Display Style:
Column Style
पेट्रोलियम पर्दाथया भाः झीतक कुहावंल
लहनान्युज | तछलाथ्व तृतीया ११४२, जेष्ठ १९ बिहीवाः
नेपाल आयल निगमं डिजल, पेट्रोल व मचिकनय् भाः क्वकाउगु दु।
बिहीबाः च्वंगु् निगम सञ्चालक समितिया बैठकं डिजल, पेट्रोल व मचिकनय् भाः झीतक झीतका क्वकानगु दु धका निगमया प्रवक्ता विनितमणि उपाध्यायं जानकारी बिउगु दु।
आः पेट्रोल लिटरं १७० रुपैयाँ व डिजल नाप मचिकं लिटरं १५३ रुपैयाँ जुगु दु। जा थुइगु ् ग्याँस व हवाई इन्धनया भाः धाःसा क्वहावंगु मदु।
नेबि सघं हाकन त्रिभुवन विश्वविद्यालयं किपूलिइ हाकन तालं ग्वल
लहनान्युज | तछलाथ्व तृतीया ११४२, जेष्ठ १९ बिहीवाः
सत्तारुढ दल नेपाली कांग्रेस निकट नेपाल विद्यार्थी संघया छगु पुचलं त्रिभुवन विश्वविद्यालयया केन्द्रीय कार्यालय किपूलिइ तालं ग्वया बिउगु दु।
तालं ग्वया त्रिवि पदाधिकारीपिन्स थ्व स्वया न्ह्यः ग्वया तःगु तालं तछ्यागु द्धपः बिउगु दु। उमिसं छगु विज्ञप्तिइ पिकया धाउगु दु, ‘विश्वविद्यालय पदाधिकारीपाखे वार्ता व संवादया लुखाँ बन्द याना लखं घुसपैठ याना नेपाल कम्युनिष्ट पार्टी (क्रान्तीकारी) मध्ये केन्द्रीय कमाण्डया लेटर प्याडय् इन्चार्ज सफलया ल्हाचिं तया नक्कली विज्ञप्ति टाँस याना नेविसंघं ग्वया तःगु तालं तछ्याउगु कुतः यायेगु दु।’
माघ ७ गते व आंशिक प्राध्यापक संघर्ष समितिं माघ २२ ग्वंगु तालं बुधबाः नेपाल कम्प्युनिस्ट पार्टी (क्रान्तिकारी) या कार्यकर्तापिन्स तछ्याउगु खः।
मंसिरया न्हापागु वाः दुने प्रतिनिधिसभा व प्रदेशसभाया निर्वाचन यायेगु
लहनान्युज | तछलाथ्व द्धितीया ११४२, जेष्ठ १८ बुधवाः
तयारी सत्तारुढ दलपिन्स वइगु कात्तिकया लिपागु वाः दुने वा मंसिरया न्हापागु वाः दुने प्रतिनिधिसभा व प्रदेशसभाया निर्वाचन यायेगु कथं छलफल न्ह्याकूगु दु।
मंगलबाः प्रधानमन्त्रीया सरकारी निवास बालुवाटारय् च्वंगु बैठकय् कात्तिक लिपागु वाः दुने वा मंसिरया न्हापागु वाः दुने निर्वाचन यायेगु प्रस्ताव वःगु दु धका बैठकय् सहभागी नेकपा माओवादी केन्द्रया नेता नारायणकाजी श्रेष्ठं धाउगु दु।
२०७४ य् मंसिर १० गते व २१ गते निगु चरणय् निर्वाचन जुगु खः।
प्रधानमन्त्री देउवा व येँ महानगरया शाह दथुइ भेटवार्ता
लहनान्युज | तछलाथ्व द्धितीया ११४२, जेष्ठ १८ बुधवाः
प्रधानमन्त्री शेरबहादुर देउवा व येँ महानगरपालिकाया मेयर बालेन शाह दथुइ भेटवार्ता जुगु दु।
प्रधानमन्त्रीया सचिवालयं बिउगु जानकारी कथं छु ई न्ह्यः जक प्रधानमन्त्री निवास बालुवाटारय् भेटवार्ता जुगु खः।
देउवां केन्द्र व प्रदेश सरकार नाप दुगुलि जनताया समस्या समाधानया लागि ग्वाहलि यायेगु बचं बिउगु दु धका धाउगु दु।
सेयर बजाः थौं न कुहावल
लहनान्युज | तछलाथ्व द्धितीया ११४२, जेष्ठ १८ बुधवाः
बुधबाः न सेयर बजाः कुहावंगु दु। बुधबाः कारोबार जुगु १३ उपसमूह मध्ये स्वगु जक थहावंगु दु।
थौं ७.२१ अंकं घटे जुया बजाः २१३०.७१ अंकय् थ्यःगु दु। थौं बुधबाः २२७ कम्पनीया सेयर दोस्रो बजारया कारोबारय् कुल कारोबार १ अर्ब ७ करोडय् थ्यःगु दु। कारोबार जुगु मध्ये १०१ कम्पनीया सेयर थहावंगुलि ८४ कम्पनीया भाः कुहावंगु दु सा १० कम्पनीया भाः छु न ह्यूपा मवः।
