उपमहानगरपालिकाय् मेयरया लागि सिफारिस जुगु नां सचिवालय बैठकय् न्ह्यब्बःगु खः।

सिफारिस जूपिनिगु नां  प्रदेशसभा सदस्यपिन्त उम्मेदवार मदयेकेगु सहमति जुगु धका छम्ह नेतां धाउगु दु। तर भरतपुर महानगरपालिकाय् मेयरया उम्मेदवार जुम्ह विजय सुवेदीबारे धासा थुगु  निर्णय लागू जुइ मखु धका धाउगु दु।

सुवेदी महानगरया उम्मेदवार जुगुलि बिहीबाः हे वागमती प्रदेशसभा सदस्यपाखे राजीनामा बिइ धुकुुग दु।

नेकपा एमाले न महानगरपालिका व उपमहानगरपालिकाया उम्मेदवार वैशाख १० गते क्वछिइगु जुगु दु।

बिहीबाः अध्यक्ष केपी शर्मा ओलीया निवास बालकोटय् जुगु  बैठकय् आकांक्षी उम्मेदवार पिनिगु नां न्ह्यब्बःगु खः।

उगु नां दुपिनिगु बारे थप छलफल व अध्ययन याना १० गते च्वनिइगु बैठकं उम्मेदवार क्वछिइ धका सचिव योगेश भट्टराई न धाउगु दु।

नेकपा एमालेया अध्यक्ष केपी शर्मा ओली न्यागु दलीय गठबन्धन आः खुगु दलीय जुइ धुकुगु दु धका धयादीगु दु।

बिहीबाः केन्द्रीय सल्लाहकार परिषदय् नेकपा एमालेया अध्यक्ष केपी शर्मा ओली न्यागु दलीय गठबन्धन खुग दलीय जुइ धुकुगु दु धका धाउगु खः।

बिहीबाः केन्द्रीय सल्लाहकार परिषदया बैठकयात सम्बोधन यासे अध्यक्ष ओलीं न्यागु दलीय गठबन्धन राजावादीनाप मिले जुया खुगु दलीय जुगु धका धाउगु खः।

सर्वोच्च अदालतं स्थानीय तह निर्वाचननाप सम्बन्धित छगु मुद्दा याउगु निर्णय निन्हुलिपा न निर्वाचन आयोगय् थ्यंगु मदुनि।

वंगु मंगलबाः सर्वोच्च अदालतं निर्वाचनय् उम्मेमदवारी बिइत जनप्रतिनिधिपिन्स राजीनामा बिइमाःगु प्रावधान यथावत दुगु फैसला याउगु खः।

थौं विहीबाः याउगु पत्रकार सम्मेलनय् प्रवक्ता शालिग्राम शर्मा न सर्वोच्चं याउगु आदेश थःपिन्त सञ्चार माध्यमय् जक वःगु व आयोगय् जानकारी मवनि धका धाउगु दु।

सर्वोच्च अदालतं ८ चैत २०७७ य् ‘जनप्रतिनिधिपिन्स राजीनामा बिइमाःगु प्रावधान कार्यान्वयन मयायेत’ धका अन्तरिम आदेश बिउगु खः। वयालिपा सर्वोच्चपाखे मेगु सूचं मव धका प्रवक्ता पौडेलं धाउगु दु।