Display Style:
Column Style
वीरेन्द्रनगर नगरपालिका मेयरय् एमाले न्ह्यने
लहनान्युज | बछलाथ्व त्रयोदशी ११४२, बैसाख ३१ सनिवाः
वीरेन्द्रनगर नगरपालिकाया मेयरय् एमाले न न्ह्यने लानाच्वंगु दु।
सुरुइ कांग्रेस न्ह्यने लानाच्वंगु खःसा वडा नम्बर १ व १६ य् २०० मतगणना जुगुलि एमालेया उम्मेदवार मोहनमाया ढकाल न्ह्यने लाउगु दु।
ढकालं ११४ मत काये धुकुगु दु। वया प्रतिस्पर्धी कांग्रेसया उपेन्द्र खड्कां ८५ मत हःगु दुसा राप्रपाया मुकुन्दश्याम गिरीं ४४ मत हःगु दु।
अथेहे उपमेयरय् एमालेया नीलकण्ठ खनालं १११ मत व माओवादीया शान्ती ढकालं ८१ मत काउगु दु।
येँ महानगरय् बालेन आःतक न्ह्यने
लहनान्युज | बछलाथ्व त्रयोदशी ११४२, बैसाख ३१ सनिवाः
येँ महानगरपालिकाय् आःतक ३०० मतगणना याये धुकुगु दु।
३०० मतगणना जुगुलि प्रमुख पदय् बालेन साह न ७२ मत हःगु दु। अथेहे नेपाली कांग्रेसया उम्मेदवार सिर्जना सिंहं ७० मत हःगु दु।
नेकपा (एमाले) या उम्मेदवार केशव स्थापितं ५९ मत हःगु दु।
येँ महानगरपया उपमेयरय् एमालेया सुनिता डंगोल न्ह्यने
लहनान्युज | बछलाथ्व त्रयोदशी ११४२, बैसाख ३१ सनिवाः
येँ महानगरपालिकाया उपमेयरय् एमालेया सुनिता डंगोल न्ह्यने लानाच्वंगु दु।
आः वडा नम्बर १ य् जुयाच्वंगु मतगणना कथं सुनितां ३३ मत काउगु दु सा नेकपा एकीकृत समाजवादीया उम्मेदवार रामेश्वर श्रेष्ठं ११ मत काउगु दु।
अथेहे वडा नम्बर ३२ य् ७० य् मतय् सुनितां २४ व श्रेष्ठं १२ मत काये धुकुगु दु।आःतक १७० मत ल्याखागुलि सुनितां ५७ मत व श्रेष्ठं २३ काउगु दु।
यल महानगरपालिकाय् मतगणना सुरु
लहनान्युज | बछलाथ्व त्रयोदशी ११४२, बैसाख ३१ सनिवाः
यल महानगरपालिकाय् मतगणना सुरु जुगु दु।
सर्वदलीय बैठकलिपा वडा नम्बर १ पाखे मतगणना सुरु जुगु दु।
येँ महानगरय् छपाः भोत ल्याखायेत २० मिनेट लगे जुल
लहनान्युज | बछलाथ्व त्रयोदशी ११४२, बैसाख ३१ सनिवाः
येँ महानगरपालिकाय् मतगणना यायेगु ढिल्ला जुगु दु।
मतगणना सुरु १ घण्टाय् जम्मा न्ह्यपाः जक ल्याखाये फुगु दु। निर्वाचन अधिकृतया कार्यालय कथं छपाः मतपत्र ल्याखायेगु निति २० मिनेट लगे जुगु दु।
महानगरपालिकाय् यक्को उम्मेदवार दुगु कारण ल्याखायेगु निति यक्को ई काउगु खः। येँ महानगरपालिकय् मेयरया उम्मेदवारपि जक ५० म्ह दु।
