सरकारं थौंनिसे निन्हस बिदा याउगु दु। सरकारी स्वास्थ्य संस्थाय् हप्ताय् निन्हु शनिबाः व आइतबाः आकस्मिक बाहेक ओपीडी सेवा बन्द जुगु दु।

देयन्यक अप्पो थे अस्पताल व स्वास्थ्य संस्थां उगु कथं बिदा कार्यन्वयन याउगु दु। त्रिवि शिक्षण अस्पताल, कान्ति बाल अस्पताल, वीर अस्पताल, परोपकार प्रसूति तथा स्त्रीरोग अस्पताल, प्रदेश अस्पताल सुर्खेत, आयुर्वेद चिकित्सालय नरदेवी, पोखरा स्वास्थ्य विज्ञान प्रतिष्ठान व भरतपुर अस्पतालं थौं आईतवाः बिदा जूसा ओपीडी सेवा सञ्चालन याउगु दु।

भरतपुर महानगरपालिकाय् रोके जुगु मतगणना हाकन न्ह्याकेगु सहमति जुगु दु।

स्वस्तिक छाप स्पष्ट मजुगु व छापया अप्पो भागय् चिं स्वया पिहावःगु मतयात बदर मत माने याना वनेगु सहमति जुगुलि गणना हाकन न्ह्याकेगु सहमति जुगुु दु।

भरतपुर–१ य् गणनाय् स्वस्तिक चिं कम व मसी अप्पो लाउगु मतयात तक सदर माने यायेगु, तर थौं बदर याउगु धासे एमाले न आपत्ति क्यना गणना छु भचा रोके याउगु खः।

मध्यपुरथिमि नगरपालिका–२ या वडाध्यक्षय् नेपाली कांग्रेसया श्रीकृष्ण श्रेष्ठ निर्वाचित जुगु दु।

श्रेष्ठं ९८८ मत हया निर्वाचित जुगु खः। अथेहे नेकपा (एमाले) या प्रकाश थापामगरं ८९४ मत हःगु खः। वडा सदस्यय् एमालेया रविन सिजापति, अम्बिका रजत व सरिता अर्याल व कांग्रेसया शेखर थापामगर निर्वाचित जुगु खः।

अथेहे मध्यपुरथिमि नगरपालिकाया प्रमुखय् उम्मेदवार कांग्रेसया सुरेन्द्र श्रेष्ठं २ हजार ७९९ मत हःगु दु सा एमालेया मदनसुन्दर श्रेष्ठं २ हजार ११३ मत हःगु दु।

उपप्रमुखय् एमालेया उत्तरा नेपालं २ हजार ४७० मत काउगु दु सा नेकपा माओवादी केन्द्रया विजयकृष्ण श्रेष्ठं १ हजार ६५३ हःगु दु। मत गणना आः न जुयाच्वंगु दु।

जाजरकोटया बारेकोट गाउँपालिका–८ या वडाअध्यक्षय् नेपाली कांग्रेसया योगेन्द्र सिंह निर्वाचित जुगु दु। सिहं नेकपा एमालेया उम्मेदवार दिलबहादुर नेपालीयात १० मतं पराजित याउगु दु।

निर्वाचित सिंहं ५२६ मत काउगु खःसा नेपालीं ५१६ मत हःगु खः। वडा सदस्य, दलित महिला सदस्य, महिला सदस्य धासा नेकपा एमालें त्याकूगु दु।

वडा नम्बर ८ पाखे गाउँपालिका अध्यक्षया उम्मेदवार गठबन्धनपाखे महेन्द्र शाह न ९७५ मत हःगु खःसा नेकपा एमालेया वीरबहादुर गिरीं ७२६ मत हःगु खः।

उपाध्यक्षय् गठबन्धनया नरबहादुर गिरी (निशान) न ७६६ मत काउगु खःसा नेकपा एमालेया गिता सिंहं ७९८ मत प्राप्त काउगु खः।

सरकारं डिजेल, पेट्रोल व मचिकंया भाः थकाउगु दु।

म्हिगः चान्ह्यः १२ बजेनिसे लागु जुइकथं पेट्रोलियम पदार्थया भाः लिटरं झीतका थकाउगु दु।

आः पेट्रोल लिटर १७० रुपैयाँ, डिजेल व मचिकंया भाः १५३ रुपैयाँ थ्यःगु दु।