राष्ट्रपति विद्यादेवी भण्डारीं तमु ल्होसारया लसताय् सकल नेपाःमिपिन्त थःव थः सद्भाव, सहिष्णुता व बन्धुत्वया भावना ब्बलकेगु नाप बृहत् राष्ट्रिय एकताय् थप सुदृढ यायेत ग्वाहालि जुइ धका धयादीगु दु।

वयकलं थौं तमु ल्होसारया लसताय् बिउगु भिंतुना सन्देशय् थुगु नखः न दक्कोे नेपाःमिपिनिगु न्हुगु उत्साह तथा उमङ्ग ज्वना सभ्य, सुसंस्कृत व प्रगतिशील समाज निर्माणय् न्ह्यावनेगु प्रेरणा दयेमाः धका कामना यानादीगु खः।

गुरुङ समुदायया थौं पुलागु दँयात बिदा बिया न्हुगु दँयात लसकुस यायेगु कथं हनिइगु खः। थुगु समुदायया अप्वो दुगु लमजुङ, गोरखा, तनहुँ, स्याङ्जा, कास्की, पर्वतलगायत जिल्लाय् थुगु नखः तजिक हनेगु याइ।

बैतडीइ सुदूरपश्चिम प्रदेशया पहाडी जिल्लाय् भुखाय् ब्बःगु दु।

बुधबाः चान्ह्य १२ बजे जुया ५३ मिनेटय् ब्बःगु उगु भुखाय् बैतडी, दार्चुला लगायत जिल्लाय् धक्का महसुस जुगु खः।

भूकम्प मापन केन्द्र सुर्खेतया टेक्निकल असिस्टेन्टया कथं ४.६ रेक्टर स्केलया् भुखाय् ब्बःगु केन्द्रबिन्दु धासा भारतय् जुगु धका धाउगु दु।

थौं तमु ल्होसार । गुरुङ समुदायं थौं हर्षोल्लासलिसें तमु ल्होसार नखः हनाच्वंगु दु ।

तमु धइगु खँग्वलं गुरुङ समुदाययात म्हसीकीसा ल्होसार धयागु न्हूदँ खः । थ्व निगू खँग्वः ल्वाकज्यानाः तमु ल्होसार जूगुलिं थौं गुरुङ समुदायया न्हूदँ खः ।

चिनियाँ पात्रो कथं दँय् १२ ला दइ । थ्व १२ ला जनावरया नामं तयातःगु दु । गुरुङ समुदायं थौंनिसें सादँयात विदा यानाः धुँदँयात लसकुस याइ । ल्होसारं किसानी जीवनशैली अले मौसम व प्रकृतिया निकटता प्रतिविम्बित याइ ।

ल्होसार नेपालय् जक मखसें तिब्बत, भुटान, भारत, म्यानमार, अमेरिका, अष्ट्रेलिया, बेलायतलिसेंया देशय् न्यनाः च्वनाच्वंपिं तमु समुदायं तःजिक हनेगु याइ ।

थ्व हे दथुइ, सरकारं गुरुङ समुदायया नखः तमु ल्होसारया लसताय् थौं सार्वजनिक विदा ब्यूगु दु । म्हिगः च्वंगु मन्त्रिपरिषद् मुँज्यां विदा बीगु निर्णय याःगु खः ।

थ्वहे लसताय् राष्ट्रपति विद्यादेवी भण्डारीं तमु ल्होसार नखलं सकल नेपाःमि दथुइ थवंथवय् सद्भाव, सहिष्णुता व बन्धुत्वया भावना थकाइगु धयादीगु दु ।

तमु ल्होसारया लसताय् भिंतुना हसना ब्युसें वय्कलं थुगु नखलं सकल नेपाःमि दथुइ न्हूगु उत्साह अले उमङ्ग ह्वलाः सभ्य, सुसंस्कृत व प्रगतिशील समाज दयेकेगु नितिं न्ह्यज्यायेत हःपाः बीमा धकाः मनंतुनादीगु दु ।

देय्या मौलिक सांस्कृतिक सम्पदाया संरक्षण अले संवद्र्धन यायेमाःगुलिइ बः ब्युसें राष्ट्रपति भण्डारीं साँस्कृतिक सम्पदां समृद्ध समाज दयेकेत ग्वहालि जुइगु धयादीगु दु ।

अथे हे, ल्होसारया भिंतुना ब्युसें प्रधानमन्त्री शेरबहादुर देउवां गुरुङ समुदायं हनीगु ल्होसार नखःया थःगु हे विशिष्ट म्हसीका दुगु धयादीगु दु ।

वंगु २४ घण्टाया दुने देयन्यक थप २२० म्हेसित कोरोना भाइरस पुष्टि जूगु दु।

६ हजार ४३३ म्ह पीसीआर परीक्षण याउगुलि २०३ म्ह व १ हजार १ सय ७५ म्ह एन्टीजेन परीक्षण याउगुलि ११ म्ह याना २२० म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाउगु दु।

अथेहे २४ घण्टाय् निम्ह सीउगु दु सा २५३ म्ह संक्रमणमुक्त याउगु दु।

शेयर बजाः परिसूचक नेप्से थौं बुधवाः सामान्य थहावंगु दु।

थौं नेप्से ५ दशमलव ५१ अङ्कं थहावना २ हजार ५ सय २४ दशमलव ५० विन्दुइ थ्यंगु दु। थौं व्यापार, विकास बैंक, फाइनान्स, जीवन बीमा व लगानी समूहया शेयर घटे जूसा मेमेगु समूहया शेयर सामान्य थहावंगु दु।

अथेहे २ सय २८ कम्पनीया ५६ लाख ३८ हजार कित्ता शेयर ३ अर्ब ६२ करोड ३४ लाख रुपैयाँ कारोबार जूगु दु। दकलय् हिमालयन डिस्टिलरीया ५२ करोड ५५ लाख रुपैयाँ शेयर कारोबार जूगु दु।

थौं मध्य भोटेकोसी जलविद्युत् कम्पनीया शेयर १० प्रतिशतं व नेपाल बङ्गलादेश बैंक शेयर ९ प्रतिशतं थहावंगु दु। नारायणी विकास बैंक शेयर धासा झन्डै साढे ३ प्रतिशतं घटे जुगु दु।