शंखरापुर नगरपालिकाया प्रमुखय् राप्रपाया रमेश नापित विजयी जुगु दु।

वयकःया निकटतम प्रतिद्वन्द्वी नेकपा एकीकृत समाजवादीया उम्मेदवार एलपी श्रेष्ठयात ४९८ मतं पराजित यासे नापित निर्वाचित जुुगु खः।

निर्वाचन आयोगया कथं नापितं ४७०० मत हःगु खःसा समाजवादीया उम्मेदवार लक्ष्मीप्रसाद श्रेष्ठं ४२०२ मत हःगु खः।

यल महानगरपालिका वडा ६ या वडाध्यक्षय् नेपाली कांग्रेसया रुपेन्द्रराज शाक्य निर्वाचित जुगु दु।

शाक्यं १३१८ मत हःगु खःसाः नेकपा एमालेया यशकुमार शाक्यं ५७६ मत हःगु खः। अथेहे राप्रपाया रमिता शाक्यं १३१ मत हःगु खः।

यल महानगरपालिकाया वडा ५ य् एमालेया विकासमान श्रेष्ठ निर्वाचित जुगु दु।

श्रेष्ठं १०७९ मत हया निर्वाचित जुगु खःसा नेपाली काँग्रेसया संजिप पाण्डें ५९२ मत हःगु खः।

यल महानगरपालिकाया वडा ३ य् नेकपा एकिकृत समाजवादीया श्रीगोपाल महर्जन निर्वाचित जुयादीगु दु।

\वय्कलं १५२३ मत हया निर्वाचित जुयादीगु खः। वय्कया निकतम प्रतिस्पर्धी नेपाली काँग्रेसया बालकृष्ण महर्जनं ८४२ हयादीगु खसाः, नेकपा एमालेया अष्ट बहादुर महर्जनं ३८६, राष्ट्रिय प्रजातन्त्र पार्टीया ज्ञानेन्द्र विडारीइ १८३ मत कयादीगु खः।

येँ महानगरपालिका–५ य् एमालेया वीरेन्द्र प्रजापति निर्वाचित जुगु दु।

प्रजापतिं नेपाली कांग्रेसया निकटतम प्रतिद्वन्द्वी रमेश डंगोलयात २५३ मतं पराजित याउगु खः। प्रजापतिं १ हजार ८१८ मत हःगु खःसा डंगोलं १ हजार ५७५ मत हःगु खः।

अथेहे, सदस्यय् एमालेया हरिबहादुर महर्जन व कांग्रेसया विजय कर्माचार्य विजय जुगु खः। मिसापाखे कांग्रेसया मीना सिंह व दलित महिला सदस्यय् आरती सुनुवार विजयी जुगु धका येँया मुख्य निर्वाचन अधिकृत राजुकुमार खतिवडां जानकारी बिउगु दु।