यल महानगरपालिका वडा १८ या वडाध्यक्षय् एमालेया दामोदर खड्का निर्वाचित जुगु दु। वय्कलं ८९१ मत हया निर्वाचित जुगु खः।

अथेहे वय्कःया प्रतिस्पर्धी नेपाली कांग्रेसया पुस्कर केसीं ७०४ मत व माओवादीया पुरुषोत्तम खड्कां २८६ नाप राप्रपाया रामप्रसाद थापां २१२ मत काउगु खः।

यल महानगरपालिका वडा १९ या वडाध्यक्षय् एमालेया राजेन्द्र महर्जन निर्वाचित जुगु दु।

वय्कलं १०६९ मत हया निर्वाचित जुगु खःसाः वय्कःया प्रतिस्पर्धी स्वतन्त्र उम्मेदवार विनोद ताम्राकारं ७३८ मत हःगु खः।

अथेहे एकिकृत समाजवादीया दिपक श्रेष्ठं १४६ मत हःगु खः।

येँ महानगरपालिका वडा २८ या वडाध्यक्षय् नेपाली कांग्रेसया उम्मेदवार भाइराम खड्गीं १ हजार २८२ हया निर्वाचित जुगु दु।

वयकःया निकटतम प्रतिस्पर्धी नेकपा एमालेया विपेन्द्र खड्गीं १ हजार ७३ मत हःगु खः। अथेहे महिला सदस्यय् १ हजार २६५ मत हयाः नीनाकुमारी खड्गी व दलित महिला सदस्यय् ललिता कार्की ढली निर्वाचित जुगु खः।

खुल्ला सदस्यय् अरुण तण्डुकार व वीरेन्द्र महर्जन निर्वाचित जुगु खः।

येँ महानगरपालिका वडा २७ या अध्यक्ष पदय् नेपाली कांग्रेसया उम्मेदवार योगेशकुमार खड्गी निर्वाचित जुगु दु।

अथेहे वडाया महिला सदस्य नेपाली कांग्रेसया उम्मेदवार सृष्टि कंसाकार वडा सदस्य पदय् दिनेश श्रेष्ठ व धर्म प्रजापती निर्वाचित जुगु खः।

दलित महिला सदस्य पदय् नेकपा एमालेया उम्मेदवार प्रभा परियार निर्विरोध निर्वाचित जुगु खः।

नागार्जुन नगरपालिका मेयरय् नेपाली कांग्रेस उम्मेदवार मोहनबहादुर बस्नेतं १० हजार १८६ मत हया निर्वाचित जुगु दु ।

वयकःया निकटतम प्रतिद्वन्द्वी एमालेया नन्दन हरि गौतमं ८ हजार ३६८ मत हःगु खः। अथेहे राप्रपाया उम्मेदवार ध्रुव प्रसाद खनालं २ हजार ४६९ मत हःगु खः। अथेतु।

उपमेयरय् एमालेया उम्मेदवार सुशिला अधिकारीं ९ हजार ४७४ मत हया निर्वाचित जुगु दु। वयकःया निकटतम प्रतिद्वन्द्वी राप्रपाया कल्पना नेपालीं २ हजार ७५३ मत हःगु खः।

कांग्रेसनाप गठबन्धन याउगु नेकपा एकीकृत समाजवादीया कृष्णहरि खत्रीं २ हजार १२६ मत जक काउगु खः।