Display Style:
Column Style
यल महानगरय् चिरिबाबु न्ह्यने
लहनान्युज | बछलाथ्व त्रयोदशी ११४२, बैसाख ३१ सनिवाः
यल महानगरय् चिरिबाबु न्ह्यनेयल महानगरपालिकाया मेयर पदया कांग्रेस उम्मेदवार चिरिबाबु महर्जन आःतक मतगणनाय् न्ह्यने लानाच्वंगु दु।
आःतक ३ सय मत गणना जुगुलि १५५ मत हःगु दु सा एमालेया हरिकृष्ण व्यञ्जनकारं ७८ मत काउगु दु।
भरतपुर महानगरय् रेनु दाहाल व विजय सुवेदीया मत बराबर
लहनान्युज | बछलाथ्व त्रयोदशी ११४२, बैसाख ३१ सनिवाः
चितवनया भरतपुर महानगरपालिकाया मेयर पदया उम्मेदवार रेनु दाहाल व विजय सुवेदीया मत आःतक बराबर जुगु दु।
निम्हेसिया न आःतक ४०० मत ल्याखागुलि गठबन्धनपाखे उम्मेदवार जुम्ह माओवादी नेतृ रेनु दाहालं १५० मत व एमालेया उम्मेदवार विजय सुवेदीं १५० मत काउगु दु।
अथेहे स्वतन्त्र उम्मेदवार जगन्नाथ पौडेलं ४५ मत काउगु दु। उपमेयरय् कांग्रेसया चित्रसेन अधिकारीं १८१ व राप्रपाया हिमला गुरुङं १०६ मत काउगु दु।
अन कांग्रेस माओवादी गठबन्धन व एमाले राप्रपा गठबन्धन जुगु खः।
येँ महानगर उपमेयरय् एमालेया उम्मेदवार सुनिता डंगोल न्ह्यने
लहनान्युज | बछलाथ्व त्रयोदशी ११४२, बैसाख ३१ सनिवाः
येँ महानगरपालिका उपमेयर पदय् नेकपा एमालेया उम्मेदवार सुनिता डंगोल न्ह्यने लानाच्वंगु दु।
राष्ट्रिय सभागृह भृकुटीमण्डपय् जुयाच्वंगु मतगणनाय् एमालेया उम्मेदवार सुनिता डंगोलं ४ सय ९० मत हया न्ह्यने लानाच्वंगु दु।
गठबन्धनया पाखे एकीकृत समाजवादीया उम्मेदवार रामेश्वर श्रेष्ठं ६६, राप्रपाया विनिता मगैयां ८० मत काये धुकुगु दु।
येँ महानगरय् बालेन शाह न्ह्यने
लहनान्युज | बछलाथ्व त्रयोदशी ११४२, बैसाख ३१ सनिवाः
येँ महानगरपालिकाय् आःतक १३ सय स्वया अप्पो मतगणना याये धुकुगु दु।
आःतकया लिच्वः कथं स्वतन्त्रपाखे मेयरया उम्मेदवार बालेन शाह न्ह्यने लानाच्वंगु दु। बालेन शाह न आःतक ४ सय १३ मत हया न्ह्यने लानाच्वंगु दु।
अथेहे केशव स्थापितं ३ सय ६६ मत काउगु दु। गठबन्धनपाखे नेपाली कांग्रेसया सिर्जना सिंहं २ सय ३३ मत काउगु दु।
राप्रपाया मदनदास श्रेष्ठं ४७, स्वतन्त्र उम्मेदवार सुमन सायमीं ६४ व विवेकशील साझाकी समीक्षा बास्कोटां ११ मत काये धुकुगु दु। अथेहे एमालेया उपमेयरया उम्मेदवार सुनिता डंगोलं ३९५ मत काये धुकुगु दु।
टोखा नगरपालिकाय् एमाले न्ह्यने
लहनान्युज | बछलाथ्व त्रयोदशी ११४२, बैसाख ३१ सनिवाः
टोखा नगरपालिकां मेयर व उपमेयरय् एमाले उम्मेदवारपि न्ह्यने लानाच्वंगु दु। मेयर व उपमेयर निगु हे पदय् कांग्रेस ल्यू लानाच्वंगु दु।
एमालेया मेयरय् उम्मेदवार प्रकाश अधिकारीं ५०१ मत हःगु दु सा कांग्रेस उम्मदेवार रजनी थापां ४०० मत हःगु दु। आःतक ११५० मत गणना याये धुकुगु दु।
उपमेयर एमालेया उम्मेदवार ज्ञानमाया डंगोलं ३९१ मत हःगु दु सा कांग्रेसया उपमेयर उम्मेदवार मुरारी तामाङं ३५४ मत हःगु दु।
माओवादी केन्द्रया मेयर उम्मेदवार शेखर श्रेष्ठं १४५ व उपमेयरया उम्मेदवार यमुना पुडासैनीं २०७ मत काउगु दु।
