बागमति प्रदेश सरकारया विषयगत मन्त्रालय अन्तर्गत आ.ब. २०७८÷७९ या योजना कथं येँया निर्वाचन क्षेत्र नं. ८ (क) य् परम्परागत बाजं संचालन वयाच्वगु त्वाः, गुथि व खलःयात छगु ज्याझ्वः दथुइ बाजं लःल्हागु दु।

बागमती प्रदेश सांसद माननीय सासद राजेश शाक्यं छगु ज्याझ्वः दथुइ परम्परागत बाजं लःल्हानादीगु खः। सांसद शाक्यं परम्परा बाजं संरक्षण यायेगु निति प्रदेशया बजेतय् ५० लाख तयादीगु खः।

येँया निर्वाचन क्षेत्र नं. ८ (क) य् २९ परम्परा गुथि व बाजं खलःपिन्त छगु ज्याझ्वः दथुइ लःल्हानादीगु खः। सांसद शाक्यं लिपि संरक्षण यायेगु निति न्हापा ५० लाख नेपाल लिपि गुथियात बजेत तयाबिउगु खः।

नेपाल सरकार (मन्त्रीस्तर) वंगु १७ गतेया निर्णय न प्रहरी वरिष्ठ उपरीक्षक (एसएसपी) पाखे प्रहरी नायब महानिरीक्षक (डिआइजी) पदोन्नति जूपि १७ प्रहरी अधिकृतयात थौं दज्र्यानी चिं लःल्हागु दु।

प्रहरी महानिरीक्षक धीरजप्रताप सिंह न प्रहरी प्रधान कार्यालयय् थौं छगु ज्याझ्वः दथुइ उगु चिं लल्हागु खः।

पदोन्नति लिपा दर्ज्यानी चिं कापिं डिआइजी वसन्तबहादुर कुँवर, टेकप्रसाद राई, अशोक सिंह, दीपक थापा, श्यामलाल ज्ञवाली, किरण बज्राचार्य, सन्दिप भण्डारी, सुदिप गिरी, मिरा चौधरी, टेकबहादुर तामाङ, उमेशराज जोशी, भीमप्रसाद ढकाल, रामदत्त जोशी, पोषराज पोखरेल, बुद्धिराज गुरुङ, दुर्गा सिंह व किरण राणापि खः।

आः प्रहरी नायब महानिरीक्षकय् बढुवा जूपि १७ मध्ये प्यम्ह मिसापि खः।

देयन्यक वंगु २४ घण्टाया दुने थप ५३ म्हेसित कोरोना भाइरस संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं १ हजार १६२ म्हेसिगु पीसीआर परीक्षण याउगुलि ३९ म्ह व ९५८ म्हेसिगु एन्टीजेन परीक्षणय् १४ म्ह याना ५३ म्हेसित संक्रमण पुष्टि जुगु दु।

वंगु २४ घण्टाय् २० म्ह कोरोनामुक्त जुगु दु सा देयन्यक ३३३ म्ह सक्रिय संक्रमितपि दु।

वल्र्ड नेवाः अर्गनाईजेशन, नेपाः च्याप्टरया ग्वसालय् नेवाः पहिचानया थीथी आयाम विषय राष्ट्रिय गोष्ठी क्वचागु दु ।

गोष्ठीया उलेज्या संघीया मामिला तथा सामान्य प्रशासन मन्त्रीं राजेन्द्र श्रेष्ठ यानादिगु खः। उगु ज्याझ्वलय् पुलाम्ह येँ महानगरपालिकाया मेयर बिद्यासुन्दर शाक्य व नेपाः च्याप्टरया निवर्तमान अध्यक्ष शाक्य सुरेनयात सम्मान याउगु खः।

गोष्ठीया न्हापागु सत्रय् डा.मिलन शाक्यं नेवाः पहिचानया विविध आयाम विषय मू न्वचु तयादीगु खः। अथेहे ज्याझ्वःया कजि पुष्कर माथेमा, नेवाः देय दबूया अध्यक्ष पबित्र बज्रचार्य, वल्र्ड नेवाः अर्गनाईजेशनया महासचि समन्त बज्रचार्य, व नेवाः पत्रकार राष्ट्रिय दबूया बरिष्ठ उपाध्यक्ष नृपेन्द्रलाल श्रेष्ठ व लोचनतारा मानन्धरं ज्याझ्वः न्ववानादीगु खः।

गोष्ठीया न्हापागु सत्रयया अध्यक्षता प्रा डा ओमकारेश्वर श्रेष्ठं यानादीगु उगु ज्याझ्वलय् नेवाः डा.चुन्दा बज्राचार्य नेपाःया शिक्षाप्रणालीइ नेपालभाषा, वरिष्ठ पत्रकार सुरेशकिरण मानन्धर नेवाः मिडिया व शरद कसाः न नेपाल लिपिया बारे कार्यपत्र न्ह्यब्बगु खः। निगुगु सत्रया अध्यक्षता डा.बिजय सैजु यानादीगुलि किरण केन रञ्जितं विश्वय् नेवाः, प्रेमराज शिल्पकारंण् पहिचानया लागि जुयाच्वंगु आन्दोलन व श्याम मानन्धरं नेपाल संवत् व शंखधर साख्वाया विषयय् कार्यपत्र न्ह्यब्बगु खः।

स्वगु सत्रय् जुगु ज्याझ्वःया अध्यक्षता डा. राजनलाल जोशीया अध्यक्षताय् नेवाः अमूर्त संस्कृति अन्तर्गत पत्रकार रत्न मनं येँया पून्हि, विराजकाजी राजोपाध्याय न ख्येँय् संगः व त्रिरत्न मानन्धरं दाफा यात कयाः कार्यपत्र न्ह्यगु खः। प्यगु सत्रय् जितेन्द्र बिलास बज्राचार्यं नेवाः संस्कृति गणेद्यः, शोभा श्रेष्ठं हाकुपटासी, वरिष्ठ पत्रकार पुष्करभक्त माथेमां नेवाः पहिचानय् अतिक्रमण विषय कार्यपत्र न्ह्यब्वगु खःसा उगु ज्याझ्वःया अध्यक्षता प्रा डा पुंरुषोत्तम श्रेष्ठ यानादीगु खः।

अथेहे लिपागु ज्याझ्वलय् संस्कृति मन्त्री जिवनराम श्रेष्ठं दिं लोककवि राजभाई जकःमि संकलन यानादीगु नेवाः पुर्खा विषय सचित्र सफू लोकापर्ण यानादीगु खः। ज्याझ्वःया सभाध्यक्षता नेपाः च्याप्टरया अध्यक्ष सुरेन्द्रभक्त श्रेष्ठ यानादीगु खः। नेपाः च्याप्टरया अध्यक्ष श्रेष्ठं नेपाल भाषा व संस्कृति नाप समसामयिक विषययात कया जनमत दयकेगु आजु तयाः थुगु गोष्ठी यानाःगु खँ धयादीगु खः।

मंकाः खनेपालभाषा मंकाः खलः यलय् न्हुगु नेतृत्वय् हिराकाजी महर्जन निर्वाचित जुगु दु।

ध्यक्षय् महर्जनं ३१८ मत हया निर्वाचित जुगु खःसा मेम्ह प्रत्याशी शाक्य सुरेनं १६१ मत हःगु खः।

अथेहे दुजलय् बिनोद ताम्रकारं ३७८, रमना महर्जन बज्राचार्य ३७७, बाबुराजा महर्जनं ३७६, फरिन्दा महर्जन ३७०, राजेश बज्राचार्यं ३६६, बेखारत्न महर्जनं ३६३, राजु ताम्रकारं ३६३, उकुलाल महर्जनं ३५४, शैलेन्द्र बज्राचार्यं ३५३, राजेन्द्र महर्जनं ३४७, प्रेम महर्जनं ३३६ व महेन्द्रलाल महर्जनं ३३३ मत हया निर्वाचित जुगु खः।