संघ, प्रदेश, स्थानीय तह व स्थानीयबासीया मंका लगानीइ सामुदायिक भवन निर्माण जुगु दु।

येँ महानगरपालिका वडा ३१ मीनभवन मार्गय् निर्माण जुगु भवन महानगरया मेयर विद्यासुन्दर शाक्य, प्रदेश सभा सदस्य गणेश दुलाल, वडाध्यक्ष नारायण भण्डारीपिन्स मंकाः कथं उलेज्या यानादीगु दु। १३ आना जग्गा दुने करिव ५ आना जग्गाय् स्वंगु तल्ला भवन निर्माण जुगु खः।

भवन निर्माणया लागि संघीय संसद सदस्य प्रकाशमान सिंह, प्रदेश सभा सदस्य गणेश दुलाल, पूर्व संसद सदस्य राधेश्याम अधिकारी, संविधान सभा सदस्य कल्याणी रिजाल व सावित्रा भुषाल, पूर्व संसद कृष्णा अमात्यं संसद कार्यक्रम अन्तर्गत ग्वहालि याउगु खः। अथेहे स्थानीय सामाजिक संघ संस्था व व्यक्तिगत रुपं चन्दा यिबा ग्वहालि याउगु खः।

येँ महानगरपालिकाया मेयर विद्यासुन्दर शाक्यं येँ महानगरपालिकां हःगु नीतियात कार्यान्वयन यायेगु झ्वलय् न्ह्यावना च्वनागु दु धका धयादीगु दु।

येँ महानगर वडा–२२ या वडा भवन उलेज्या यायेगु झ्वलय् अथे धयादीगु खः। ‘जिमिसं नीति, कार्यक्रम व बजेटयात कार्यान्वयन यायेगु कथं न्ह्या वनाच्वनागु दु व उकिइ सफल न जुयाच्वनागु दु,’ धका मेयर शाक्यं धयादीगु खः, ‘गन–गन विवाद जुगु थासय् ज्या याये मखुगु दु। अन अख्तियार व अदालतं ज्या रोके याउगु दु मेथाय् धाःसा ज्या याना क्वचाय् धुकुगु दु।’

मेयर शाक्यं २०७४ सालय् स्थानीय तहया निर्वाचनय् येँ महानगरपालिकां विजयी जुया वये धुका न्हापागु बैठकं हे महानगरपालिकाया केन्द्रीय भवन व दक्को वडा कार्यालय भवन दयकेगु घोषणा यानागु खँ लुमकादीगु खः। ‘नगरसभां उगु नीति कथं बजेट न व्यवस्थापन यानागु दु,’ धका मेयर शाक्यं धयादीगु खः।, ‘महानगरपालिकाया केन्द्रीय भवन व दक्को वडा कार्यालय भवन जिमिगु कार्यकालय् दयकेगु म्हगस खनागु खः।

ताः ई लिपा थौं वडा–२२ या भवन निर्माणया ज्या क्वचाःगु दु। थौं उलेज्या यानागु ।

सम्पदा निर्माण–पुनर्निर्माणया अभियान कोकोकोलाया व्यापार मखु मेयर शाक्यं मेयरं जस काइ धका ज्या स्यकेगु यानाच्वंगु दु। ‘जिमिगु दक्कोनाप सहकार्य याना सम्पदा निर्माण–पुनर्निर्माण व विकास निर्माणया ज्या यायेगु कुतः खःँ,’ धका धयादीसे वयकलं धयादीगु दु, ‘जिं गौरवया साथ धाये। जिमिगु कार्यकालय याउगु दक्को नीतिगत निर्णय सर्वसम्मत रुपं यानागु दु।

‘पेप्सी, फेण्टा, कोकोकोला व्यापारीपिन्स मेपिनिगु बस्तु बालां धका गुवलय् प्रचार मयाः,’ वयकलं धयादीगु दु, ‘जिमिगु न अवस्था न अथे अथे हे खः। सम्पदा निर्माण–पुनर्निर्माण व विकास निर्माणया अभियान पेप्सी, फेण्टा, कोकोकोलाया व्यापार थे मखु। उकिइ बालागु ज्याय् पनेगु मखु ग्वाहालि याये।’ उगु ज्याझ्वलय् उपमेयर हरिप्रभा खड्गी श्रेष्ठ व वडाध्यक्ष चिनिकाजी महर्जनं थःथःगु खँ तयादीगु।

स्थानीय हिराकाजीं अनुदान बिउगु जग्गाय् ३ करोड २० लाखया लागतं अपाङ्गमैत्री खुगु तल्ला वडा भवन निर्माण जुगु खः।

धुकल येंँ महानगरपालिकापाखें येँ महानगर दुने आःतक १४९ गु सम्पदाया पुननिर्माण व निर्माण यानागु विषयवस्तुयात कःघाना छगू पत्रकार सम्मेलन यासे जानकारी बिउगु दु ।

उगू पत्रकार सम्मेलनय् महानगरपालिकां संस्कृति व सम्पदाया ख्यलय् याना वयाच्वनागु कार्यप्रगतिबारे जानकारी महानगरया मेयर विद्यासुन्दर शाक्यं बियादीगु खः। मेयर शाक्यं थः महानगरय् वये धुंका महानगर दुनेया कला, संस्कृति, सम्पदा संरक्षण तथा प्रवर्द्धनया झ्वलय् आपालं ज्या यानागु उकिइ सफलता नं हासिल यानागु खँ उगु पत्रकार सम्मेलनय् कनादीगु दु।

वयकलं येँ महानगरपालिकां मरुसतः, कमलपुखुया नापनापं ऐतिहासिक महत्वं जाःगु दरबार हाई स्कूल व थीथी वडाय् दयाच्वंगु ऐतिहासिक बहाः बही, मठमन्दिर, चैत्य, विहार, गुथि छेँ, द्यःछें लगायत सत्या स्वयां अप्वः सम्पदाया पुननिर्माण यानागु धका वयकलं छगू धलःपौ नं न्ह्यब्वया दिल।

वयकलं उगु पत्रकार सम्मेलनय् स्थानीय बाजंया  संरक्षण, जात्रापर्व सञ्चालन, बाजागुरुपिन्त हनावना, सांस्कृतिक ज्याखँत यानागु खँ नं कनादिल । वयकलं येँय् दुने जक मखसे स्वनिगलं पिनेया तकं ऐतिहासिक तथा पुरातात्विक महत्वया क्षेत्र लुम्बिनीया बज्रयान महाविहार, रामग्रामया पण्डितपुर क्षेत्रया विकास लगायतय् ज्या यानागु खँया नं जानकारी बियादिल।

थुकथं हे वयकलं सम्पदाया ख्यलय् महानगर पालिकां आपालं ज्या याय्फूगुलिइ थः सन्तुष्ट जुयागु नं खँं कनादिल।

वसन्तपुरय् धन्का तःगु चीर क्वथला तीनख्यलय् यकूगु दु।

थौं सुथय् ४ बजे जुया २७ मिनेटया साइतय् वसन्तपुरय् तया तःगु चीर क्वथःगु खः।

हनुमानध्वाकापाखे, इन्द्रचोक, न्युरोड जुाया तीनख्यलय् यका उगु चीर च्याकूगु खः।

चीर स्वायेवं होली नखः सुरु जुइगु व क्वथले धुका क्वचाइगु पौराणिक मान्यता दु

किपूलिइ बहुउद्देश्यीय कभर्ड हल दयकिइगु जुगु दु। किपू नगरपालिका वडा नं. ९ व १० य् (श्रीकीर्ति विहारनाप) दयकेत्यंगु बहुउद्देश्यीय कभर्ड हल छगु ज्याझ्वः दथुइ बुधबाः किपू नगरपालिकाया मेयर रमेश महर्जनं शिलान्यास यानादीगु खः।

उगु ज्याझवलय् उप–प्रमुख सरस्वती खड्का, वडा नं. १ या अध्यक्ष हर्ष महर्जन, वडा नं. ९ या अध्यक्ष गंगाराम महर्जन, वडा नं. १० या अध्यक्ष अमन महर्जनपिनिगु न उपस्थिति दुगु।