निर्वाचन आयोगं जेठ ५ दुने स्थानीय तहया निर्वाचन यायेमाः धका धाउगु दु।

सत्तारुढ न्यागु दलीय गठबन्धनं जेठ मसान्त दुने स्थानीय तह निर्वाचन यायेगु सहमति याउगु खः।

तर आयोगं जेठ ५ स्वया लिउने वने मज्यु धका धाउगु खः। आयोगया पदाधिकारीपिन्स मंगलबाः न्हिनय् प्रधानमन्त्री शेरबहादुर देउवा नापलाउगु झ्वलय् अथे धारणा तःगु खः।

सरकारं दुरुया भाः प्रतिलिटर खुतका व छम्वः थकाःगु दु ।

मन्त्रिपरिषदया म्हिगः सनिलय््च्वंगु मुँज्यां किसानतय्गु नितिं दुरुया समर्थन भाः प्रतिलिटर ५६तका व ४गः कायम याःगु दु । थ्वसिवे न्ह्यः कच्चा दुरु मूल्य प्रतिलिटर ४९तका व ५२गः तूगु खः ।

प्रतिलिटर १३गू फुती १गू ७गू प्रतिशत अथेधइगु ६तका व ५२गलं भाः थकाःगु खः । उपभोक्ताया नितिं प्रशोधित दुरुया भाः दुग्ध विकास संस्थानं क्वःछी ।

दुरुया भाः फ्याट व एस.एन.एफया लिधंसाय् क्वःछ्यूगु कृषि तथा पशुपन्छी विकास मन्त्रालयं धागु दु । छम्ह किसानं म्येदूरुया प्रतिलिटर ८४–८५तका चूलाकी ।

सा लहीम्ह किसानयात प्रतिलिटर ६०तका प्रतिलिटर चूलाइगु जूगु दु ।

स्वनियलय् थप १ हजार ७७२ म्ह कोरोना संक्रमण पुष्टि जुगु दु धका स्वास्थ्य मन्त्रालयं धाउगु दु।

मन्त्रालयया कथं थौं येँ १,३६१ म्हेसित कोरोना सक्रमण जुगु दु। अथेहे यलय् २७१ म्ह व ख्वपय् ९० म्हेसित कोरोना संक्रमण पुष्टि जुगु दु।

अथेमे मेमेगु जिल्लाय् स्वास्थ्य मन्त्रालयं बिउगु जानकारी कथं कास्कीइ २६५, मोरङय् २०३, चितवनय् १६१, काभ्रय् ११९, कैलालीइ ९३ व रुपन्देहीइ ८३ म्हेसित कोरोना संक्रमण पुष्टि जुगु दु।

अथेतु, सुनसरीइ ६७, बाँकेइ ५३, झापाय् ४२, तनहुँ व नवलपरासी पूर्वय् ४०÷४० म्ह, मकवानपुरय् ३७, धनुषाय् ३५, बागलुङय् ३३, कञ्चनपुरय् २९, सिन्धुलीइ २६, बाराय् २२ व पर्साय् २० म्ह कोरोना संक्रमितपि थपे जुगु दु धका मन्त्रालयं धाउगु दु।

वंगु २४ घण्टाया दुने देयन्यक थप ५ हजार २९२ म्हेसित कोरोना भाइरस (कोभिड–१९) या संक्रमण पुष्टि जुगु दु।

अथेहे थौं कोरोना सक्रमणं च्याम्हेसिगु ज्यान वंगु दु। स्वास्थ्य मन्त्रालयया कथं १० हजार ३६८ म्हेसिगु पीसीआर परीक्षण याउगुलि ३ हजार ४७२ म्हेसित व ५ हजार ७२० म्हेसिगु एन्टीजेन परीक्षण याउगुलि १ हजार ८२० म्ह याना ५ हजार २९२ म्हेसित कोरोना संक्रमण पुष्टि जुगु दु।

आःतक देयन्यक ७९ हजार २७२ म्ह सक्रिय संक्रमितपि दु सा ८ हजार १९१ म्ह संक्रमणमुक्त जुइ धुकुगु दु।

येँँ महानगरपालिकां त्रि.वि. शिक्षण अस्पतालयात अत्याधुनिक सीटी स्क्यान मेसिन लल्हाउगु दु।

थौं अस्पतालय् वना येँँ महानगरपालिका मेयर विद्यासुन्दर शाक्यं अस्पतालया निमित्त कार्यकारी निर्देशक प्रा.डा. सुवासप्रसाद आचार्ययात मेसिन न्यायेत चेक लल्हागु खः। उगु ज्याझ्वलय् नेकपा एमालेया वरिष्ठ उपाध्यक्ष ईश्वर पोखरेल, महानगरया उपमेयर हरिप्रभा खड्गी श्रेष्ठ, प्रमुख प्रशासकीय अधिकृत लोकनाथ पौडयाल, स्वास्थ्य संस्था दर्ता नाप नविकरण समितिया संयोजक दीपक के. सी.पिनिगु न सहभागी दुगु खः।

उगु ज्याझ्वलय् मेयर शाक्यं, उयपचार काये मखना मानवीय क्षति मजुइमा धासे महानगरं स्वास्थ्य सेवाय् लगानी अप्पोकाउगु दु धका धयादीगु खःः। ‘कोविड रोकथाम व नियन्त्रणया लागि सरकारी व सामुदायिक अस्पतालय् भेन्टिलेटर न लल्हागु दु। आइसोलेसन व कोविड अस्पताल चले यानागु दु।

अथेहे विशेषज्ञ स्वास्थ्य सेवा बिइफुगु सरकारी व सामुदायिक अस्पतालयात न ग्वाहालि यानागु दु। जिमिसं ज्या यायेगु इलय् महानगरय् च्वपिन्त स्वास्थ्य उपचारय् ध्यान बियाउगु दु।’ वयकल धयादीगु दु, सामुदायिक अस्पतालय् प्राविधिक क्षमता विकास याना व उपचारया लागि विरामीपिनिगु विश्वाश थकाना निजी स्वास्थ्य संस्थायात न बालाकाउगु दु। शिक्षण अस्पताल न उगु लँपूइ वकिइगु भलसा कयादीगु दु।’

उगु ज्याझ्वलय एमालेया वरिष्ठ उपाध्यक्ष ईश्वर पोखरेलं, महानगरं स्वास्थ्य क्षेत्रय् याउगु लगानीयात सकारात्मक लिच्वः खनेदुगु लिच्वःया अनुभव कनादीगु खः। ‘महानगरया कुतः महत्व दु व बालागु न खः। थुकिइ शिक्षण अस्पतालय् वइपि विरामीपिन्स तत्काल सेवा कायेफइ।’

उपमेयर हरिप्रभा खड्गी श्रेष्ठं धयादीगु दु, ‘सीटी स्क्यान मेसिनया उपयोगपाखे यक्को विरामीपिन्स  याउक सेवा काये फइगु भलसा कयादीगु दु।’

सिटी स्क्यान मेसिन न्यायेगु निति महानगरया आर्थिक अनुदानपाखे अस्पतालं मेसिन न्याना पुस ११ गते जडान सम्पन्न याउगु खः। फ्लास टेक्नोलोजी आधारित मेसिन १ सय २८ स्लाइस याउगु खः। स्पेसिफिकेसनया आधारय् सार्वजनिक खरिद ऐन प्रक्रियापाखे न्याउगु मेसिनया भाः ६ करोड १७ लाख १६ हजार ५५७ रुपैयाँ तुुगु खः। सम्झौता याउगु इलय् थुकिया भाः करीव ७ करोड ५० लाख रुपैयाँ खर्च तुइगु अनुमान याउगु खः।