येँ महानगरपालिकाया मेयर विद्यासुन्दर शाक्ययात छगु ज्याझ्वः दथुइ शाक्य महाविहार संघं हंगु दु।

येँ महानगरपालिकां ऐतिहासिक, पुरातात्विक, ज्याय् महत्वपूर्ण बहाः, बही, देगः, सतः, फल्चा थे जाःगु मूर्त सम्पदा पुनर्निर्माणया ज्या याउगुलि संघया खुक्वःगु साधारण सभा व निक्वःगु महाधिवेशनय् मेयर शाक्ययात सम्मन याउगु। सम्मान लिपा थःगु खँ तयेगु झ्वलय् मेयर शाक्यं येँ च्वंगु भाषा, संस्कृति, सम्पदा झीसं मयासा सुना याइ धका धयादीगु खः। वयकलं धयादीगु दु, ‘थनाया मूर्त, अमूर्त सम्पदा, संस्कृतिया संरक्षण नाप प्रवर्द्धनय् आः महानगरपालिकां निरन्तर याना वनेगु जुइ।’

येँ महानगरपालिकां २५ हजारनिसे ग्वाहालि यानागु गुँला बाजं आः २ लाख थ्यंगु दु धका धयादीसे येँया म्हसिका कथं काष्ठमण्डप न धका धयादीगु खः तयार जुइ धुकुगु खः।

उगु ज्याझ्वलय् बागमती प्रदेश सभाया सदस्य अजयक्रान्ती शाक्य व राजेश शाक्य, गुठी संस्थानया अध्यक्ष किरण शाक्य, लुम्बिनी विकास कोषया सदस्य सचिव सानुराजा शाक्य, २५ वडाया अध्यक्ष नीलकाजी शाक्यपिनिगु न उपस्थिति दुगु खः। संघया अध्यक्ष शुभकाजी शाक्यया सभाध्यक्षताय् जुगु उगु ज्याझ्वलय् मोति रत्न शाक्य व पुष्पराजन शाक्ययात ध्रुवतारा सिरपा नं देछागु खः । 

थौं चोभाःया आनन्दादी लोकेश्वरया न्हवं याइगु जुगु दु।

न्हवं यायेत यल थःसि च्वपि न्यकू नेमकूलपिन्सं पूवंकेमाःगु परम्परा दु।

थौं न्हवं याना कन्हय्निसें द्यःयात रंगरोगन यायगु सुरु जुइ।

कन्हय् पुजाः बिधि क्वचायका कंसं आनन्दादी लोकेश्वरयात लूनिभाः क्यनिइ।

जनकपुर–जयनगर रेलया उलेज्या जुग दु।

भारतया स्वन्हुया भ्रमणय् वनाच्वम्ह  प्रधानमन्त्री शेरबहादुर देउवा व भारतीय समकक्षी नरेन्द्र मोदीं दिल्लीस्थित हैदराबाद हाउसपाखे भर्चुअल माध्यमबब. मंकाः कथं रेल सेवाया उलेज्या यानादीगु खः।

उगु रेल न्हि निकः जयनगरपाखे रेल न्ह्याइगु धका नेपाल रेलवे कम्पनी न धाउगु दु। छकलय् उगु रेलं १ हजार ३५० म्ह यात्रुपि यात्रा याये फइगु धका कम्पनीं धाउगु दु।

जनकपुर–जयनगर ७० व कुर्था–जयनगर ९० रुपैयाँ भाडा कायम यानातःगु दु।

यलया हरिसिद्धि त्रिशक्ति भवानीया झीनिदँ जात्राया द्यःप्याखँ धुलिख्यलय् प्याखं ल्हुकुगु दु।

हरिसिद्धिया त्रिशक्ति भवानीया झीनिदँ जात्रा येँ, यल, पन्ति, दोलखा लगायत थीथी थासय् प्याखं ल्हुकेगु परम्परा दु।

हरिसिद्धिया त्रिशक्ति भवानीया झीनिदँ जात्रा म्हिगः यका कन्ह्यः आइतबाः तक धुुलिख्यलय् प्याखं ल्हुकिइगु जुगु दु। वया लिपा दोलखाय् यकेगु योजना दु।

भारत भ्रमणय् वनाच्वम्ह प्रधानमन्त्री शेरबहादुर देउवा व भारतीय प्रधानमन्त्री नरेन्द्र मोदी दथुइ भेटवार्ता सुरु जुगु दु।

स्वन्हुया निति भारत भ्रमणय् वनाच्वम्ह प्रधानमन्त्री देउवा व भारतीय प्रधानमन्त्री मोदी दथुइ नयाँ दिल्लीस्थित हैदरावाद हाउसय् द्धिपक्षीय वार्ता सुरु जुग दु।

द्विपक्षीय औपचारिक वार्तालिपा प्रधानमन्त्री देउवा व मोदीें जनकपुर–जयनगर रेल सुरुआत यायेगु ज्याझ्वः दु।

अथेहे भारतीय ग्वहालि निर्माण जुगु १३० स्वया अप्पो स्वास्थ्यचौकीया न मंकाः कथं उलेज्या जुइत्यंगु दु। उगु ज्याझ्वः क्वचाये निगु देया प्रधानमन्त्रीपिन्स पत्रकार सम्मे यासे मंकाः कथं सम्बोधन याइगु ज्याझ्वः दु।