पब्लिकेसन नेपालय न प्राचीन हिति प्रणालीइ च्वयातःगु पद्मसुन्दर जोशीया वृहत् अनुसन्धनात्मक कृति ‘हिति प्रणाली’ प्रकाशित याउगु दु।

यल महानगरपालिकां बुधबाः छगु ज्याझ्वलय् स्वनिगःया नगरप्रमुख, जनप्रतिनिधि, योजनाविद्, सम्पदा संरक्षण अभियानकर्ता दथुइ ’हिति प्रणाली’ सफू लोकार्पण याउगु दु।

उगु ज्याझ्वलय् च्वमि पद्मसुन्दर जोशीं यल महानगरया मेयर चिरीबाबु महर्जन व नेपाल विज्ञान तथा प्रविधि प्रतिष्ठान (नास्ट) या उपकुलपति सुनिल बाबु श्रेष्ठयात सफू लःल्हागु खः।

कन्ह्यः छगु ज्याझ्वः दथुइ निम्हेसित “फोनिज–युके पत्रकारिता पुरस्कार“ लल्हाइगु जुगु दु।

नेवाः पत्रकार राष्ट्रिय दबया पुलाम्ह उपाध्यक्ष टिकाराम प्रधानयात “फोनिज युके पत्रकारिता सम्मान” दसिपौनाप २५ हजार नगद लल्हाइगु जुगु दु।

अथेहे मेम्ह पत्रकार निलिफा सुब्बायात “फोनिज युके पत्रकारिता पुरस्कार” दसिपौ नाप २५ हजार नगद लल्हाइगु ज्याझ्वः दु।

कन्ह्यः छगु ज्याझ्वः दथुइ माननिय रामबहादुर थापा मगर) न्हिनय्सिया ४ बजे तमु बौद्ध सेवा समितिया हलय् लःल्हाइगु जुगु दु।

वंगु २४ घण्टाया दुने देयन्यक थप ७८ म्हेसित कोरोना भाइरस संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं ३ हजार ५१५ म्हेसिगु परीक्षण यागुलि ७८ म्ह संक्रमण जुगु दु धका धाउगु दु।

उकि मध्ये १ हजार ३८४ म्हेसिगु पीसीआर परीक्षण याउगुलि ६० म्ह २ हजार १३१ म्हेसिगु एन्टिजेन परीक्षण याउगुलि १८ म्ह याना ७८ संक्रमण खनेदुगु धका मन्त्रालयं धाउगु खः।

बेलायतया प्रधानमन्त्री बोरिस जोनसनं कन्जरभेटिभ पार्टीया नेतापाखे राजीनामा बिउगु दु।

तर वयकलं पार्टी न प्रधानमन्त्री जुइगु न्हम्ह नेता ल्यःज्या मजुतले थः हे प्रधानमन्त्री जुइगु धका धाउगु दु।

वयकलं कन्जर्भेटिभ पार्टीया सांसदपिनिगु इच्छा कथं पार्टीया न्हुम्ह नेता ल्ययेगु धका धाउगु दु।

चाँगुनारायण नगरपालिका वडा नम्बर–४ दुवाकोट व हेटौंडा नगरपालिकाय् हैजाया संक्रमित खनेदुगु दु।

इपिडिमियोलोजी व रोग नियन्त्रण महाशाखाया कथं निम्हेसित संक्रमित पिनिगु अस्पतालय् उपचार यानाच्वंगु दु। ‘दुवाकोटय् संक्रमितपि टेकु व हेटौंडाय् संक्रमितपि येँया विरेन्द्र सैनिक अस्पतालय् उपचार यानाच्वंगु दु।

आःतक २१ म्ह हैजाया संक्रमित पुष्टि जुइ धुकुगु दु,’ धका महाशाखाया निर्देशक डा. चुम्मनलाल दासं धाउगु दु।

स्वनिगलय् आःतक बागबजाः व कालीमाटी, सानेपा, डिल्लीबजाः, कपन, बालाजु (बोहोराटार), बल्खु, थानकोट, नैकाप, कोटेश्वर, कंलकी (खसीबजार), किपू, कागेश्वरी मनहरा, टेकु, व ग्वार्कोय् हैजाया संक्रमित खनेदुगु दु।