तारकेश्वर नगरपालिकाया मेयर व उपमेयर निगुलि हे पद कांग्रेस त्याउगु दु कांग्रेसया कृष्णहरि महर्जन ११ हजार ९८ मत हया मेयरय् निर्वाचित जुगु दु।

एमालेया रामेश्वर बोहरा ७ हजार ८० मत हया पराजित जुगु दु। उपमेयरय् कांग्रेसया हे सिर्जना बुर्लाकोटी १० हजार ७८६ मत हःगु निर्वाचित जुगु दु।

एमालेया भवानी डोटेल ८ हजार ६०० मत हया पराजित जुगु दु।

भरतपुर महानगरपालिकाया मेयरय् रेनु दाहाल हाकन न्ह्यने लाउगु दु।

दाहालं आःतक १७ हजार ३४ मतगणना जुगुलि ५ हजार ७१८ मत काउगु दु।

अथेहे एमालेया विजय सुवेदी ५ हजार ६८८ मत व स्वतन्त्र उमेदवार जगन्नाथ पौडेलं २ हजार ७८८ मत काउगु दु।

येँ महानगरपालिकाय् उपमेयरय् एमालेया सुनिता डंगोल साढे ६ हजार स्वया अप्पो मतं न्ह्यने लानाच्वंगु दु।

डंगोलं आःतक ९ हजार ४ सय २१ मत काये धुकुगु दु सा एकीकृत समाजवादीया उम्मेदवार रामेश्वर श्रेष्ठं २ हजार ६ सय ६४ मत काउगु दु।

हेटौँडा उपमहानगरपालिकाय् गठबन्धन न्ह्यने वयाच्वंगु दु।

गठबन्धनपाखे एकीकृत समाजवादीया उम्मेदवार मीना लामां ५ हजार ८५० मत काये धुकुगु दु सा राप्रपाया दीपकबहादुर सिंहं ५ हजार ४ सय ५८ काउगु दु।

अथेहे एमालेया अनन्त पौडेलं ४ हजार ८ सय ३१ मत काउगु दु।

येँ महानगरपालिकाय् स्वतन्त्र उम्मेदवार बालेन शाह अझ न न्ह्यने लानाच्वंगु दु।

बालेन शाह न आःतक ९ हजार ६ सय १४ मत काये धुकुगु दु सा एमालेका मेयर उम्मेदवार केशव स्थापित ५ हजार १ सय ५७  मत काउगु दु।

अथेतु कांग्रेसया सिर्जना सिंह न ४ हजार ४ सय ७७ मत काउगु दु।