येँ महानगरपालिका वडा नम्बर २ या  मतगणना क्वचाये त्यःगु दु।

१ सय मत ल्याये खायेगु ल्यःदनिइगुलि नेकपा एमालेया वडा अध्यक्षय् प्रत्यासी राजेन्द्र कुमार श्रेष्ठ त्याइगु खनेदुगु दु।

श्रेष्ठं आःतक १ हजार ३४४ मत काये धुकुगु दु सा नेपाली कांग्रेसया सूर्यलाल महर्जनं ९०० मत काउगु दु।

थुगु वडाय् सदस्यपि दक्को हे एमालेया उम्मेदवारपि न्ह्यने दु।

रुपन्देहीया भैरहवाय् च्वंगु गौतम बुद्ध अन्तर्राष्ट्रिय विमानस्थल थौं निसे औपचारिक उलेज्या जुगु दु।

थौं नेपाल वायुसेवा निगमया न्यारोबडी जहाज व कुबेतं वंगु जजिरा एयरबेजया जहाज अवतरण याउगु दु। विमानस्थल कार्यालयया कथं नेपाल वायुसेवा निगमया न्हापागु जहाज थौं सुथय् ६ बजे जुया ५५ मिनेटय् व जजिराया जहाज ७ बजे जुया ८ मिनेटय् अवतरण याउगु दु।

थ्व नाप नेपालय् निगुगु अन्तर्राष्ट्रिय विमानस्थलपाखे व्यवसायिक उडान न्ह्याउगु दु। निगमं येँपाखे कमर्सियल उडान याउगु खःसा जजिराया जहाज दोहापाखे कुबेत ट्रान्जिट याना नेपाः वंगु खः।

भरतपुर महानगरपालिका–२ या वडाध्यक्षय् कांग्रेस उम्मेदवार निर्वाचित जुगु दु।

कांग्रेसया मनोज रानाभाट २,१०५ मत हया विजयी जुगु खः। एमालेया कृष्ण केसी २,०५८ मत हःगु खः।

येँ महानगरपालिकाय् स्वतन्त्र उम्मेदवार बालेन शाह न्ह्यने लानाच्वंगु दु।

शाह न आःतक ५ हजार २ सय १४ मत काये धुकुगु दु। एमालेया उम्मेदवार केशव स्थापितं २ हजार ८ सय ३२  मत व नेपाली कांग्रेसया सृजना सिँह न २ हजार ४ सय ७० मत कायेधुकुगु दु।

अथेहे उपमेयरय् एमालेया सुनिता डंगोलं ३ हजार ३ सय ८४ मत व एकिकृत समाजवादीया रामेश्वर श्रेष्ठं ९ सय ९२ मत काउगु दु।

यल महानगरपालिकाय् सत्ता गठबन्धनया उम्मेदवार नेपाली काँग्रेसया चिरिबाबु महर्जन न्ह्यने लाउगु दु।

महर्जन आःतक २ हजार ५ सय ७१ मत काउगु दु सा एमालेया हरिकृष्ण व्यञ्जनकारं १ हजार सय ८४ मत काउगु दु।