निर्वाचन आयोगं स्थानीय तह चुनाव–२०७९ या लागि थौं मतदाता नामावलीया लिपागु धलः प्रकाशन यायेगु तयारी दु।

मतदाता नामावलीया दाबी विरोध लिपा मतदानया लागि योग्य मतदाताया धलः प्रकाशन यायेगु धका अयोगं धाउगु दु।

आयोगया प्रवक्ता कथं थुगु दँय् १ करोड ७८ लाख मतदातापि दु। दाबी विरोधलिपा झन्डै १ लाख मतदाता धलखं हटे याउगु दु।अन्तिम नामावली प्रकाशन जुइ धुका छु न प्रकारपाखे हेरफेर, थपघट वा भिंके फइ मखु।

निर्वाचन आयोगं वंगु फागुन १९ गतेनिसे छवाः म्याद तया मतदाता नामावली अद्यावधिक यायेगु व भिकेगु धका धाउगु खः । नां दोहरे जुगु, सीपि वा नागरिकता त्याग यापिनिगु नां हटे याउगु दु।

२०७७ पुस ५ गते तक १ करोड ६२ लाख ४३ हजार १ सय १० म्ह मतदातापि दु। वंगु मङ्सिर व पुस महिनाय् सञ्चालित मतदाता नामावली विशेष अभियानय् झन्डै १८ लाख नां दर्ता याउगु खः।

चीन सरकारपाखे निर्मित पोखरा अन्तर्राष्ट्रिय विमानस्थल शनिबाः नेपाल सरकारयात हस्तान्तरण याउगु दु।

नेपाल भ्रमणय् वःम्ह चिनियाँ विदेशमन्त्री वाङ यी न परराष्ट्रमन्त्री डा. नारायण खड्कायात पोखरा विमानस्थलया ताःचाः लल्हागु दु। उगु ज्याझ्वलय् समारोहसं प्रधानमन्त्री शेरबहादुर देउवा न सहभागी जुगु खः।

विमानस्थलया ताःचाः चिनियाँ विदेशमन्त्रीपाखे परराष्ट्रमन्त्री खड्कायात हस्तान्तरण यायेवं पोखरा अन्तर्राष्ट्रिय विमानस्थलय् उगु विमानस्थलया निर्माण कम्पनीयात संस्कृति, पर्यटन तथा नागरिक उड्डयनमन्त्री प्रेमबहादुर आले न हनापौ लल्हाःगु खः।

भ्रमणया सिलसिलाय् भारतय् दुम्ह चिनियाँ विदेशमन्त्री वाङ येँ थ्यंगु दु।

सोमबाः पाकिस्तान थ्यम्ह वाङ अफगानिस्तान, भारत जुुया थौं शुक्रबाः न्हिनय् येँ थ्यकूगु खः।

२५ म्ह सदस्यीय भ्रमण टोली नाप येँ थ्यका वाङ विमानस्थलपाखे द्वारिका होटेल च्वंगु दु। वाङं औपचारिक भेटघाट धासा कन्ह्यः शनिबाः सुथय् निसे याइगु जुगु दु। शनिबाः सुथय् नेपालया समकक्षी डा.नारायण खड्कानाप न्हापां वयकलं भेटघाट याइगु जुगु दु।

व स्वया न्ह्यः वयकलं सुथय शिवपुरीमा हाइकिङ वनिइगु जुगु दु। शनिबाः न्हिनय् प्रधानमन्त्री शेरबहादुर देउवा व आइतबाः सुथय् राष्ट्रपति विद्यादेवी भण्डारीनाप छलफल याइगु जुगु दु। वाङं आइतबाः हे एमाले अध्यक्ष केपी शर्मा ओली व माओवादी केन्द्रया अध्यक्ष पुष्पकमल दाहाल प्रचण्डयात नापलाना बहनि चीन लिहावनिइगु ज्याझ्वः जुगु दु।

नेपालस्थित चिनियाँ दूतावास स्रोतया कथं विदेशमन्त्री वाङं थौं बहनि दूतावासया अधिकारीपि नाप नेपाःया लिपागु परिस्थितिबारे जानकारी कायेत्यःगु खः।

लुँया भाः थौं न थहावंगु दु। म्हिगः तोलां ११ सय वंगु खःसा थौं ६ सय रुपैयाँ थहावंगु खः।

थौं तोलां खुसः १ लाख ९ सय रुपैयाँ थ्यंगु दु धका नेपाल सुनचाँदी व्यवसायी महासङ्घं धाउगु दु। अथेहे, थौं वहः न थहावंगु दु।

वहः तोलां २५ रुपैयाँ थहावना १ हजार ४ सय रुपैयाँ थःगु दु धका महासङ्घ धाउगु दु।

येँ महानगरपालिका वडा १५ स्वयम्भू भुइख्यलय् धर्मचक्र पार्क व पुलेस्वाँ पूखु उलेज्या जुगु दु।

थौं छगु ज्याझ्वः दथुइ येँ महानगरया मेयर विद्यासुन्दर शाक्य न उलेज्या यानादीगु खः। करिब १ करोड ३६ रुपैयाँ केन्द्रीय बजेट व वडाया पूर्वाधार विकास कार्यक्रम अन्तर्गत २० लाख रुपैयाँ लागतय् पार्क व पूखु निर्माण जुगु खः।

थुकिया सौन्दर्य व हरियाली प्रवर्धन यायेत महानगरं थप १ करोड रुपैयाँ विनियोजन याउगु खः। उगु पार्कय् ३५ फिट च्वये लठाय् राष्ट्रिय ध्वाँय् तःगु खः। उगु पार्क उलेज्या लिपा न्ववानादीसे मेयर शाक्यं, येँ च्वनेत्यः योग्य सांस्कृतिक सहर दयकेगु नीति व ज्याझ्वः क्वचाना वंगु दु। ‘जिमिसं दयकगु दक्को नीति व कार्यक्रम दु, उकिया प्रमुख, उपप्रमुख, वडाध्यक्ष, कार्यपालिका सदस्य व वडा सदस्यपिनिगु सकसिगु हे सहभागिता दु।

उगु नीति व कार्यक्रमया कार्यान्वयन विभाग व वडापाखे जुयाच्वंगु दु।’ प्रमुख शाक्यं धयादीगु दु, ‘म्हगस मंकाः कथं खनागु खः। उगु पूरा यायेत सामुहिक प्रयत्न यानागगु खः।

विकासया उपलब्धी वयेगु सुरु जुगु दु। थुकिया जिपि सफल जुगु दु।’ उगु ज्याझ्वलय् संघीय संसद सदस्य जीवनराम श्रेष्ठ, उपप्रमुख हरिप्रभा खड्गी श्रेष्ठ, वडाध्यक्ष नाप महानगरया प्रवक्ता ईश्वरमान डंगोल वडा सदस्य आनन्द गौत्तमपिन्स थःथःगु बिचाः तयादीगु खः।