प्रधानमन्त्री शेरबहादुर देउवां येँया खाली जग्गा भूमाफियापिनिगु कब्जाय् दु धका धाउगु दु।

मंगलबाः शहरी विकास मन्त्रालयं ग्वसाः ग्वंगु राष्ट्रिय शहरी नीति, शहरी विकास ऐन व युटिलिटी करिडोर ऐन तर्जुमा सम्बन्धी परामर्श गोष्ठीइ प्रधानमन्त्री देउवां अथे धयादीगु खः।

प्रधानमन्त्री देउवां येँ च्वंगु खाली थाय् भूमाफियापिन्स थःगु नामय् ज्या जुयाच्वंगुलि सचेत जुइमाःगु दु धका धयादीगु खः। थुकियाउगु नियन्त्रण याये मफुत धासा भविष्यय् येँ च्वंगु खाली थाय् मदइ धका धाउगु खः।

प्रधानमन्त्री देउवां आः निर्वाचन आयोगं जारी याउगु निर्वाचन आचारसंहितायात ध्यान तया ज्या यायेगु न प्रतिवद्धता प्वकादिगु दु।

बलेफी हाइड्रोपावर कम्पनीया धितोपत्र प्राथमिक सार्वजनिक निष्कासन (आईपीओ) बाँडफाँड जुगु दु।

मंगलबाः सुथय् कम्पनीया सेयर निकासन नाप बिक्री प्रबन्धक ग्लोबल आईएमई क्यापिटलं आईपीओ बाँडफाँड याउँगु खः।

कम्पनी आईपीओया माग स्वया अप्पो आवेदन वःगुलि धितोपत्र निष्कासन व बाँडफाँड नियमावली कथं गोलाप्रथापाखे बाँडफाँड याउगुलि १ लाख ६६ हजार ३४५ म्हेसित १० कित्ता ल्याखं सेयर बिउगु दु।

उकि मध्ये स्वम्हेसित छगु छगु कित्ताया ल्याखं वितरण याउगु खः। वंगु चैत १६ गतेनिसे कम्पनीं १८ करोड २७ लाख ९७ हजार रुपैयाँ बराबरया १८ लाख २७ हजार ९७० कित्ता सेयर निष्कासन याउगु खः।

उकि मध्ये ४ प्रतिशत अर्थात् ७३ हजार ११९ कित्ता सेयर कर्मचारीपिनिगु लागि व ५ प्रतिशत अर्थात् १ लाख ९१ हजार ३९८ कित्ता सेयर सामूहिक लगानी कोष्यात छुटे याना बाँकी १६ लाख ६३ हजार ४५३ कित्ता सेयर सर्वसाधारया लागि आवेदन खुल्ला याउगु खः।

मेलम्ची खुसिया लः मंगलबाः सुरुङं येँ छ्वया हःगु दु।

खानेपानी मन्त्री उमाकान्त चौधरीं थौं मंगलबाः १ नं डाइभर्सन गेटपाखे लः छ्वया हया ३८ नं गेट चाय्का उलेज्या याउगु खः।

वंगु असार १ गते खुसि बाः वया मेलम्ची खानेपानी आयोजनाय् क्षति जुगु खः। सरकारं थ्व हे चैत मसान्त दुने लः येँ थ्यकिइ घोषणा याउगु खः।

थौं मंगलबाः लः सुरु सुरुङं छ्वया हःसा हितिइ लः छ्वया हयेत निवाःति लगे जुइ धका धाउगु दु।

लुँया भाः थौं च्यासः थहावंगु दु।

थौं लुँ तोलां च्यासः थहावना १ लाख ९ सय रुपैयाँ थ्यंगु दु धका नेपाल सुनचाँदी व्यवसायी महासङ्घं धाउगु दु।

अथेहे वहः तोलां झीन्यातका थहावंगु दु। वहः तोलां झीन्यातका थहावना १३ सय ८० रुपैयाँ थ्यंगु दु धका महासङ्घं धाउगु दु।

निर्वाचन आयोग नेपालया प्रमुख आयुक्त दिनेश थपलियां निर्वाचन तयारी रकेट गतीइ दुगुलि रोके याये मज्यु धका धाउगु दु।

निर्वाचन आयोगं विराटनगरय् जुगु ज्याझ्वलय् वयकलं निर्वाचन स्थगित याये मज्यु धका धाउगु खः।

अथे वयकलं निर्वाचन आचारसंहिता पालना यायेत न इनाप यागु खः। काङ्ग्रेस नेता सशांक कोइरालां निर्वाचनय् ६ करोड खर्च याउगु अभिव्यक्ति बिउगुलि आयोगं स्पष्टीकरण न्यनाउगु धासे वयकलं आचारसंहिता उल्लंघन याइगु दलपिन्त न लिसः फ्वनागु दु धका धयादीगु खः।