राष्ट्रिय सभाया सदस्य नारायण दाहालं पद व गोपनियताया सपथ काउगु दु।

थौं मंगलबाः राष्ट्रियसभा अध्यक्ष गणेश तिमल्सिनां दाहालयात पद नाप गोपनियताया सपथ बिउगु खः।

दाहालयात सरकारं सिफारिस याउगुलि राष्ट्रपति विद्यादेवी भण्डारीं राष्ट्रियसभा सदस्य मनोनित याउगु खः।

 एमालेपाखे यल महानगरपालिकाया मेयरया उम्मेदवारय् हरिकृष्ण व्यञ्जनकार सिफारिस जुगु दु।

यल महानगर कमिटीं व्यञ्जनकारयात मेयरया लागि सिफारिस याउगु दु। व्यञ्जनकार २०७४ या चुनावय् कांग्रेसया चिरिबाबु महर्जननाप पराजित जुगु खः।

अथेहे, उपमेयरया निति मन्जली शाक्यया नां सिफारिस जुगु दु। एमालेपाखे चितवनया भरतपुर महानगरपालिकाया मेयर पदय् विजय सुवेदीया नां सिफारिस जुइ धुकुगु दु।

एमाले न उम्मेदवारया नां सिफारिसया कन्ह्यः चैत्र ३० या लागि तोके यानातःगु दु।

चुनावी तालमेलया मोडालिटी क्वछिइगु निति सत्ता गठबन्धनया बैठक थौं च्वनेत्यःगु दु।

वइगु वैशाख ३० गते जुइगु पालिका चुनावय् तालमेल यायेगु निर्णय याये धुका गठबन्धनया शीर्ष नेतापिन्स म्हिगः विश्वासया वातावरण दयकेगु निति नेता कार्यकर्तापन्त छगु इनाप यासे मंकाः कथं अपिल जारी याउगु खः।

७ सय ५३ पालिकाय् हे तालमेलया लागि भागबन्डा मिले यायेत थौंया बैठकय् सहमति जुइ धका सञ्चारमन्त्री ज्ञानेन्द्रबहादुर कार्की न धाउगु दु।

डाक्टर शेखर कोइराला समूह न पार्टीया निर्णय व विधानया व्यवस्था विपरीत तालमेलया मोडालिटी तय जुगुलि थाकुइ धका धाउगु दु।

मेलम्ची खानेपानी आयोजनां मूल सुरुङय् थौंनिसे लः छ्वया हइगु जुगु दु।

मेलम्चीया अम्बाथानस्थित हेडवर्क्सय् ‘मेलम्चीया लः पुनः पथान्तरण कार्यक्रम’ यासे लः हाकन छ्वया हःगु खः।

लः थौंनिसे छ्वया हःसा हितिइ लः धासा छु दिं लिपा जक वइगु जुगु दु। थौंया ज्याझ्वलय् प्रधानमन्त्री शेरबहादुर देउवा जुइ धासा निर्वाचन आचारसंहिताया कारण सहभागी मजुइगु जुग दु।

६० दँ लिपा यलया हरिसिद्धिया त्रिशक्ति भवानी जात्रा पन्तिइ जुइगु दु।

थौंनिसे बैसाख पन्तिइ यलया जलःप्याखं जुइत्यंगु खः। थौं सांस्कृतिक परिक्रमा याना कन्ह्य व कसं हरिसिद्धि डबली, पन्तिइ प्याखं ल्हुइकिइ।

अथेहे, वैशाख १ गते हरसिद्धि द्यः छेँय् पूजा याये धुका जात्रा क्वचाइगु खः।

झीनिदँया जात्राया झ्वलय धुलिखेल, दोलखा व पशुपतिइ जात्रा सञ्चालन जुइ धुकुगु दु।