Display Style:
Column Style
भरतपुर महानगरय् रेनु दाहाल न्ह्यने
लहनान्युज | बछलागा चतुर्थी ११४२, जेष्ठ ५ बिहीवाः
चितवनया भरतपुर महानगरपालिकाया मतगणनाय् मेयर पदया उम्मेदवार रेनु दाहाल आः न न्ह्यने लानाच्वंगु दु।
४० हजार ७१२ मत गणना जुइ धुकुगुलि नेकपा माओवादी केन्द्रया उम्मेदवार दाहालं १५ हजार ४९१ मत काये धुकुगु दु।
अथेहे नेकपा एमालेया उम्मेदवार विजय सुवेदीं १२ हजार ४११ मत काउगु दु सा स्वतन्त्र उम्मेदवार जगन्नाथ पौडेलं ६ हजार ३८९ मत काउगु दु।
उपमेयरय् नेपाली कांग्रेसया उम्मेदवार चित्रसेन अधिकारीं १७ हजार ९०५ मत हःगु दु सा राप्रपा उम्मेदवार हिमला गुरुङं ९ हजार ९७८ मत हये धुकुगु दु।
येँ महानगर वडा ४ या अध्यक्षय् एमालेया दिनेश महर्जन निर्वाचित
लहनान्युज | बछलागा चतुर्थी ११४२, जेष्ठ ५ बिहीवाः
येँ महानगरपालिका वडा नम्बर ४ य् नेकपा एमालेया प्यानलय् निर्वाचित जुगु दु।
वडा अध्यक्षय् एमालेया दिनेश महर्जन निर्वाचित जुगु दु। नेपाली कांग्रेसया रामप्रसाद न्यौपानेयात २४०० मतं पराजित याउगु खः।
महर्जनं ४६०४ मत हःगु खःसा कांग्रेस उम्मेदवार न्यौपाने २२८९ मत हःगु खः। येँ महानगरपालिका वडा नम्बर १, २, ३, ४ व ५ या अध्यक्षय् एमालेया उम्मेदवार विजयी जुगु खः।
स्थानीय जनप्रतिनिधिपिनिगु कार्यकाल थौं क्वचाइगु
लहनान्युज | बछलागा चतुर्थी ११४२, जेष्ठ ५ बिहीवाः
२०७४ सालय् ७५३ पालिकामा निर्वाचितजूपि जनप्रतिनिधिपिनिगु कार्यकाल थौं क्वचाइगु जुगु दु।
पालिकाय् न्हुपि जनप्रतिनिधि ल्ययेगु निति वैशाख ३० गते चुनाव जुगु खः।
७५३ पालिकाय् मेयर/अध्यक्ष ७५३ व उपमेयर/उपाध्यक्ष गरी ७५३ जना, ६ हजार ७४३ वडाध्यक्ष, ६ हजार ७४३ महिला सदस्य, ६ हजार ७४३ दलित महिला सदस्य व १३ हजार ४८६ खुल्ला वडा सदस्यपि याना ३५ हजार २२१ म्ह जनप्रतिनिधिपि दइगु व्यवस्था दु।
देयन्यक खुगु महानगरपालिका, ११ उपमहानगरपालिका, २७६ नगरपालिका, ४६० गाउँपालिका व ६ हजार ७४३ वडा दु।
सूर्यविनायक नगरपालिकाया मेयर व उपमेयर एमाले
लहनान्युज | बछलागा चतुर्थी ११४२, जेष्ठ ५ बिहीवाः
सूर्यविनायक नगरपालिकाया मेयर व उपमेयर निगुलि हे नेकपा एमाले विजयी जुगु दु।
मेयरय् एमालेया बासुदेव थापा १४७५८ मतं विजयी जुगु खः। वयकःया निकटतम प्रतिस्पर्धी नेपाली कांग्रेसया निशान ढुङ्गेलं १३२३२ मत काउगु खः।
अथेहे उपमेयरय् एमालेया सरिता भट्टराई (तिमिल्सिना) न १४४९० मत हया विजयी जुगु खःसा नेपाल कम्युनिष्ट पार्टी (एकिकृत समाजवादी) या श्याम सुन्दर बस्नेतं ६ हजार ६ सय ६१ मत हःगु खः।
स्वतन्त्र उम्मेदवार नरसिंह व्यञ्जनकार पराजित
लहनान्युज | बछलागा चतुर्थी ११४२, जेष्ठ ५ बिहीवाः
यल महानगरपालिका वडा नम्बर १० य् झीकःतक वडा अध्यक्ष त्याःम्ह नरसिंह व्यञ्जनकार थुगु पटक पराजित जुगु दु।
२०७९ या स्थानीय तह निर्वाचनय् झीछकःगु पटक वडा अध्यक्ष पदय् स्वतन्त्र रुपं प्रतिस्पर्धाय् याउगु खः।
तर थुगु पटक थः हे काय्चा रविनमान व्यञ्जनकार नाप २८२ मतं पराजित जुगु दु।
८१ दँ दुम्ह नरसिंहं ५४३ मत काउगु खःसा नेपाली कांग्रेसया रविनमानं ८२५ मत कया वडाध्यक्षय् निर्वाचित जुगु खः।
