लुँ तोलां थौं न्यासः घटे जुगु दु। थौं लुँ तोलां न्यासः घटे जुया ९६ हजार ३ सय रुपैयाँ न कारोवार जुगु दु धका नेपाल सुनचाँदी व्यवसायी महासङ्घं धाउगु दु।

अथेहे वहः तोलां न झीन्यातका घटे जूगु दु। वहः तोलां झीन्यातका कुहावया १ हजार २ सय ५ रुपैयाँ न कारोबार जूगु दु धका महासङ्घं धाउगु दु।

स्वनिगः दुने हर्न न्यायेके मदइगु नियमयात प्रभावकारी दयकेगु ज्याय् उपत्यका ट्राफिक प्रहरी कार्यालयं थौंनिसे अभियान न्ह्याकूगु दु।

येँ २०७४ साल वैशाख १ गतेनिसे हर्न न्यायेक मदइगु निर्णय याउगु खःसा प्रभावकारी पालना मजुलि कार्यान्वयन यायेगु अभियान सुरु याउगु खः। काठमाडौं उपत्यका ट्राफिक प्रहरी कार्यालयं आयोजना व येँ महानगरपालिका, पद्मकन्या बहुमुखी क्याम्पस व कान्तिपुर डेण्टल कलेज नाप हस्पिटलनाप सहकार्यय् थौंनिसे थुगु अभियान सुरु याउगु खः।

सवारीया गम्भिर दुर्घटना जुइगु खतरा जूसा व सवारी वना च्वंगु इलय् सतकया छगु भागं मेगु भाग खने मदइगु मोड वंसा जक हर्न न्यायेके दइ।अथे जोखिमयुक्त मोडय् न चिहाकयेकः जक न्यायेके दइ। म्वाः मदयेकः हर्न न्यायेकलकि ५०० रुपैयाँ जरिवाना यायेगु व्यवस्था दु।

‘नो हर्न’ या नियम एम्बुलेन्स, सुरक्षाकर्मी, शव बाहन, दमकललगायत आकस्मिक प्रयोजनय् जक थुगु नियम लागू जुइमखु।

येँ महानगरपालिका २२ वडा दुने लाःगु न्यूरोडय् छक्वलं ३२ गू सहकारीत बिसिउँ वन धकाः पिहां वयाच्वंगु समाचार फय्गं जक जूगु धका येँ महानगरपालिका २२ वडा कार्यालयं धाःगु दु।

येँ महानगर २२ वडाध्यक्ष चिनीकाजी महर्जनं थःगु सामाजिक सञ्जालं छगू सुचं पित बिसें थ्व सम्बन्धी समाचार पिहां वयेवं वडापाखें अध्ययन याना स्वःबलय् बिसिउँ वन धकाः नां पिहां वःगु सहकारीत ताःई न्ह्यवंनिसें दर्ता नवीकरण तकं मयासे कारोवारय् मदुगु खँ धका धयादीगु खः।

उपिं ताःई न्ह्यव हे बन्द जुइधुंकूगु सहकारी जूगु कारणं आः तिनि बिसिउँ वंगु मखु धकाः नं वडां स्पष्ट याःगु दु।

प्रदेश व प्रतिनिधि सभा सदस्यया लागि वइगु मंसिर ४ गते जुइगु निर्वाचनया लागि थौंनिसे दल दर्ता सुरु जुइगु दु।

निर्वाचन आयोगया प्रवक्ता शालिग्राम शर्मा पौडेलं थौनिसे साउन ३१ गतेतक दल दर्ताया ई तोके याउगु दु। आयोगय् २०७९ साउन १९ सम्म दर्ता कायम जुगु राजनीतिक दलपि प्रत्यक्ष व समानुपातिक पाखे निर्वाचन प्रयोजनया लागि दर्ता याये दइ। दल दर्ता यायेत येँ कान्तिपथय् निर्वाचन आयोगं कार्यालयय् दुनेया इलय् वनेमाः धका धाउगु दु।

दल दर्ताया निवेदन बिइगु इलय् राजनीतिक दलया पूरा व संक्षिप्त नां, स्थापना जुगु तिथि, आयोगय् दर्ता जुगु तिथि, केन्द्रीय कार्यालय दुने ठेगाना, पत्राचार यायेगु ठेगाना, टेलिफोन नम्बर, इमेल, वेबसाइट व सामाजिक सन्जालया खाता तक खुले यायेमाःगु जुगु दु।

संस्कृति, पर्यटन तथा नागरिक उड्डयनमन्त्री जीवनराम श्रेष्ठं पशुपति द्यःया अवलोकन व निरीक्षण यानादीगु दु। मन्त्री श्रेष्ठं पशुपति दुने थीथी थासय् वना निरीक्षण नाप व्यवस्थापन पक्ष जानकारी कयादीगु दु।

मन्त्री श्रेष्ठं पुनर्निर्माण जुयाच्वंगु सम्पदा, विश्वरुपा द्यः मृगस्थली, श्लेषमान्तक वन, थीथ द्यः, स्तूपा, सत्तः लगायतया अवलोकन यानादीगु खः। अवलोकन नाप निरीक्षण याये धुका वयकलं पशुपति क्षेत्र व देगःया जःखः सरसफाइ यायेत ध्यान बिइत पशुपति क्षेत्र विकास कोषयात निर्देशन बियादीगु दु।

वयकलं भक्तजन, तीर्थयात्री, पैदलयात्री नाप पर्यटकपिन्त याउक दक्को प्रबन्ध मिले यायेत निर्देशन बिउगु खः। मृगस्थली क्षेत्रय् लिच्छविकालीन विश्वरूपा द्यःया पुनर्निर्माणया अवस्था व घाट व्यवस्थापनबारे न जानकारी कयादीसृ वयकलं लः, मत नाप सार्वजनिक शौचालय व्यवस्थापन याना याउक सेवा प्रवाह यायेत निर्देशन बियादीगु दु।

सरकारं पशुपति क्षेत्र सुधार ज्याझ्ःयात राष्ट्रिय गौरवया आयोजनाया रूपं तयातःगु दु।