Display Style:
Column Style
येँ महानगरय् बालेन आःतक न्ह्यने
लहनान्युज | बछलाथ्व त्रयोदशी ११४२, बैसाख ३१ सनिवाः
येँ महानगरपालिकाय् आःतक ३०० मतगणना याये धुकुगु दु।
३०० मतगणना जुगुलि प्रमुख पदय् बालेन साह न ७२ मत हःगु दु। अथेहे नेपाली कांग्रेसया उम्मेदवार सिर्जना सिंहं ७० मत हःगु दु।
नेकपा (एमाले) या उम्मेदवार केशव स्थापितं ५९ मत हःगु दु।
येँ महानगरपया उपमेयरय् एमालेया सुनिता डंगोल न्ह्यने
लहनान्युज | बछलाथ्व त्रयोदशी ११४२, बैसाख ३१ सनिवाः
येँ महानगरपालिकाया उपमेयरय् एमालेया सुनिता डंगोल न्ह्यने लानाच्वंगु दु।
आः वडा नम्बर १ य् जुयाच्वंगु मतगणना कथं सुनितां ३३ मत काउगु दु सा नेकपा एकीकृत समाजवादीया उम्मेदवार रामेश्वर श्रेष्ठं ११ मत काउगु दु।
अथेहे वडा नम्बर ३२ य् ७० य् मतय् सुनितां २४ व श्रेष्ठं १२ मत काये धुकुगु दु।आःतक १७० मत ल्याखागुलि सुनितां ५७ मत व श्रेष्ठं २३ काउगु दु।
यल महानगरपालिकाय् मतगणना सुरु
लहनान्युज | बछलाथ्व त्रयोदशी ११४२, बैसाख ३१ सनिवाः
यल महानगरपालिकाय् मतगणना सुरु जुगु दु।
सर्वदलीय बैठकलिपा वडा नम्बर १ पाखे मतगणना सुरु जुगु दु।
येँ महानगरय् छपाः भोत ल्याखायेत २० मिनेट लगे जुल
लहनान्युज | बछलाथ्व त्रयोदशी ११४२, बैसाख ३१ सनिवाः
येँ महानगरपालिकाय् मतगणना यायेगु ढिल्ला जुगु दु।
मतगणना सुरु १ घण्टाय् जम्मा न्ह्यपाः जक ल्याखाये फुगु दु। निर्वाचन अधिकृतया कार्यालय कथं छपाः मतपत्र ल्याखायेगु निति २० मिनेट लगे जुगु दु।
महानगरपालिकाय् यक्को उम्मेदवार दुगु कारण ल्याखायेगु निति यक्को ई काउगु खः। येँ महानगरपालिकय् मेयरया उम्मेदवारपि जक ५० म्ह दु।
भरतपुर महानगरपालिकाय् मतगणना यायेगु सुरु
लहनान्युज | बछलाथ्व त्रयोदशी ११४२, बैसाख ३१ सनिवाः
चितवनया भरतपुर महानगरपालिकाय् क्वछिउगु ई स्वया २ घण्टा लिपा मतगणना सुरु यायेत्यःगु दु।
निर्वाचन आयोगं मतगणना यायेत कर्मचारी व दलपिन्स ल्याखइगु स्वयत प्रतिनिधिया व्यवस्थापनय् ढिला जुगुलि २ घण्टा लिबाउगु खः।
अन वडा नं. १ पाखे मतगणना सुरु यायेगु तयारी दु। आः छगु हे जक वडाया मत ल्याखया वनेगु सहमति जुगु दु।
